300 યુનિટ મફત વીજળી, 500 રૂપિયામાં ગેસ સિલિન્ડર... કોંગ્રેસના પોતાના ચૂંટણી ઢંઢેરામાં શું-શું વચનો આપ્યા?
Congress Releases Manifesto: દિલ્હી વિધાનસભા ચૂંટણીની તૈયારીઓ પૂરજોશમાં ચાલી રહી છે. રાજધાની દિલ્હીમાં ચાલી હલચલ વચ્ચે કોંગ્રેસે પોતાનો મેનિફેસ્ટો બહાર પાડ્યો છે. કોંગ્રેસે પોતાના મેનિફેસ્ટોમાં મહિલાઓ અને યુવાનો માટે ઘણા વચનો આપ્યા છે. કોંગ્રેસે પોતાના ચૂંટણી ઢંઢેરામાં કહ્યું છે કે અમે દરેક ગરીબ પરિવારની એક મહિલાને દર મહિને 2,500 રૂપિયા આપીશું. અમે આ યોજના કર્ણાટકમાં લાગૂ કરી છે, અમે દિલ્હીમાં પણ કરીશું. કોંગ્રેસના ચૂંટણી ઢંઢેરામાં વક્ફ બોર્ડ માટે સૌથી મોટી જાહેરાત કરવામાં આવી છે.
કોંગ્રેસના મેનિફેસ્ટોમાં કહેવામાં આવ્યું છે કે તેઓ વક્ફ બોર્ડની રચના કરશે અને ઇમામોને સમયસર ભથ્થાં આપશે. આ સાથે, કોંગ્રેસે પોતાના મેનિફેસ્ટોમાં વચન આપ્યું કે સચ્ચર સમિતિના અહેવાલના આધારે લઘુમતીઓ પર ધ્યાન આપવામાં આવશે. અમે 100 ઇન્દિરા કેન્ટીન ખોલીશું, તેમાં 5 રૂપિયામાં ભોજન પૂરું પાડીશું.
કોંગ્રેસે 500 રૂપિયામાં LPG સિલિન્ડર આપવાનું વચન આપ્યું છે. પાર્ટીએ એમ પણ કહ્યું કે તેઓ દર મહિને 5 કિલો ચોખા, 2 કિલો ખાંડ, 1 કિલો રસોઈ તેલ, 6 કિલો કઠોળ અને 250 ગ્રામ ચાની પત્તી સહિત મફત રાશન કીટ આપશે. કોંગ્રેસે કહ્યું કે અમે દરેક ગરીબ પરિવારની એક મહિલાને દર મહિને 2,500 રૂપિયા આપીશું. અમે આ યોજના કર્ણાટકમાં લાગૂ કરી છે, અમે દિલ્હીમાં પણ કરીશું.
કોંગ્રેસે વચન આપતા કહ્યું કે અમે દિલ્હીના તમામ રહેવાસીઓને 25 લાખ રૂપિયા સુધીની મફત સારવાર આપીશું. આમાં મફત દવાઓ અને પરીક્ષણોનો પણ સમાવેશ થશે. અમે આ યોજના રાજસ્થાનમાં લાગૂ કરી હતી, અમે દિલ્હીમાં પણ કરીશું. અમે જાહેર કે ખાનગી ક્ષેત્રમાં તમામ બેરોજગાર યુવાનોને એક વર્ષની એપ્રેન્ટિસશીપ આપીશું, જે દરમિયાન તેમને દર મહિને 8,500 રૂપિયા મળશે. અમે આ યોજના કર્ણાટકમાં લાગૂ કરી છે, અમે દિલ્હીમાં પણ કરીશું.
આ દરમિયાન, કોંગ્રેસના નેતા જયરામ રમેશે કહ્યું કે, “આજે બધા પક્ષો આ ગેરંટીનો ઉપયોગ કરી રહ્યા છે. કર્ણાટક ચૂંટણી દરમિયાન કોંગ્રેસ પાર્ટીએ પહેલી વાર ગેરંટી શબ્દનો ઉપયોગ કર્યો હતો; અમે લોકોને સંદેશ આપવા માગતા હતા કે કોંગ્રેસ જે કહે છે તે કરે છે. આ ગેરંટી ફક્ત પક્ષની નથી પરંતુ તે જનતાનો અધિકાર છે. કોંગ્રેસે દિલ્હી માટે પોતાની 5 ગેરંટી આપી દીધી છે જે પૂર્ણ કરવામાં આવશે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp