3 દિવસની તેજી પછી આજે માર્કેટ ગગડશે? ગ્લોબલ સંકેત શું કહે છે? કઈ પાંચ કંપનીઝ અપાશે ‘બમ્પર ડિવિડન્ડ’? જાણો
Market Updates: બુધવારે શેરબજારમાં નબળાઈ જોવા મળી શકે છે. SGX નિફ્ટી ઘટાડા સાથે ખુલ્યો, જે 18300 ની નીચે સરકી ગયો છે. એ જ રીતે એશિયન બજારોમાં પણ નરમાઈ છે. જાપાનનો નિક્કી અને કોરિયાનો કોસ્પી ઈન્ડેક્સ પણ ઘટાડા સાથે કારોબાર કરી રહ્યો છે. જોકે, યુએસ ફ્યુચર્સ માર્કેટમાં ખરીદી જોવા મળી રહી છે. S&P, Dow અને Nasdaq Fut લીલા રંગમાં છે. અગાઉ, સ્થાનિક બજારો મંગળવારે સતત ત્રીજા દિવસે સકારાત્મક બંધ રહ્યા હતા. ગઈકાલે BSE સેન્સેક્સ 18 પોઈન્ટ વધીને 61,981 પર અને નિફ્ટી પણ 19 પોઈન્ટ વધીને 18,333 પર બંધ થયો હતો.
શેરબજારમાં પરિણામની મોસમને કારણે પસંદગીના શેરો ફોકસમાં છે. મજબૂત પરિણામોની સાથે કંપનીઓ મોટા ડિવિડન્ડની પણ જાહેરાત કરી રહી છે. જેના કારણે રોકાણકારોને બમ્પર નફો પણ મળી રહ્યો છે. માર્ચ ક્વાર્ટરના પરિણામો સાથે ડિવિડન્ડની જાહેરાત કરનાર 5 કંપનીઓમાં અશોક લેલેન્ડ, NMDC, ફોર્ટિસ હેલ્થ, અમરા રાજા અને JSW એનર્જીના શેરનો સમાવેશ થાય છે, જેણે રોકાણકારો માટે શેર દીઠ 320% ડિવિડન્ડ જાહેર કર્યું છે.
બેટરી નિર્માતાએ માર્ચ ક્વાર્ટરમાં જબરદસ્ત પ્રદર્શન કર્યું હતું. કંપનીએ રૂ. 139.42 કરોડનો નફો કર્યો છે, જે ગયા વર્ષના સમાન ક્વાર્ટરમાં રૂ. 98.85 કરોડ હતો. મજબૂત પરિણામોની સાથે કંપનીએ ડિવિડન્ડની પણ જાહેરાત કરી છે. આ અંતર્ગત 320%ના ડિવિડન્ડને મંજૂરી આપવામાં આવી છે. બોર્ડે રૂ. 1ની ફેસ વેલ્યુ પર શેર દીઠ રૂ. 3.2 મંજૂર કર્યા છે. ડિવિડન્ડની રકમ અંગેનો અંતિમ નિર્ણય એજીએમમાં લેવામાં આવશે. વાર્ષિક મીટિંગના 30 દિવસની અંદર ડિવિડન્ડની રકમ રોકાણકારોના ખાતામાં આવી જશે.
ઓટો સેક્ટરની દિગ્ગજ કંપનીએ માર્ચ ક્વાર્ટરના પરિણામો સાથે રૂ 1ની ફેસ વેલ્યુ પર 260% ના ડિવિડન્ડની જાહેરાત કરી છે. એટલે કે, રોકાણકારોને પ્રતિ શેર રૂ. 2.60નો ડિવિડન્ડ નફો મળશે. જણાવી દઈએ કે કંપનીએ જાન્યુઆરીથી માર્ચ દરમિયાન 751 કરોડ રૂપિયાનો નફો કર્યો છે, જ્યારે એક વર્ષ પહેલા આ જ સમયગાળામાં કંપનીએ 901 કરોડ રૂપિયાનો નફો કર્યો હતો. કાર્યકારી નફામાં 64 ટકાની સકારાત્મક વૃદ્ધિ જોવા મળી હતી.
સરકારી કંપનીએ માર્ચ ક્વાર્ટરમાં રૂ. 2277 કરોડનો નફો કર્યો છે, જે ગયા વર્ષના સમાન ગાળામાં રૂ. 1862 કરોડ હતો. એટલે કે વાર્ષિક ધોરણે નફામાં 22 ટકાનો વધારો થયો છે. સારા પરિણામોને કારણે કંપનીએ 285 ટકાના મજબૂત ડિવિડન્ડની પણ જાહેરાત કરી છે. એક્સચેન્જ ફાઇલિંગ અનુસાર, કંપનીએ શેરધારકો માટે રૂ. 1ની ફેસ વેલ્યુ પર શેર દીઠ રૂ. 2.85ના ડિવિડન્ડને મંજૂરી આપી છે.
હેલ્થકેર કંપનીએ રોકાણકારો માટે ડિવિડન્ડને મંજૂરી આપી છે. એક્સચેન્જ ફાઇલિંગ અનુસાર, રૂ. 10ની ફેસ વેલ્યુ પર શેર દીઠ રૂ 1નું ડિવિડન્ડ મંજૂર કરવામાં આવ્યું છે. આ અર્થમાં, રોકાણકારોને દરેક શેર પર 10 ટકાનો ડિવિડન્ડ નફો મળશે. માર્ચ ક્વાર્ટરમાં કંપનીનો નફો વાર્ષિક ધોરણે 59 ટકા વધીને 138.3 કરોડ રૂપિયા થયો છે, જે ગયા વર્ષના સમાન ક્વાર્ટરમાં 87.03 કરોડ રૂપિયા હતો.
ર્જા ક્ષેત્રની કંપનીએ 23 મેના રોજ તેના ચોથા ત્રિમાસિક પરિણામો જાહેર કર્યા. આ સાથે કંપનીએ રૂ. 10ની ફેસ વેલ્યુ પર શેર દીઠ રૂ. 2ના ડિવિડન્ડને પણ મંજૂરી આપી છે. એટલે કે, રોકાણકારોને શેર દીઠ 20 ટકા ડિવિડન્ડ નફો મળશે. જાન્યુઆરીથી માર્ચના ગાળામાં કંપનીએ રૂ. 272 કરોડનો નફો કર્યો છે, જે એક વર્ષ અગાઉના ગાળામાં રૂ. 864.35 કરોડ હતો. એટલે કે વાર્ષિક ધોરણે નફામાં 68.53 ટકાનો ઘટાડો થયો છે.
(ડિસ્ક્લેમર: અહીં રજૂ કરેલી માહિતી જુદા જુદા ફાયનાન્સિયલ એક્સપર્ટસના અંગત આકલનો મુજબ હોય છે. વેબસાઈટના આ અંગે કોઈ અંગત અભિપ્રાય નથી. માર્કેટમાં કરેલું દરેક પ્રકારનું રોકાણ જોખમોને આધીન હોય છે. કોઈ પણ રોકાણ કરતા પહેલા તમારા વિશ્વાસુ ફાયનાન્સિયલ એક્સપર્ટની સલાહ અચૂક લો.)
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp