આ લોકોને સરકાર ભાડે આપશે મકાન! બીજા શહેરોમાં રોજીરોટી માટે જનારા શ્રમિક વર્ગ માટે આશીર્વાદરૂપ આયોજન થશે

Government will rent a house: જે લોકો નાના શહેરોમાંથી મોટા શહેરોમાં રોજગારની શોધમાં જાય છે, તેવા લોકો માટે ભાડાનું ઘર લેવું ખૂબ મુશ્કેલ કામ હોય છે. કારણ કે તેમની આવકનો એક મોટો ભાગ તેમાં જતો રહે છે. જ્યારે કોઈ બીજા શહેરમાં સ્થળાંતર થાય છે, ત્યારે સૌ પ્રથમ તેમણે રહેવાની વ્યવસ્થા કરવી પડે છે. અને તે માટે તેઓ ભાડાનું ઘર શોધે છે. જો કોઈ નાના શહેરમાંથી મોટા શહેરમાં જાય છે, તો ભાડાનું ઘર શોધવું ખૂબ મુશ્કેલ કામ બની જાય છે. કારણ કે ત્યાં જે ઘરો મળે છે તે ખૂબ મોંઘા હોય છે. અને ખાસ કરીને જે મજૂર વર્ગ છે, જે લોકો કોઈ ફેક્ટરીમાં કામ કરે છે અથવા અન્યત્ર કામ કરે છે, એમને મોંઘા રહેઠાણ પરવડતા નથી. તેથી જ હવે ભારત સરકાર ફેક્ટરીમાં કામ કરતા મજૂરો અથવા અન્ય શહેરોમાંથી આવેલા અન્ય કામદારોને ભાડે ઘર પૂરું પાડશે.

2024ના બજેટમાં ભારત સરકાર દ્વારા કામદાર મજૂરો જે નાના શહેરો છોડીને મોટા શહેરોની ફેક્ટરીઓમાં કામ કરવા જાય છે, તેમના માટે PPP મોડેલ એટલે કે પબ્લિક પ્રાઇવેટ પાર્ટનરશીપ હેઠળ ઓછી કિંમતે ભાડાના ઘરો ઉપલબ્ધ કરાવવામાં આવશે. નાણાં મંત્રી નિર્મલા સીતારમણે બજેટ 2024માં PPP મોડેલ હેઠળ શહેરોમાં કામ કરતા મજૂરોને ભાડે સસ્તા ઘર પૂરા પાડવાની જાહેરાત કરી.

આ ઘરો ડોર્મિટરીની જેમ બનાવવામાં આવશે અને તેમાં ખાનગી કંપનીઓની ભાગીદારી હશે. આ ઇમારતોનું નિર્માણ ખાસ કરીને ફેક્ટરી અને જ્યાં કામકાજ થશે ત્યાં કરવામાં આવશે. અને તેનું ભાડું સામાન્ય રીતે જે ભાડું લાગે છે તેના કરતાં ઘણું ઓછું હશે. આનાથી નાના શહેરોમાંથી આવેલા કામદાર મજૂરોને ખરાબ જગ્યાએ રહેવું નહીં પડે. અને તેમને રહેવા માટે વધારે પૈસા પણ આપવા નહીં પડે.

સરકાર દ્વારા જાહેર કરાયેલા બજેટમાં મોટા શહેરોને વિકાસ કેન્દ્ર તરીકે બનાવવા અંગે જાહેરાત કરવામાં આવી છે. આ યોજના હેઠળ કેન્દ્ર સરકાર રાજ્ય સરકારો સાથે મળીને કામદાર લોકો માટે ઘર બનાવવાનું આયોજન કરશે. સરકાર દ્વારા 30 લાખથી વધુ વસ્તી ધરાવતા કુલ 14 શહેરોને આ યોજના હેઠળ નિશાન કરવામાં આવશે. અહીં આ ઇમારતોનું નિર્માણ કરવામાં આવશે. જોકે, આ યોજના હેઠળ મજૂરોને કેવી રીતે લાભ મળશે, તેઓ કેવી રીતે ઘર માટે અરજી કરી શકશે, હાલમાં આ અંગે માહિતી આપવામાં આવી નથી.

(ડિસ્‍ક્‍લેમર: અહીં રજૂ કરેલી માહિતી જુદા જુદા ફાયનાન્સિયલ એક્સપર્ટસના અંગત આકલનો મુજબ હોય છે. વેબસાઈટના આ અંગે કોઈ અંગત અભિપ્રાય નથી. માર્કેટમાં કરેલું દરેક પ્રકારનું રોકાણ જોખમોને આધીન હોય છે. કોઈ પણ રોકાણ કરતા પહેલા તમારા વિશ્વાસુ ફાયનાન્સિયલ એક્સપર્ટની સલાહ અચૂક લો.)