ગૂગલે સોમવારે જણાવ્યું હતું કે તે ADT માં $450 મિલિયનનું રોકાણ કરશે અને સ્માર્ટ હોમ પ્રોડક્ટ્સના સર્ચ જાયન્ટ નેસ્ટ ફેમિલી વેચવા અને ઇન્સ્ટોલ કરવા માટે ફ્લોરિડા-હેડક્વાર્ટર્સ ફર્મના 20,000 ટેકનિશિયન સાથે કામ કરશે.
લાંબા ગાળાના રોકાણના ભાગ રૂપે બનતી યોજના સ્વરૂપે ગૂગલને ADT માં 6.6% હિસ્સો ખરીદવાની યોજના બનાવી છે. આ બંને કંપનીઓનો પ્રથમ ઉદ્દેશ્ય અને પ્રયાસ વધુ વ્યક્તિગત ગ્રાહકો અને નાના ઉદ્યોગો સુધી પહોંચવાનો રહેશે અને આ લક્ષ્યાંકો મેળવ્યા બાદ તેઓ નવી જનરેશનના સ્માર્ટ હોમ સિક્યુરિટી ડિવાઇસ બનાવવા અને વેચવાનું કામ કરશે.
અહિયાં ઉલ્લેખનીય બાબત એ છે કે ગૂગલ સતત ને સતત સ્માર્ટ પ્રોડક્ટ અને વપરાશ માટે સરળ રહે તેવી ટેક્નોલૉજી વિકસાવવા માટે જાણીતું છે. આ સ્માર્ટ હોમ પ્રોજેકટ અંતર્ગત ગૂગલ પોતાની સ્માર્ટ પ્રોડક્ટ ગૂગલ નેસ્ટ નો પરિચય આપી ચૂક્યો છે. આથી હવે જોવાનું એ રહેશે કે ADT કંપનીમાં રોકાણ બાદ સ્માર્ટ હોમ પ્રોડક્ટ નેસ્ટમાં ક્યાં પ્રકારના નવા ફીચર્સ આવી શકે છે॰
બંને કંપનીઓએ પ્રત્યેક 150 મિલિયન ડોલરના રોકાણની પ્રતિબદ્ધતા કરી છે જેનો ઉપયોગ તેઓ સહ-માર્કેટિંગ, ઉત્પાદન વિકાસ અને તકનીકીમાં રોકાણ અને કર્મચારી તાલીમ જેવા અમુક લક્ષ્યોને પહોંચવા માટે કરશે.
સમય જતાં, નેસ્ટનાં ઉપકરણો એડીટીની સુરક્ષા નિરીક્ષણમાં વૃદ્ધિ કરશે અને એક બ્લોગ પોસ્ટમાં, નેસ્ટનાં વાઇસ પ્રેસિડેન્ટ અને જનરલ મેનેજર ઋષી ચંદ્રએ કહ્યું કે, “એડીટીની સ્માર્ટ હોમના પાયાનો પથ્થર બની જશે.”
ગુગલના આ રોકાણનો ધ્યેય એ છે કે ગ્રાહકોને અલાર્મ્સ, એલાર્મની ઘટનાઓ પ્રાપ્ત કરવાની વધુ રીતો અને ઘરની અંદર અને તેની આસપાસની સંભવિત ઘટનાઓની વધુ સારી તપાસ અને સુવિધા આપવી. નેસ્ટ સ્માર્ટ હોમ ડિવાઇસ લોકોને વધુ ઉપયોગી સૂચનો પણ આપશે જે રોજિંદા જીવનને વધુ અનુકૂળ બનાવે છે. એડીટી ગ્રાહકોને નેસ્ટ અવેરની પણ એક્સેસ મળશે, જે એવી સેવા છે જે લોકોને ઘરની મહત્વની ઘટનાઓ વિશે માહિતગાર રાખે છે, જેમાં
ઇન્ટેલીજેંટ ચેતવણીઓ અને અલાર્મ અને ઇવેન્ટ તથા ઇતિહાસ રેકોર્ડિંગ સહિત કેલેન્ડરમા 30 દિવસ સુધીનો સમાવેશ થાય છે.
ગૂગલના આ મસમોટા રોકાણની ઘોષણા પરથી પ્રી-માર્કેટ ટ્રેડિંગમાં ADT ના શેર બમણાથી વધુ થઈ ગયા છે. જે ADTના રોકાણકારો માટે સોનાની ઈંટ સમાન છે.