શીખ રમખાણોન કેસમાં કોંગ્રેસના ભૂતપૂર્વ સાંસદ સજ્જન કુમારને આજીવન કેદની સજા, બોલ્યા- 'હું 80 વર્ષ...'

1984ના શીખ વિરોધી રમખાણોના કેસમાં દોષિત ઠેરવાયેલા કોંગ્રેસના ભૂતપૂર્વ સાંસદ સજ્જન કુમારને રાઉજ એવન્યૂ કોર્ટે આજીવન કેદની સજા ફટકારી છે. સજ્જન કુમાર પહેલાથી જ આ કેસમાં ભોગવી રહ્યા છે આજીવન કેદની સજા

આ ઘટના સંબંધિત FIR ઉત્તર દિલ્હીના સરસ્વતી વિહાર પોલીસ સ્ટેશનમાં નોંધવામાં આવી હતી. આજે કોર્ટે તેમને 1 નવેમ્બર 1984ના રોજ દિલ્હીના સરસ્વતી વિહાર વિસ્તારમાં 2 શીખ જસવંત સિંહ અને તેમના પુત્ર તરુણદીપ સિંહની ક્રૂર હત્યાના કેસમાં સજા ફટકારી છે.

આ ઘટના સંબંધિત FIR ઉત્તર દિલ્હીના સરસ્વતી વિહાર પોલીસ સ્ટેશનમાં નોંધવામાં આવી હતી. રંગનાથ મિશ્રા કમિશન સમક્ષ ફરિયાદીઓ દ્વારા આપવામાં આવેલા સોગંદનામાના આધારે FIR નોંધવામાં આવી હતી. 12 ફેબ્રુઆરીના રોજ કોર્ટે તેમને દોષિત ઠેરવ્યા હતા.

દિલ્હી પોલીસ અને પીડિતોએ આ કેસને દુર્લભમાંથી દુર્લભ શ્રેણીનો ગણાવ્યો અને સજ્જન કુમાર સામે મૃત્યુદંડની માગ કરી હતી. જોકે, કોર્ટે તેમને આજીવન કેદની સજા ફટકારી છે.

ચૂકાદા પહેલા સજ્જન કુમારે સજામાં ઉદારતાની અપીલ કરી હતી. તેમણે પોતાની દલીલોમાં કહ્યું કે આ કેસમાં મને મૃત્યુદંડ આપવાનો કોઈ આધાર નથી. હું 80 વર્ષનો છું. વધતી ઉંમરને કારણે હું ઘણી બીમારીઓથી પીડાઈ રહ્યો છું. હું 2018થી જેલમાં છું. ત્યારથી મને કોઈ ફર્લો/પેરોલ મળ્યો નથી.

તેમણે કહ્યું કે, "1984ના રમખાણો બાદ હું કોઈ ગુનાહિત કેસમાં સંડોવાયેલો નથી. જેલમાં/ટ્રાયલ દરમિયાન મારું વર્તન હંમેશાં સારું રહ્યું. મારી વિરુદ્ધ કોઈ ફરિયાદ મળી નહોતી. તેથી, મારા સુધારાની શક્યતાને નકારી શકાય નહીં. તેઓ 3 વાર સાંસદ રહી ચૂક્યા છે. હું સમાજ કલ્યાણ માટેના ઘણા પ્રોજેક્ટ્સનો ભાગ રહ્યો છું. હું હજુ પણ મારી જાતને નિર્દોષ માનું છું. કોર્ટે આ કેસમાં તેમના માટે માનવીય પાસાને ધ્યાનમાં રાખીને તેમને ઓછામાં ઓછી સજા આપવી જોઈએ.