ખરાબ રસ્તાઓ બનાવનારા કોન્ટ્રાક્ટરોને નીતિન ગડકરીએ આપી ચેતવણી, જાણો શું બોલ્યા
કેન્દ્રીય માર્ગ પરિવહન અને ધોરીમાર્ગ મંત્રી નીતિન ગડકરી મંગળવારે ખરાબ જાળવણીવાળા રસ્તાઓને લઈને એજન્સીઓ અને કોન્ટ્રાક્ટરોની સખત નિંદા કરતા કહ્યું હતું કે સારા કોન્ટ્રાક્ટરોને પુરસ્કાર આપવામાં આવશે પરંતુ ખરાબ કોન્ટ્રાક્ટરોને સિસ્ટમમાંથી બહાર કરી દેવામાં આવશે. ખરાબ રસ્તા બનાવનારને અમે છોડીશું નહીં. અમે ખાતરી કરીશું કે ગેરરીતિ આંચરનારાઓની બેંક ગેરંટી જપ્ત કરવામાં આવે અને ત્યારબાદ અમે તેમને બ્લેકલિસ્ટ કર્યા. નવા ટેન્ડર માટે અરજી કરવાની મંજૂરી આપવામાં આવશે નહીં.
નીતિન ગડકરીની આ ચેતવણી ત્યારે આવી જ્યારે ઈસ્ટર્ન પેરિફેરલ એક્સપ્રેસવેની નબળી જાળવણીને જોઇ, જેના પર તેઓ 'સ્વચ્છતા હી સેવા 2024 - સ્વભાવ સ્વચ્છતા - સંસ્કાર સ્વચ્છતા' અભિયાન હેઠળ વૃક્ષારોપણ અભિયાન 'એક પેડ મા કે નામ'ના ઉદ્ઘાટન માટે ગાઝિયાબાદ પહોંચ્યા. કેન્દ્રીય મંત્રીએ ઈસ્ટર્ન પેરિફેરલ એક્સપ્રેસવેની જાળવણી અંગે નારાજગી વ્યક્ત કરી અને સંબંધિત એજન્સીઓ અને કોન્ટ્રાક્ટરોની ટીકા કરી.
કેન્દ્રીય માર્ગ પરિવહન મંત્રી નીતિન ગડકરીએ કહ્યું કે એસોસિએશનના અધિકારીઓ અહીં (કાર્યક્રમમાં દર્શકો વચ્ચે) બેઠા છે, રસ્તાઓ સારી રીતે જાળવવા જોઈએ. મેં આજે રસ્તો જોયો, તેની જાળવણી ખૂબ જ ખરાબ છે. અમે તમને નહીં છોડીએ. મેં ઘણા સમય પછી ઈસ્ટર્ન પેરિફેરલ એક્સપ્રેસ વેનો ઉપયોગ કર્યો છે. ઘણું કામ કરવામાં આવ્યા છે. હવે હું ઈચ્છું છું કે કામ ન કરતા ઘણા લોકો નિવૃત્ત થાઇ જાય. કેટલાક કોન્ટ્રાક્ટરોને બ્લેકલિસ્ટ કરવા જોઈએ અને કેટલાકની બેન્ક ગેરંટી જપ્ત કરી લેવામાં આવે. તમને જણાવી દઈએ કે આ પહેલા કેટલીક જગ્યાએ ખરાબ હાઈવે અને રોડ બનાવવાની ફરિયાદો આવી ચૂકી છે. વરસાદના કારણા ઘણી જગ્યાએ રોડ જ ધસી ગયા છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp