યુવતીને સોશિયલ મીડિયા પર મિત્રતા કરવી ભારે પડી, 3 મહિના સુધી ગેંગરેપ, બળજબરીપૂર્વક કરાવ્યુ ધર્મ પરિવર્તન, 'પાદરી' સહિત 13 સામે કેસ
Rape Case: પંજાબના બટાલામાં 22 વર્ષીય યુવતી સાથે કથિત અપહરણ અને ગેંગરેપના સંદર્ભમાં પોલીસે 'પાદરી' સહિત 13 લોકો સામે કેસ નોંધ્યો છે. પોલીસે જણાવ્યું હતું કે, પીડિતાની ફરિયાદના આધારે, ભારતીય દંડ સંહિતા (BNS)ની કલમ 70 (ગેંગરેપ), 127(4) (ખોટી રીતે બંધક બનાવવું) અને 61(2) (ગુનાહિત કાવતરું) હેઠળ FIR નોંધવામાં આવી છે. આરોપીઓમાં 'પાદરી' મનજીત સિંહ, સવાર મસીહ, હેપ્પી, કાજલ, રાજિન્દર અને અન્ય 13 લોકોનો સમાવેશ થાય છે, જેમાંથી 2 લોકોની ઓળખ હજુ બાકી છે.
પીડિતાએ જણાવ્યું કે, તે ફતેહગઢ ચુરિયાં રોડ નજીકના એક ગામમાં આવેલી ચોખાની મિલમાં કામ કરતી હતી. તે જ ગામના રહેવાસી સાવર મસીહ કોઈના સોશિયલ મીડિયા એકાઉન્ટની ID લઈને તેને ફોલો કરવા લાગ્યો. જાન્યુઆરીમાં, સાવર મસીહ અને તેનો એક સંબંધી મિલમાં પહોંચ્યા, તેમને બહાર બોલાવીને તીક્ષ્ણ હથિયારથી ધમકી આપી અને બળજબરીથી સ્કૂટર પર બેસાડીને લઈ ગયા. પીડિતાના જણાવ્યા મુજબ, તેને કોઈ અજાણી જગ્યાએ લઈ જવામાં આવી હતી જ્યાં તેના પર બળાત્કાર ગુજારવામાં આવ્યો હતો, માર મારવામાં આવ્યો હતો અને 3 મહિના સુધી ઘરમાં બંધ રાખવામાં આવી.
તેણે આરોપ લગાવ્યો કે, પાદરી મનજીત સિંહે, તેને એક પ્રવાહી પીવડાવ્યું અને કહ્યું કે તે હવે ખ્રિસ્તી ધર્મમાં પરિવર્તિત થઈ ચૂકી છે. આ ત્યારબાદ, તેને એક દસ્તાવેજ પર સહી કરવાની ફરજ પાડવામાં આવી જેમાં જણાવાયું હતું કે તે એક આરોપી સાથે લિવ-ઇન રિલેશનશિપમાં રહે છે. પીડિતાએ જણાવ્યું કે ગયા અઠવાડિયે આરોપી રૂમને તાળું મારવાનું ભૂલી ગયો હતો, જેનો ફાયદો ઉઠાવીને તે ત્યાંથી ભાગી ગઈ હતી.
આ મામલો એવા સમયે પ્રકાશમાં આવ્યો છે જ્યારે આ મહિનાની 1 એપ્રિલે, મોહાલી કોર્ટે 2018ના બળાત્કાર કેસમાં સ્વ-ઘોષિત પાદરી બજિન્દર સિંહને આજીવન કેદની સજા ફટકારી હતી. આ મહિનાની શરૂઆતમાં, 2 વર્ષથી ફરાર રહેલા અન્ય એક કથિત પાદરી જશન ગિલે ગુરદાસપુર કોર્ટમાં આત્મસમર્પણ કર્યું હતું.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp