ICC ટેસ્ટ ક્રિકેટર ઓફ ધ યર માટે 4 ખેલાડીઓ નામાંકિત, યાદીમાં માત્ર 1 ભારતીયનો સમાવેશ
ICC Men’s Test Cricketer Of The Year: ICC મેન્સ ટેસ્ટ ક્રિકેટર ઓફ ધ યર માટે 4 ખેલાડીઓની પસંદગી કરવામાં આવી છે. જેમાં ભારતના એક ખેલાડી, ઈંગ્લેન્ડના 2 અને શ્રીલંકાના એક ખેલાડીનો સમાવેશ થાય છે. આ ચારેય ખેલાડીઓએ ટેસ્ટ ક્રિકેટમાં પોતપોતાની ટીમ માટે શાનદાર પ્રદર્શન કર્યું છે. ભારત તરફથી આ યાદીમાં રોહિત શર્મા નહીં, પણ જસપ્રીત બૂમરાહનું નામ સામેલ છે. બૂમરાહે આ વર્ષે ટેસ્ટ ક્રિકેટમાં ખૂબ ધૂમ મચાવી છે.
એક કેલેન્ડર વર્ષમાં જસપ્રીત બૂમરાહ શાનદાર રહ્યો છે. બૂમરાહે આ વર્ષે 13 ટેસ્ટ મેચ રમી છે જેમાં તેણે બોલિંગ દરમિયાન 71 વિકેટ લીધી છે. આ દિવસોમાં બૂમરાહ ઓસ્ટ્રેલિયામાં ખૂબ જ ખતરનાક બોલિંગ કરી રહ્યો છે. અત્યાર સુધી બૂમરાહ આ શ્રેણીમાં સૌથી વધુ વિકેટ લેનારો બોલર છે. બૂમરાહે મેલબોર્ન ટેસ્ટની બીજી ઇનિંગમાં 5 વિકેટ ઝડપી હતી.
આ વખતે એક કેલેન્ડર વર્ષમાં જો રૂટે 17 મેચ રમી છે, જેમાં તેણે બેટિંગ કરતા 1556 રન બનાવ્યા છે. જેમાં 6 સદી અને 5 અડધી સદી સામેલ છે. રૂટનું શાનદાર પ્રદર્શન ઈંગ્લેન્ડની બહાર પણ જોવા મળ્યું છે. આ વર્ષે રૂટે પાકિસ્તાન સામે 262 રનની યાદગાર ઇનિંગ રમી હતી. જે તેની ટેસ્ટ કારકિર્દીની છઠ્ઠી બેવડી સદી હતી.
શ્રીલંકાના બેટ્સમેન કામિન્દુ મેન્ડિસે પણ આ વર્ષે ખૂબ પ્રભાવિત કર્યા છે. આ વખતે એક કેલેન્ડર વર્ષમાં કામિન્દુ મેન્ડિસે 9 મેચમાં 1049 રન બનાવ્યા છે. આ સમયગાળા દરમિયાન તેની એવરેજ 74.92 રહી છે. જ્યારે ન્યૂઝીલેન્ડ સામે કામિન્દુ મેન્ડિસે બે મેચમાં સતત 2 બેવડી સદી ફટકારી હતી.
Four top performers set the standard in the longest format in 2024 💪 Presenting the nominees for ICC Men's Test Cricketer of the Year 🗒️ #ICCAwards | #WTC25https://t.co/PN3E7Z6seY — ICC (@ICC) December 30, 2024
Four top performers set the standard in the longest format in 2024 💪 Presenting the nominees for ICC Men's Test Cricketer of the Year 🗒️ #ICCAwards | #WTC25https://t.co/PN3E7Z6seY
ઈંગ્લેન્ડના શાનદાર બેટ્સમેન હેરી બ્રૂકે એક કેલેન્ડર વર્ષમાં 12 ટેસ્ટ મેચ રમી છે. જ્યારે બેટિંગમાં હેરી બ્રૂકે 1100 રન બનાવ્યા હતા. આ દરમિયાન તેની એવરેજ 55 રહી છે. જેમાં 3 અડધી સદી અને એક ત્રિપલ સદી સામેલ છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp