યેશુ-યેશુ' વાળો પાદરી બજિન્દર સિંહનો હિંસક વીડિયો વાયરલ, મહિલા પર પુસ્તક ફેંક્યું અને પછી..

Pastor Bajinder Singh: પંજાબના એક પાદરી બજિંદર સિંહ વિરુદ્ધ જાતીય સતામણીનો કેસ નોંધાયો છે. આ ઘટના પ્રકાશમાં આવ્યાના થોડા અઠવાડિયા બાદ, બીજો એક વીડિયો સામે આવ્યો છે. આ વીડિયોમાં બજિન્દર સિંહ એક પુરુષ અને એક મહિલાને મારતો જોવા મળે છે. આ વીડિયો તેની ઓફિસનો છે. બજિન્દર સિંહ 'ધ ચર્ચ ઓફ ગ્લોરી એન્ડ વિઝ્ડમ' નામનું ચર્ચ ચલાવે છે. તે પોતાને પ્રોફેટ બજિન્દર સિંહ કહે છે. ગયા મહિને બજિન્દર સિંહની ઓફિસમાં લગાવેલા CCTV કેમેરામાં આ બધું રેકોર્ડ થયું હતું. હવે આ વીડિયો સોશિયલ મીડિયા પર વાયરલ થઈ રહ્યો છે. વીડિયોમાં, બજિન્દર સિંહ લોકો પર વસ્તુઓ ફેંકી રહ્યો છે અને તેમને થપ્પડ મારી રહ્યો છે.

પુરુષને ઘણી થપ્પડ મારી હતી અને મહિલાને પણ માર મારી

કેટલાક લોકોનું કહેવું છે કે વીડિયોમાં જે લોકોને માર મારવામાં આવી રહ્યો છે તેઓ બજિન્દર સિંહના ચર્ચમાં કામ કરે છે. વીડિયોમાં પહેલા, તે એક શખ્સને વારંવાર થપ્પડ મારી રહ્યો છે. પછી તે એક સ્ત્રી સાથે દલીલ કરવા લાગે છે અને ગુસ્સામાં દેખાય છે. અચાનક તે સ્ત્રી પર એક પુસ્તક ફેંકે છે. જ્યારે મહિલા તેને પ્રશ્ન કરે છે, ત્યારે બજિન્દર સિંહ તેને થપ્પડ મારે છે. રૂમમાં રહેલા અન્ય લોકો દરમિયાનગીરી કરવાનો પ્રયાસ કરે છે.

આ અગાઉ એક મહિલાએ બજિન્દર સિંહ પર જાતીય સતામણીનો આરોપ લગાવ્યો હતો. મહિલાએ કહ્યું હતું કે તે 2017માં બજિન્દર સિંહના ચર્ચમાં જોડાઈ હતી અને 2023માં ચર્ચ છોડી દીધી હતી. મહિલાએ પોલીસને જણાવ્યું કે સિંહે 2022માં તેને અયોગ્ય રીતે સ્પર્શ કર્યો હતો.

મહિલાએ મોહાલીમાં પત્રકારોને જણાવ્યું હતું કે, 'જ્યારે હું કૉલેજ જતી હતી, ત્યારે તે મારી પાછળ ગાડી મોકલતો હતો. તે મારો પીછો કરતા ઘર સુધી મારી પાછળ આવતો હતો. તેણે મને પૂછ્યું કે શું હું ઇચ્છું છું કે મારા પિતા ક્યારેય ઘરે પાછા ન ફરે અને શું હું ઇચ્છું છું કે મારી માતા ચર્ચમાંથી જીવતી ન નીકળે. હું ખૂબ જ પરેશાન હતી અને મારી સમસ્યા કોઈને કહી શકતી નહોતી.

In this CCTV footage, we can clearly see Prophet Bajjinder beating his employees, including women & throwing stuff at them.

Recently a case was filed against him for sexually assaulting a 22 year old girl.

Looks like "Hallelujah" is not working for him anymore and he is… pic.twitter.com/GEN6IUCDac

— Incognito (@Incognito_qfs) March 23, 2025

મહિલાએ એવો પણ આરોપ લગાવ્યો હતો કે, બજિન્દર સિંહ અફીણના વેપાર અને મહિલાઓની તસ્કરીમાં સામેલ હતો. તે બજિન્દર મહિલાઓ સાથે દુર્વ્યવહાર કરે છે અને જે કોઈ પણ પોતાનો અવાજ ઉઠાવે છે તેને ક્યાં તો મારી નાખવામાં આવે છે અથવા ડરાવવામાં આવે છે. ACP બબદીપ સિંહે જણાવ્યું હતું કે બજિન્દર સિંહ વિરુદ્ધ જાતીય સતામણી, પીછો કરવા અને ગુનાહિત ધાકધમકી સંબંધિત કલમો હેઠળ કેસ નોંધવામાં આવ્યો છે. જ્યારે બજિન્દર સિંહે આ આરોપોને ખોટા ગણાવ્યા છે. તેણે કહ્યું કે, 'હું નાના બાળકોનો પિતા છું, હું ક્યારેય આવું ખોટું કામ ન કરી શકું.'

આ પહેલી વાર નથી જ્યારે બજિન્દર સિંહ ખોટા કારણોસર સમાચારમાં આવ્યા હોય. આ પહેલા, 2018માં, પંજાબના ઝીરકપુરની એક મહિલાએ પણ બજિન્દર સિંહ પર જાતીય સતામણીનો આરોપ લગાવ્યો હતો. 2022માં, દિલ્હીના એક પરિવારે આરોપ લગાવ્યો હતો કે સિંહે તેમને કહ્યું હતું કે તે તેમની પુત્રીની બીમારીની સારવાર કરશે અને તેમની પાસેથી પૈસા લીધા હતા. તેમની પુત્રીનું પાછળથી મોત થઇ ગયું. 2023માં, આવકવેરા વિભાગની ટીમે બજિન્દર સિંહના પરિસરમાં દરોડા પાડ્યા હતા.