બોલો, માત્ર 1 વર્ષમાં જ આપ્યું 130% જેવડું તોતિંગ વળતર! આ અગ્રણી PSUએ રજૂ કર્યા મજબૂત પરિણામો
PSU Q1 Results: બજાર બંધ થયા બાદ દેશની સૌથી મોટી કોલસા ઉત્પાદક કોલ ઈન્ડિયાએ તેના પ્રથમ ત્રિમાસિક પરિણામો જાહેર કર્યા છે. કોન્સોલિડેટેડ ધોરણે કાર્યકારી આવક 1%ના ઉછાળા સાથે રૂ. 36464 કરોડ રહી. ટેક્સ પહેલાનો નફો 6% વધીને 14147 કરોડ રૂપિયા થયો છે. ચોખ્ખો નફો 4%ના ઉછાળા સાથે રૂ. 10944 કરોડ રહ્યો. કોલસાના ઉત્પાદનમાં વાર્ષિક ધોરણે 8% અને ઑફટેકના આધારે 6% વૃદ્ધિ નોંધાઈ છે. આ શેર રૂ. 522 પર બંધ થયો અને છેલ્લા એક વર્ષમાં 130 ટકા વળતર આપ્યું છે.
સ્ટોક માર્કેટને મોકલવામાં આવેલી માહિતીમાં કોલ ઈન્ડિયાએ જણાવ્યું કે તેનો EBITDA એટલે કે ઓપરેટિંગ પ્રોફિટ 5.6% વધીને 14338 કરોડ રૂપિયા થઈ ગયો છે. એબિટડા માર્જિન 37.7% થી વધીને 39.3% થયું. બુક વેલ્યુમાં 13%ના ઉછાળા સાથે શેર રૂ. 152.11 પર રહ્યો. કંપનીએ આ ક્વાર્ટરમાં રૂ. 3331 કરોડનું મૂડી રોકાણ કર્યું છે. શેર દીઠ કમાણી રૂ. 17.78 હતી જે માર્ચ ક્વાર્ટરમાં રૂ. 14.09 હતી. એક વર્ષ પહેલા તે 17.08 રૂપિયા હતો.
કોલ ઈન્ડિયાનો શેર રૂ.522 પર બંધ રહ્યો હતો. 3 જૂને આ શેરે રૂ. 527ની સર્વકાલીન ઊંચી સપાટી બનાવી હતી. આ શેરે છેલ્લા એક મહિનામાં 10 ટકા, ત્રણ મહિનામાં 15 ટકા, છ મહિનામાં 28 ટકા, આ વર્ષે અત્યાર સુધીમાં 37 ટકા, એક વર્ષમાં લગભગ 130 ટકા રિટર્ન આપ્યું છે.
(ડિસ્ક્લેમર: અહીં રજૂ કરેલી માહિતી જુદા જુદા ફાયનાન્સિયલ એક્સપર્ટસના અંગત આકલનો મુજબ હોય છે. વેબસાઈટના આ અંગે કોઈ અંગત અભિપ્રાય નથી. માર્કેટમાં કરેલું દરેક પ્રકારનું રોકાણ જોખમોને આધીન હોય છે. કોઈ પણ રોકાણ કરતા પહેલા તમારા વિશ્વાસુ ફાયનાન્સિયલ એક્સપર્ટની સલાહ અચૂક લો.)
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp