શું તમારો ચહેરો તડકામાં કાળો પડી ગયો? તો ઘરે જ દૂર કરો આ રીતે ટેનિંગ..! ત્વચામાં આવશે ચમક
Skin Tanning: ઉનાળાની ઋતુ ગરમીની સાથે સાથે ત્વચા પર અનેક પ્રકારની સમસ્યાઓ પણ આપે છે.તીવ્ર સૂર્યપ્રકાશ અને ધૂળની અસરને કારણે ત્વચા શુષ્ક થવા લાગે છે, જેના કારણે ચહેરાની ચમક ધીરે ધીરે ઓછી થવા લાગે છે. ખાસ કરીને આ સિઝનમાં દરેક વ્યક્તિ ટેનિંગની સમસ્યાથી પરેશાન હોય છે. ટેનિંગ ચહેરાની સુંદરતાને બગાડે છે. જો તમે પણ સ્કિન ટ્રીટમેન્ટ લેવાથી ડરતા હોવ તો કેટલાક ઉપાયો અપનાવીને ટેનિંગની સમસ્યામાંથી રાહત મેળવી શકો છો. આ વસ્તુઓનો ઉપયોગ કરતા પહેલા એકવાર પેચ ટેસ્ટ કરી લો.
લીંબુ ત્વચાની ઘણી સમસ્યાઓ દૂર કરવામાં મદદરુપ છે. તેમા ઘણા એવા તત્વો જોવા મળે છે જેના કારણે તમે સન ટેનિંગથી છુટકારો મેળવી શકો છો. કોટનની મદદથી ત્વચા પર લીંબુનો રસ લગાવવો. થોડા દિવસોમાં તમને તેની અસર દેખાવા લાગશે.
એક બાઉલમાં બે ચમચી ચણાનો લોટ લો અને તેમાં થોડી હળદર ઉમેરો. હવે આ પેકને આંગળીઓની મદદથી ચહેરા અને ગરદન પર લગાવો. આ તમને ટેનિંગ દૂર કરવામાં મદદ કરશે.
પપૈયાની પેસ્ટ બનાવો, તેમાં થોડું મધ ઉમેરો અને તેને તમારા ચહેરા અને ગરદન પર લગાવો. આ તમારી ત્વચાને એક્સ્ફોલિયેટ કરશે. તેને 15 મિનિટ સુધી ચહેરા પર લગાવો અને પછી ચહેરો ધોઈ લો.
કાકડીને છીણીને તેનો રસ કાઢો. આ પછી તેમાં લીંબુનો રસ અને ગુલાબજળના ટીપાં એડ કરી દો. હવે તેને કોટનની મદદથી તમારી ત્વચા પર લગાવો. થોડી વાર પછી ચહેરો ધોઈ લો.
એક બે ચમચી દૂધમા થોડી હળદર ઉમેરો. આ પેસ્ટને તમારા ચહેરા પર સારી રીતે લગાવો. આ પેસ્ટ લગાવવાથી ચહેરા પર ફરક દેખાશે.
( Disclaimer: અહીંયા જણાવેલ નુસ્ખા અને સલાહો કોઈ દવા અને ઈલાજનો વિકલ્પ નથી જેથી તેને અપનાવતા પહેલા ડૉક્ટર કે બીજા કોઈ એક્સપર્ટની સલાહ જરૂરથી લેવી)
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp