Gold Price Today : સોનાના ભાવમાં જબરદસ્ત ઘટાડો, ચાંદી પણ 2 વર્ષની રેકોર્ડ નીચી સપાટીએ પહોંચ્યું; ખરીદી માટેની સુવર્ણ તક
બિઝનેસ ડેસ્ક : સપ્તાહના પ્રથમ કારોબારી દિવસે યુએસ માર્કેટમાં ઘટાડાને કારણે સોના અને ચાંદીના ભાવમાં મોટો બ્રેક આવ્યો હતો. વહેલી સવારે ભારતીય શેરબજાર ભારે ઘટાડા સાથે ખુલ્યું હતું. આની અસર એ થઈ કે બુલિયન માર્કેટ અને એમસીએક્સ માર્કેટ બંનેમાં જોરદાર ઘટાડો જોવા મળ્યો.
બુલિયન માર્કેટમાં સોમવારે સવારે સોના-ચાંદીના ભાવમાં જબરદસ્ત ઘટાડો જોવા મળ્યો હતો. ઈન્ડિયા બુલિયન એસોસિએશન (https://ibjarates.com) દ્વારા જારી કરાયેલા દર મુજબ, શુક્રવારની સરખામણીમાં ચાંદી 1405 રૂપિયા પ્રતિ કિલો ઘટીને 54205 રૂપિયા થઈ ગઈ છે. એ જ રીતે 24 કેરેટ સોનું 437 રૂપિયા ઘટીને 51231 રૂપિયા પ્રતિ 10 ગ્રામ પર જોવા મળ્યું હતું. આ પહેલા 26 જુલાઈના રોજ ચાંદીનો ભાવ 54155 રૂપિયા પ્રતિ કિલો થઈ ગયો હતો.
ડોલર સામે રૂપિયો પણ 80.08 ના સર્વકાલીન નીચલા સ્તરે ખૂલ્યો હતો. સ્થાનિક બજારમાં, એમસીએક્સ પર સોનું બપોરે 12 વાગ્યાની આસપાસ 292 રૂપિયાના ઘટાડા સાથે 50946 રૂપિયા પ્રતિ 10 ગ્રામ પર ટ્રેડ કરી રહ્યું હતું. આંતરરાષ્ટ્રીય બજારમાં હાજર સોનું 1724 ડોલર પ્રતિ ઔંસના સ્તરે છે. નિષ્ણાતો અપેક્ષા રાખી રહ્યા છે કે સોના અને ચાંદી પર દબાણ યથાવત રહેશે.
સપ્તાહના પ્રથમ ટ્રેડિંગ દિવસે શેરબજાર ભારે દબાણમાં જોવા મળ્યું હતું. સોમવારે સવારે સેન્સેક્સ 1466 પોઈન્ટના ઘટાડા સાથે 57367 ના સ્તર પર ખુલ્યો હતો. નિફ્ટી 370 પોઈન્ટના ઘટાડા સાથે 17188 ના સ્તર પર ખુલ્યો હતો. જો કે તે પછી બજારમાં રિકવરીનો માહોલ જોવા મળી રહ્યો છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp