થાઈલેન્ડની કમ્બોડિયા પર એરસ્ટ્રાઈક! 45 દિવસ અગાઉ જ ટ્રમ્પે કરાવ્યો હતો યુદ્ધવિરામ

થાઈલેન્ડ અને કંબોડિયા વચ્ચે ફરી યુદ્ધ ફાટી નીકળ્યું છે. અમેરિકન રાષ્ટ્રપતિ ડોનાલ્ડ ટ્રમ્પની મધ્યસ્થી યુદ્ધવિરામ થયું હતું છતા થાઈલેન્ડે ફરી એકવાર કંબોડિયાની સરહદ પર હવાઈ હુમલા શરૂ કર્યા છે. થાઈ સેનાના પ્રવક્તા મેજર જનરલ વિન્થાઈ સુવારીએ સોમવારે જણાવ્યું હતું કે થાઈલેન્ડે કંબોડિયા સાથેની તેની વિવાદિત સરહદ પર હવાઈ હુમલા કર્યા છે. આ અગાઉ, બંને દેશોએ એકબીજા પર યુદ્ધવિરામ કરારનું ઉલ્લંઘન કરવાનો આરોપ લગાવ્યો હતો.

થાઈ સેનાએ કંબોડિયા સરહદ પર F-16 તૈનાત કર્યા છે અને કંબોડિયાના પ્રદેશ પર હવાઈ હુમલા કરી રહી છે. થાઈ સેનાએ એક નિવેદનમાં જણાવ્યું હતું કે ઉબોન રત્ચાથાની પ્રાંતના પૂર્વીય ભાગમાં બે સ્થળોએ નવી અથડામણમાં ઓછામાં ઓછો એક થાઈ સૈનિક માર્યો ગયો અને અન્ય 4 ઇજાગ્રસ્ત થયા.

જુલાઈમાં આ સરહદ વિવાદ 5 દિવસના યુદ્ધમાં પરિણમ્યો, ત્યારબાદ અમેરિકન રાષ્ટ્રપતિ ડોનાલ્ડ ટ્રમ્પ અને મલેશિયાના વડાપ્રધાન અનવર ઇબ્રાહિમે યુદ્ધવિરામની મધ્યસ્થી કરી હતી. ટ્રમ્પ ઓક્ટોબરમાં કુઆલાલંપુરમાં બંને દેશો વચ્ચે એક મોટા યુદ્ધવિરામ કરાર પર હસ્તાક્ષરના સાક્ષી બન્યા હતા. પરંતુ આ યુદ્ધવિરામ બે મહિના પણ ટકી શક્યો નહીં.

થાઈલેન્ડે કંબોડિયા પર ઉશ્કેરણીજનક કાર્યવાહીનો આરોપ લગાવ્યો છે. થાઇલેન્ડના અગ્રણી અખબાર ‘ધ નેશન’ના મુજબ, રોયલ થાઇ આર્મી કમાન્ડરોએ થાઇ-કંબોડિયન સરહદ પરના ઘણા વિસ્તારોમાં તણાવ વધવાની સૂચના આપી છે. થાઇ સેનાએ સ્થાપિત પ્રોટોકોલની અંદર પ્રતિક્રિયા આપી અને નાગરિકોને બહાર કાઢવામાં મદદ કરવા માટે ઝડપી કાર્યવાહી કરી.

રવિવારે (7 ડિસેમ્બર) સતત લડાઈ બાદ જ્યારે કંબોડિયન સૈનિકોએ સી સા કેટ પ્રાંતના કંથારાલક જિલ્લામાં ફુ ફા લેક-પ્લાન હિન પેટ કોન વિસ્તારમાં હુમલો કર્યો ત્યારે આ ઘટના બની.

થાઇ સેનાના પ્રવક્તા મેજર જનરલ વિન્થાઇએ જણાવ્યું હતું કે સોમવારે વહેલી સવારે ઉબોન રત્ચાથાની પ્રાંતના નામ યુએન જિલ્લાના ચોંગ એન મા વિસ્તારમાં અથડામણ શરૂ થઈ હતી. કંબોડિયન સૈનિકોએ સવારે લગભગ 5:05 વાગ્યે નાના હથિયારો અને પરોક્ષ ગોળીબાર શરૂ કર્યો અને ચાલુ રહ્યો.

રોયલ થાઇ એર ફોર્સ (RTAF)ના પ્રવક્તા એર માર્શલ જક્રીત થમ્માવિચાઇએ જણાવ્યું હતું કે સુરાનરી ટાસ્ક ફોર્સ સાથે મળીને હાથ ધરવામાં આવેલ આ કાર્યવાહી, કંબોડિયન સૈન્ય દ્વારા થાઇલેન્ડની રાષ્ટ્રીય સુરક્ષા, સરહદી વિસ્તારોમાં રહેતા રહેવાસીઓની સલામતી અને વિસ્તારમાં કાર્યરત થાઇ કર્મચારીઓની સીધી ધમકી આપતી કાર્યવાહીના જવાબમાં હતી.

થાઈ સેનાનો દાવો છે કે કંબોડિયાએ સરહદ પર ભારે શસ્ત્રો પહોંચાડ્યા હતા અને લડાયક એકમો તૈનાત કર્યા હતા. થાઈલેન્ડનો દાવો છે કે આ કાર્યવાહી લશ્કરી કામગીરીમાં વધારો કરી શકે છે અને થાઈ સરહદી પ્રદેશ માટે ખતરો ઉભો કરી શકે છે.

આ ઘટનાઓને કારણે કંબોડિયાની લશ્કરી ક્ષમતાઓને મર્યાદિત કરવા અને રાષ્ટ્રીય સુરક્ષા અને નાગરિકોના રક્ષણ માટે જરૂરી ન્યૂનતમ સ્તર સુધી ઘટાડવા માટે હવાઈ શક્તિનો ઉપયોગ કરવામાં આવ્યો.

સોમવારે, કંબોડિયાના રાષ્ટ્રીય સંરક્ષણ મંત્રાલયે થાઈ લશ્કરી દળો પર પ્રીહ વિહાર પ્રાંતમાં સરહદ પર કંબોડિયાના સૈનિકો પર શ્રેણીબદ્ધ ‘ક્રૂર અને અમાનવીય’ હુમલાઓ શરૂ કરવાનો આરોપ લગાવ્યો હતો. કંબોડિયાએ આ ઘટનાને 6 અઠવાડિયા પહેલા હસ્તાક્ષર કરાયેલા દ્વિપક્ષીય શાંતિ કરારનું ગંભીર ઉલ્લંઘન ગણાવ્યું હતું.

કંબોડિયાના સૈન્યના પ્રવક્તા લેફ્ટનન્ટ જનરલ મેલી સોચેતાએ જણાવ્યું હતું કે હુમલાઓ 8 ડિસેમ્બરના રોજ સવારે 5:04 વાગ્યે એન સેસ વિસ્તારમાં શરૂ થયા હતા, જ્યાં થાઈ સૈનિકોએ કંબોડિયન સ્થાનો પર ગોળીબાર કર્યા હોવાના અહેવાલ છે. નિવેદન અનુસાર, થાઈ સેનાએ પાછળથી તામોન થોમ મંદિર, પ્રેહ વિહાર મંદિર નજીકના 5 મકારા વિસ્તાર અને ચોમકા ચેક તરફ ટેન્ક શેલ છોડ્યા, જેને કંબોડિયાએ ઘણા દિવસોની ઉશ્કેરણી પછી સંકલિત હુમલો ગણાવ્યો હતો.

મંત્રાલયે જણાવ્યું હતું કે આ હુમલો થાઈ સૈન્ય દ્વારા "ઘણી ઉશ્કેરણીજનક કાર્યવાહી" બાદ થયો હતો, જેમાં પાછલા દિવસે પ્રોરાલીન થમારમાં બનેલી ઘટનાનો સમાવેશ થાય છે, જેની બાબતે ફ્નોમ પેન્હનું માનવું છે કે તેનો હેતુ મુકાબલો ઉશ્કેરવાનો હેતુ હતો.

બે અલગ અલગ હુમલાઓ છતા કંબોડિયાએ કહ્યું કે તેની સેનાએ "મહત્તમ સંયમ" રાખ્યો છે અને વળતો ગોળીબાર કર્યો નથી, શાંતિપૂર્ણ સંઘર્ષ નિરાકરણ અને આંતરરાષ્ટ્રીય કરારોનું પાલન કરવાની તેની પ્રતિબદ્ધતા પર ભાર મૂક્યો છે.

કંબોડિયન કમાન્ડરો સંપૂર્ણ સતર્કતા અને અત્યંત સાવધાની સાથે પરિસ્થિતિનું નિરીક્ષણ કરી રહ્યા છે.