આ મુસ્લિમ દેશ 9 વર્ષની માસૂમ બાળકીઓ સાથે લગ્ન કરવાનો અધિકાર કેમ આપવા જઈ રહ્યો છે, આવી સ્થિતિમાં છોકરીઓ કેવી રીતે સુરક્ષિત રહેશે?

એક મુસ્લિમ દેશે છોકરીઓની લગ્નની ઉંમર 18થી ઘટાડીને 9 વર્ષ કરવાનો નિર્ણય લીધો છે. જે ઉંમરે આ છોકરીઓ ભણશે તે ઉંમરે તેઓ કાયદેસર રીતે પુરુષોની વાસનાનો શિકાર થઈ જશે. તમને જાણીને નવાઈ લાગશે, પરંતુ આ મુસ્લિમ દેશે પુરૂષોને 9 વર્ષની નાની ઉંમરની છોકરીઓ સાથે લગ્ન કરવાનો અધિકાર આપતો કાયદાકીય પ્રસ્તાવ રજૂ કર્યો છે. હવે તેને ગૃહમાંથી પસાર કરાવવાની તૈયારી ચાલી રહી છે. માત્ર 9 વર્ષની છોકરીઓ સાથે સીધે-સીધા લગ્ન કરવાનો અધિકાર આપવાનો અર્થ છે કે તેમને કાયદેસર રીતે તેમનું જાતીય શોષણ કરવાનો અધિકાર આપવા જેવું છે. એટલે સરકારના આ નિર્ણયના વિરોધમાં મહિલાઓ રસ્તા પર ઉતરી આવી છે.

આ દેશનું નામ ઈરાક છે. હવે આ દેશ પોતાના લગ્ન કાયદામાં સુધારો કરશે. જ્યાં છોકરીઓની લગ્નની ઉંમર 18 વર્ષથી ઘટાડીને 9 વર્ષ કરવામાં આવી રહી છે. રિપોર્ટ અનુસાર, આ કાયદો બન્યા બાદ કોઈ પણ ઉંમરના પુરુષોને 9 વર્ષની છોકરીઓ સાથે લગ્ન કરવાનો કાયદાકીય અધિકાર મળશે. ધ ટેલિગ્રાફના અહેવાલ મુજબ, આ કાયદો લાગૂ થયા બાદ, તે છોકરીઓને છૂટાછેડા, બાળકોની કસ્ટડી અને વારસાનો અધિકાર રહેશે નહીં. તેમને આ બધાથી વંચિત રાખવા માટે સુધારાની પણ દરખાસ્ત કરવામાં આવી છે.

શિયા પક્ષોના ગઠબંધનની આગેવાની હેઠળની ઈરાકની રૂઢિચુસ્ત સરકાર દલીલ કરે છે કે આ નિર્ણય છોકરીઓને 'અનૈતિક સંબંધો'થી બચાવવાનો પ્રયાસ છે. તેથી આ પ્રસ્તાવિત સુધારો પસાર કરવો જરૂરી છે. કાયદામાં બીજો સુધારો 16 સપ્ટેમ્બરે પસાર કરવામાં આવ્યો હતો. અહેવાલમાં દાવો કરવામાં આવ્યો છે કે તેને 'કાયદો 188' નામ આપવામાં આવ્યું હતું, જે 1959માં રજૂ કરવામાં આવ્યો હતો, ત્યારે પશ્ચિમ એશિયામાં સૌથી પ્રગતિશીલ કાયદાઓમાંનો એક માનવામાં આવતો હતો. તેણે ઇરાકી પરિવારો પર શાસન કરવા માટે નિયમોનો એક વ્યાપક સેટ પૂરો પાડ્યો હતો. ભલે ધાર્મિક સંપ્રદાય કોઈ પણ હોય.

ઇરાકની ગઠબંધન સરકારે પ્રસ્તાવિત સંશોધનને ઇસ્લામિક શરિયા કાયદાના તેના કડક અર્થઘટનને અનુરૂપ ગણાવ્યું છે. સરકારનું કહેવું છે કે તેનું ઉદ્દેશ્ય યુવાન છોકરીઓની 'સુરક્ષા' કરવાનું છે. સંસદીય બહુમતી ધરાવતી સરકાર ઇરાકી મહિલા જૂથોના વિરોધ છતા કાયદાને આગળ ધપાવે તેવી અપેક્ષા છે. યુનિસેફના જણાવ્યા અનુસાર, સમગ્ર ઇરાકમાં બાળલગ્ન અગાઉ ઉચ્ચ દર પર છે. અહીં લગભગ 28% ઇરાકી છોકરીઓના લગ્ન 18 વર્ષની ઉંમર અગાઉ થઈ જાય છે. એવામાં પ્રસ્તાવિત સંશોધન સ્થિતિ વધુ બગડે તેવી શક્યતા છે. હ્યુમન રાઇટ્સ વોચે જણાવ્યું હતું કે આવા સુધારાઓ યુવાન છોકરીઓને જાતીય અને શારીરિક હિંસાનું જોખમ વધારે છે અને તેમને શિક્ષણ અને રોજગારથી વંચિત કરશે.