દિવાળી અગાઉ ભુપેન્દ્ર પટેલને મળશે નવી ટીમ, કંઈક આવું હોય શકે છે નવું મંત્રીમંડળ
ગુજરાતમાં ભૂપેન્દ્ર પટેલના મંત્રીમંડળમાં ફેરબદલ અને વિસ્તરણ કરવામાં આવશે તેવી અટકળો છે. સોમવારે દિલ્હીમાં કેન્દ્રીય નેતૃત્વ સાથેની બેઠક બાદ, રાજકીય વર્તુળોમાં ચર્ચા છે કે લગભગ 10થી વધુ મંત્રીઓને મંત્રીમંડળમાંથી બહાર કરવામાં આવી શકે છે. તેમના સ્થાને નવા મંત્રીઓ આવી શકે છે, જ્યારે બાકીના મંત્રીઓને પ્રમોશન મળી શકે છે. 2022ની ગુજરાત વિધાનસભા ચૂંટણીમાં ભાજપે 182 બેઠકોમાંથી 156 બેઠકો જીતી હતી, પરંતુ વિસાવદર પેટાચૂંટણીમાં AAPની શાનદાર જીત અને સૌરાષ્ટ્રમાં તેના વધતા પ્રભાવે ભાજપ માટે પડકારો ઉભા કર્યા છે.
મંત્રીમંડળ વિસ્તરણમાં ઘણા ચોંકાવનારા ચહેરાઓને સ્થાન મળી શકે છે. તેમાં ભારતીય ટીમના ખેલાડી રવિન્દ્ર જાડેજાના પત્ની રીવાબા જાડેજાનો પણ સમાવેશ થાય છે. એવી ચર્ચા છે કે પહેલી વાર ધારાસભ્ય બનેલા રીવાબા પણ મંત્રી બની શકે છે. એવી અપેક્ષા છે કે નવા મંત્રીઓ ધનતેરસના દિવસે શપથ લઈ શકે છે. રાજ્યના મુખ્યમંત્રી ભૂપેન્દ્ર પટેલ પાટીદાર છે, જ્યારે નવા પ્રદેશ પ્રમુખ જગદીશ વિશ્વકર્મા OBC છે. એવામાં ભૂપેન્દ્ર પટેલની નવી ટીમ એક નવા પ્રકારના સોશિયલ એન્જિનિયરિંગ સામે આવે તેવી અપેક્ષા છે.
ઋષિકેશ પટેલ, મંત્રી
કુંવરજી બાવળિયા, મંત્રી
મુળુભાઇ બેરા, મંત્રી
બળવંત સિંહ રાજપૂત, મંત્રી
કુબેર ડિંડોર, મંત્રી
હર્ષ સંઘવી, મંત્રી
પ્રફુલ પાનશેરિયા, મંત્રી
જયેશ રાદડિયા
સંગીતા પાટિલ/દર્શના દેશમુખ
રીવાબા જાડેજા (ક્રિકેટર રવિન્દ્ર જાડેજાના પત્ની)
કેયુર રોકડિયા/શૈલેષ મહેતા સોટ્ટા (કોઈપણ એક)
અલ્પેશ ઠાકોર
જીતુ ચૌધરી
ડૉ. પ્રદ્યુમન ઝાલા
મંત્રીમંડળમાં 8 થી 10 નવા ચહેરાઓનો સમાવેશ થવાની શક્યતા છે. હાર્દિક પટેલનું નામ પણ દાવેદારોમાં છે, પરંતુ ભાજપના નવા પ્રદેશ પ્રમુખ જગદીશ વિશ્વકર્મા અને મુખ્યમંત્રી ભૂપેન્દ્ર પટેલ અમદાવાદથી હોવાથી અમદાવાદથી વધુ મંત્રીઓની શક્યતા ઓછી થઈ રહી છે. અન્ય નામોમાં, અમિત ઠાકરે અને અમિત શાહ (એલિસબ્રિજના ધારાસભ્ય) મંત્રી પદ માટે મજબૂત દાવેદાર માનવામાં આવતા હતા. હવે જોવાનું એ રહે છે કે શપથ ગ્રહણ સમારોહ અગાઉ કયા નામોને મંજૂરી આપવામાં આવે છે. સૂત્રો સૂચવે છે કે કેન્દ્રીય નેતૃત્વએ સ્થાનિક સંસ્થાઓની ચૂંટણી અગાઉ મંત્રીમંડળમાં ફેરફારને લીલીઝંડી આપી દીધી છે. આદિવાસી પટ્ટામાં ચૈતન વસાવાની લોકપ્રિયતાને જોતા ભાજપ કયા આદિવાસી ધારાસભ્યને મંત્રી તરીકે નિયુક્ત કરશે તે હજુ સ્પષ્ટ નથી. આનાથી બ્યૂરોક્રેસીમાં ફેરફાર થઈ શકે છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp