રવિન્દ્ર જાડેજાની પ્રેસ કોન્ફરન્સને લઈને હોબાળો, ઓસ્ટ્રેલિયન મીડિયા આ વાત પર ગુસ્સે થઈ ગયું
Ravindra Jadeja: ભારત અને ઓસ્ટ્રેલિયા વચ્ચે ચાલી રહેલી બોર્ડર-ગાવસ્કર સીરિઝ દરમિયાન ઓસ્ટ્રેલિયન મીડિયા સતત ભારતીય ખેલાડીઓને નિશાનો બનાવી રહ્યું છે. પહેલા વિરાટ કોહલી પર નિશાનો સાધવામાં આવ્યો અને હવે તેના કારણે રવિન્દ્ર જાડેજા વિવાદોમાં ઘેરાઇ ગયો છે. હકીકતમાં, મેલબોર્ન ક્રિકેટ ગ્રાઉન્ડ (MCG) ખાતે ભારતના પ્રથમ પ્રેક્ટિસ સેશન બાદ, જાડેજાની હાજરીમાં એક પ્રેસ કોન્ફરન્સનું આયોજન કરવામાં આવ્યું હતું.
BCCI દ્વારા આયોજિત આ કાર્યક્રમ દેખીતી રીતે બોર્ડર-ગાવસ્કર ટ્રોફીને કવર કરી રહેલા ભારતીય પત્રકારો માટે હતો. પરંતુ આ પ્રેસ કોન્ફરન્સમાં ઓસ્ટ્રેલિયન પત્રકારો પણ ઘૂસી ગયા હતા. ત્યારબાદ જાડેજાએ કથિત રીતે અંગ્રેજીમાં પૂછાયેલા કોઈપણ પ્રશ્નનો જવાબ આપવાનો ઇનકાર કર્યો હતો, જેના કારણે હોબાળો વધી ગયો હતો. ત્યારબાદ ઓસ્ટ્રેલિયન મીડિયાએ BCCIના મીડિયા મેનેજર વિરુદ્ધ પક્ષપાતી રિપોર્ટિંગ શરૂ કરી દીધી છે.
ચેનલ 7 અનુસાર, ઓસ્ટ્રેલિયન મીડિયાએ દાવો કર્યો હતો કે ટીમ મેનેજર દ્વારા પ્રેસ કોન્ફરન્સ માટે આમંત્રણ આપવામાં આવ્યું હોવા છતા જાડેજાએ માત્ર હિન્દીમાં જ પ્રશ્નોના જવાબ આપવાનું પસંદ કર્યું હતું. ઑસ્ટ્રેલિયન મીડિયાએ વધુમાં દાવો કર્યો હતો કે જાડેજાએ કહ્યું હતું કે તે ટીમ બસ માટે મોડો આવ્યો હતો, જ્યારે તેણે વિદેશી પત્રકારોના પ્રશ્નોના જવાબ આપવાનો સ્પષ્ટ ઇનકાર કરી દીધો.
જાડેજા અગાઉ ઓસ્ટ્રેલિયન મીડિયા વિરાટ કોહલી સાથે બાખડી ચુક્યું છે. આ ટકરાવ ત્યારે શરૂ થયો, જ્યારે ઓસ્ટ્રેલિયન બોલર સ્કોટ બોલેન્ડ સાથે વાત કરતા મીડિયાએ કોહલી અને તેના પરિવાર તરફ જોયું. ત્યારબાદ રિપોર્ટર ભારતીય ક્રિકેર પાસે પહોંચી ગયા, જે પરેશાન દેખાઇ રહ્યા હતા. ત્યારબાદ વિરાટે નિરાશા વ્યક્ત કરી અને પત્રકારને કહ્યું કે તેને બાળકોને લઇને ગોપનીયતાની જરૂર છે અને પૂછ્યા વિના તેના બાળકોની તસવીર નહીં લઈ શકે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp