આતંકી ઉમર નબીનો અંતિમ વિડીઓ આવ્યો સામે, આત્મઘાતી હુમલાવર બનવાની કરી રહ્યો છે હિમાયત, જુઓ વિડીઓ
રાજધાની દિલ્હીના કાર બોમ્બ બ્લાસ્ટ કેસમાં તપાસ એજન્સીઓને એક પછી એક ચોંકાવનારા પુરાવાઓ મળી રહ્યા છે. બ્લાસ્ટની ઘટનાને અંજામ આપનાર આતંકવાદી મોહમ્મદ ઉમર નબીનો એક નવો વીડિયો સામે આવ્યો છે. આ વીડિયોએ આ કેસને વધુ ગંભીર બનાવી દીધો છે, કારણ કે તેમાં ઉમર સ્પષ્ટ રીતે આત્મઘાતી બોમ્બ વિસ્ફોટની હિમાયત કરતો દેખાઈ રહ્યો છે. આતંકી ઉમર જણાવે છે કે, આત્મઘાતી બોમ્બ વિસ્ફોટને યોગ્ય રીતે સમજવામાં આવ્યો નથી.
મળતી માહિતી અનુસાર, આ વીડિયો ઉમરે બ્લાસ્ટ પહેલા પોતે રોકોર્ડ કર્યો હતો. તપાસ ટીમનું માનવું છે કે, આ વીડિયો ઉમરની વિચારસરણી, યોજનાઓ અને કટ્ટરપંથી વિચારધારાને દર્શાવે કરે છે. આનાથી એવા સંકેત પણ મળ્યા છે કે, તે લાંભા સમયથી આ પ્રકારના હુમલાની તૈયારી કરી રહ્યો હતો. મળી આવેલ વીડિયોમાં, ઉમર કહી રહ્યો છે, "સૌથી મોટી ભૂલ એ છે કે લોકો એ સમજી જ નથી શકતા કે લિબ્રોસિસ બોમ્બમારો (અથવા તો આત્મઘાતી બોમ્બ બ્લાસ્ટ જેવો વિચાર) ખરેખર શું હોય છે. તે કોઈ પણ રીતે લોકશાહી નથી અને ન તો કોઈ સભ્ય સમાજમાં સ્વીકાર કરી શકાય છે. તેની સામે ઘણા વિરોધાભાસ અને અસંખ્ય દલીલો ઉપલબ્ધ છે."
ઉમર વીડિયોમાં આગળ કહે છે, "આત્મઘાતી હુમલાઓ સાથેનો સૌથી મોટો મુદ્દો એ છે કે જ્યારે કોઈ વ્યક્તિ એ માની લે છે કે તે કોઈ ચોક્કસ સમયે અને સ્થળ પર નિશ્ચિત રીતે મરવા જઈ રહ્યો છે તો એ એક ખતરનાક માનસિકતામાં પ્રવેશ કરી લે છે. તેઓ પોતાને એવી સ્થિતિમાં મૂકે છે જ્યાં તેઓ માની લે છે કે મૃત્યુ જ તેની એકમાત્ર મંજિલ છે." તેણે આગળ કહ્યું, "પરંતુ વાસ્તવિકતા એ છે કે કોઈ પણ લોકશાહી અને માનવીય વ્યવસ્થામાં આવા વિચાર કે આવી સ્થિતિને સ્વીકાર કરી શકાતી નથી, કારણ કે આ જીવન, સમાજ અને કાયદાના મૂળભૂત સિદ્ધાંતોની વિરુદ્ધ છે."
View this post on Instagram A post shared by SidhiKhabar (@sidhikhabar)
A post shared by SidhiKhabar (@sidhikhabar)
આ વીડિયો અહીં સુધી જ છે, તેથી આત્મઘાતી બોમ્બ વિસ્ફોટ પર તેના આગળના વિચારો સામે આવી શક્યા નથી. જોકે, આ વીડિયોમાં આતંકી ઉમર ઘણો જ શાંત અને આરામદાયક જણાય છે અને તે માથું હલાવી હલાવીને વાત કરી રહ્યો છે. આ વીડિયો આતંકવાદીઓના મનોવિજ્ઞાનનો અભ્યાસ કરતા વૈજ્ઞાનિકો માટે ઘણો ઉપયોગી સાબિત થઈ શકે છે. લાલ કિલ્લા મેટ્રો સ્ટેશન પાસે થયેલા વિસ્ફોટમાં અત્યાર સુધીમાં 15 લોકોના મોત થયા છે. આ ધમાકો ત્યારે થયો જ્યારે કારમાં બેઠેલા એક શખ્સે મેટ્રો સ્ટેશનના ગેટ નંબર 1ની બહાર પોતાની જાતને ઉડાવી દીધી હતી. માહિતી અનુસાર, દિલ્હીમાં 10 નવેમ્બરના રોજ સ્યૂસાઈડ એટેક કરનારા વ્હાઈટ કોલર ટેરર મોડ્યૂલે તે પહેલા હમાસની જેમ ડ્રોન અને રોકેટ હુમલાનું પ્લાનિંગ કર્યું હતું.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp