PoKના વિલયનું મિશન શરૂ? મોદી સરકારના આ પ્લાનથી લાલચોળ થઈ જશે પાકિસ્તાન
સરકારે જે પ્રકારે યોજના સાથે જમ્મુ-કાશ્મીરથી આર્ટિકલ-370ને હટાવ્યું. હવે એ જ રીતે પાકિસ્તાન ઓક્યૂપાઈડ કાશ્મીર (PoK)ને ભારતમાં વિલય કરવાનું કામ શરૂ થઈ ગયું છે. મોદી સરકારે મંગળવારે લોકસભામાં એવું બિલ પાસ કર્યું, જેથી પાકિસ્તાનનું લાલચોળ થવાનું નક્કી માનવામાં આવી રહ્યું છે. ઘણા લોકો તેને PoK વાપસીનું ટ્રેલર પણ કહી રહ્યા છે.
કેન્દ્રીય ગૃહ મંત્રી અમિત શાહે લોકસભામાં જમ્મુ-કાશ્મીર પુનર્ગઠન (સંશોધન) બિલ 2023 રજૂ કર્યું. આ બિલમાં પ્રાવધાન કરવામાં આવ્યું કે વિસ્થાપિત કાશ્મીરી પંડિતો માટે 2 સીટ અનામત કરવામાં આવે. બિલ પાસ થયા બાદ ઉપરાજ્યપાલ કાશ્મીરી પંડિત સમુદાયના 2 સભ્યોને નોમિનેટ કરી શકશે. PoK વિસ્થાપિતો માટે પણ જમ્મુ-કાશ્મીર એસેમ્બલીમાં અનામતનું પ્રાવધાન કરવામાં આવ્યું છે. ઉપરાજ્યપાલ ત્યાં 1 સભ્યને પોતાની તરફથી નોમિનેટ કરી શકશે.
ગૃહ મંત્રી અમિત શાહે મંગળવારે લોકસભામાં જમ્મુ-કાશ્મીર સાથે જોડાયેલા 2 બિલ પાસ કર્યા. એ બિલોના નામ ‘જમ્મુ કાશ્મીર રિઝર્વેશન (સંશોધન) બિલ 2023’ અને ‘જમ્મુ-કાશ્મીર પુનર્ગઠન (સંશોધન) બિલ 2023’ છે. બિલ રજૂ કરતાં અમિત શાહે કહ્યું કે, એક દેશમાં 2 વડાપ્રધાન, 2 સંવિધાન અને 2 ઝંડા કેવી રીતે થઈ શકે છે. જેમણે એમ કર્યું, તેમણે ખોટું કર્યું. વડાપ્રધાન મોદીએ તેને સારું કર્યું. અમે 1950થી કહી રહ્યા છીએ કે દેશમાં એક પ્રધાન, એક નિશાન એક વિધાન હોવું જોઈએ.
અમિત શાહે કહ્યું કે, દેશમાં એક વડાપ્રધાન, એક ઝંડો અને એક સંવિધાન અમે કર્યું. અમે ઇતિહાસની ભૂલ સુધારી. તેમણે જણાવ્યું જમ્મુ-કાશ્મીર રિઝર્વેશન બિલમાં એસેમ્બલીમાં કાશ્મીરી પંડિતો માટે 2 અને PoKથી વિસ્થાપિતો માટે 1 સીટ રિઝર્વ કરવાનું પ્રાવધાન કરવામાં આવ્યું છે. મોદી સરકારના આ બિલો પર PDPએ પોતાની પ્રતિક્રિયા આપી છે. તેમણે આરોપ લગાવ્યો કે, એવી બધી કવાયતો ગેરકાયદેસર છે. સંવિધાનના આર્ટિકલ-370ને ગેરકાયદેસર રદ્દ કરવામાં આવ્યું છે અને આ કેસ સુપ્રીમ કોર્ટમાં વિચારાધીન છે. એવામાં જ્યારે કોઈ સુપ્રીમ કોર્ટમાં પેન્ડિંગ હોય તો સરકર તેના પર કાયદો કેવી રીતે બનાવી શકે છે. એ ગેરકાયદેસર છે. તેઓ સંવિધાન, સંસદ અને સુપ્રીમ કોર્ટને કચડી રહ્યા છે. તેઓ દેશની દરેક સંસ્થાને કચડી રહ્યા છે.
જમ્મુ-કાશ્મીર સંશોધન બિલ પર સદનની ચર્ચામાં ભાગ લેતા NCP (શરદ પવાર ગ્રૃપ)ના સાંસદ સુપ્રિયા સુલેએ દિવંગત ભાજપના નેતા અરુણ જેટલી અને સુષમા સ્વરાજને યાદ કર્યા. તેમણે કહ્યું કે, આજે મને જેટલીજી અને સુષમાજીની યાદ આવે છે. તેઓ એકમાત્ર ભાજપના નેતા હતા જેમણે સહકારી સંઘવાદની વકીલાત કરી હતી.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp