ભારતીય ટીમ 2025માં ખૂબ રમશે ક્રિકેટ, ફૂલ પેક છે શેડ્યૂલ; ઓસ્ટ્રેલિયા સાથે 2 વખત ટકરાશે
Indian Cricket Team 2025 Full Schedule: વર્ષ 2024 ભારતીય ક્રિકેટ ટીમ માટે કંઇ ખાસ રહ્યું નથી. ભારતીય ટીમ T20 વર્લ્ડ ચેમ્પિયન બની હોય, પરંતુ ટીમને ઘણી વખત શરમજનક હારનો સામનો કરવો પડ્યો છે. હવે આગામી વર્ષે ભારતીય ટીમ જૂની યાદોને ભૂલીને નવો ઇતિહાસ લખવા ઇચ્છશે. ભારતીય ટીમે 2025માં 2 મોટી ટૂર્નામેન્ટ પણ રમવાની છે.
ભારતીય ટીમ 2025ની શરૂઆત ઓસ્ટ્રેલિયા સામેની પાંચમી ટેસ્ટથી કરશે. ત્યારબાદ ભારતે ઈંગ્લેન્ડ સામે 3 વન-ડે અને 5 T20 મેચ રમવાની છે. પછી ICC ચેમ્પિયન્સ ટ્રોફી પણ ફેબ્રુઆરીમાં રમાવાની છે. ગત ચેમ્પિયન ટ્રોફીની ફાઇનલમાં ભારતને પાકિસ્તાને હરાવ્યું હતું. એવામાં, આ વખતે ભારતીય ટીમ ચોક્કસપણે આ ટૂર્નામેન્ટ જીતવા માગશે.
2025નિ ચેમ્પિયન્સ ટ્રોફી બાદ ઇન્ડિયન પ્રીમિયર લીગ (IPL)ની 18મી સીઝન. IPL 2025 માર્ચમાં શરૂ થશે, જ્યારે તેની ફાઇનલ મેમાં રમાશે. IPL બાદ ભારતીય ટીમ તરત જ ઈંગ્લેન્ડ જશે. ભારતીય ટીમ ઈંગ્લેન્ડમાં 5 મેચની ટેસ્ટ શ્રેણી રમશે. ભારતનો ઈંગ્લેન્ડ પ્રવાસ જૂનથી ઑગસ્ટ સુધી ચાલશે.
ત્યારબાદ સપ્ટેમ્બરમાં એશિયા કપનું આયોજન કરવામાં આવશે. 2025નો એશિયા કપ T20 ફોર્મેટમાં રમાશે, જે ભારતમાં યોજાશે. ત્યારબાદ ઓક્ટોબરમાં ભારતીય ટીમ વેસ્ટ ઇન્ડીઝ સામે ટકરાશે. પછી ભારતે ઑક્ટોબરથી નવેમ્બર વચ્ચે ઑસ્ટ્રેલિયા સાથે 3 વન-ડે અને 5 T20 રમવાની છે.
દક્ષિણ આફ્રિકાની ટીમ નવેમ્બરમાં જ ભારત આવશે. ભારત અને દક્ષિણ આફ્રિકા વચ્ચે નવેમ્બરથી ડિસેમ્બર વચ્ચે 2 ટેસ્ટ, 3 વન-ડે અને 5 T20 મેચ રમાશે. એકંદરે ભારતીય ટીમ 2025માં ખૂબ જ વ્યસ્ત રહેવાની છે.
જાન્યુઆરીમાં- ઓસ્ટ્રેલિયા સામે એક ટેસ્ટ (પાંચમી).
જાન્યુઆરી-ફેબ્રુઆરીમાં- ઈંગ્લેન્ડ સાથે ઘરઆંગણે 3 ODI અને 5 T20 ઇન્ટરનેશનલ
ફેબ્રુઆરી-માર્ચમાં- 2025 ચેમ્પિયન્સ ટ્રોફી
માર્ચ થી મે- IPL 2025
જૂનથી ઑગસ્ટ સુધી - ઈંગ્લેન્ડમાં 5 ટેસ્ટ મેચ
ઑગસ્ટમાં - બાંગ્લાદેશમાં 3 વનડે અને 3 T20 આંતરરાષ્ટ્રીય
સપ્ટેમ્બર-2025માં ઘરઆંગણે T20 ફોર્મેટમાં એશિયા કપ
ઓક્ટોબરમાં- વેસ્ટ ઇન્ડીઝ સામે ઘરઆંગણે 2 ટેસ્ટ
ઑક્ટોબર અને નવેમ્બરમાં- ઑસ્ટ્રેલિયામાં 3 ODI અને 5 T20 ઇન્ટરનેશનલ
નવેમ્બર-ડિસેમ્બરમાં - દક્ષિણ આફ્રિકા સામે ઘરઆંગણે 2 ટેસ્ટ, 3 ODI અને 5 T20 આંતરરાષ્ટ્રીય મેચ.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp