Vinesh Phogat weight gain: વિનેશ ફોગાટનું વજન વધવા પાછળ ‘ગુનેગાર’ કોણ? પી. ટી. ઉષાએ સોય ઝાટકીને કહી દીધી આ વાત
Vinesh Phogat weight gain: રિયો ઓલિમ્પિક 2024 પુરુ થઈ ગયું હોવા છતાં કુસ્તીબાજ વિનેશ ફોગાટનો મુદ્દો હજુ પણ ગરમ છે. પેરિસ ઓલિમ્પિક 2024માં મેડલ જીતવાની દાવેદાર માનવામાં આવતી વિનેશ ફોગાટને ફાઈનલ મેચ પહેલા વધારે વજન હોવાના કારણે ગેરલાયક ઠેરવવામાં આવી હતી. વિનેશે મહિલા કુશ્તીની 50 કિગ્રા વર્ગમાં ભાગ લીધો હતો, પરંતુ ફાઈનલ પહેલા તેનું વજન 100 ગ્રામ વધુ હોવાનું જાણવા મળ્યું હતું. જે બાદ મેડિકલ ટીમ પર સતત સવાલો ઉઠી રહ્યા છે. પરંતુ હવે ભારતીય ઓલિમ્પિક સંઘના પ્રમુખ પીટી ઉષાએ આ મુદ્દે મોટું નિવેદન આપ્યું છે.
વિનેશ ફોગાટને ગેરલાયક ઠેરવ્યા બાદ એક વર્ગ IOAની મેડિકલ ટીમ, ખાસ કરીને ડૉ. દિનશા પારડીવાલા અને તેમની ટીમને નિશાન બનાવી રહ્યો છે અને તેમની પર બેદરકારીનો આરોપ લગાવી રહ્યો છે. પરંતુ પીટી ઉષા સ્પષ્ટપણે કહે છે કે મેડિકલ ટીમને દોષ આપવો યોગ્ય નથી. પીટી ઉષાએ કહ્યું, 'કુસ્તી, વેઇટલિફ્ટિંગ, બોક્સિંગ, જુડો જેવી રમતોમાં એથ્લેટ્સના વેઇટ મેનેજમેન્ટની જવાબદારી દરેક એથ્લેટ અને તેના કોચની હોય છે, આઇઓએના ચીફ મેડિકલ ઓફિસર ડૉ. દિનશા પારડીવાલા અને તેમની ટીમની નહીં. IOA મેડિકલ ટીમ, ખાસ કરીને ડૉ. પારડીવાલા પ્રત્યે નફરત અસ્વીકાર્ય છે. કોઈપણ નિષ્કર્ષ પર પહોંચતા પહેલા તમામ હકીકતો પર વિચાર કરશે.
પીટી ઉષાએ વધુમાં જણાવ્યું હતું કે, ‘IOA દ્વારા નિયુક્ત ચીફ મેડિકલ ઓફિસર ડૉ. દિનશા પારડીવાલા અને તેમની ટીમને ગેમ્સના થોડા મહિના પહેલાં બોર્ડમાં લાવવામાં આવ્યા હતા. તેમનું કાર્ય એથ્લેટ્સને ઇવેન્ટ દરમિયાન અને પછી પુનઃપ્રાપ્તિ અને ઇજાના સંચાલનમાં મદદ કરવાનું હતું. વધુમાં, IOA મેડિકલ ટીમ એ એથ્લેટ્સને ટેકો આપવા માટે બનાવવામાં આવી હતી કે જેમની પાસે પોષણશાસ્ત્રીઓ અને ફિઝિયોથેરાપિસ્ટની પોતાની ટીમ નથી. તેણે એમ પણ કહ્યું કે પેરિસ ઓલિમ્પિકમાં દરેક ભારતીય એથ્લેટ પાસે આવી રમતોમાં પોતાની સપોર્ટ ટીમ છે. આ ટીમો ઘણા વર્ષોથી એથ્લેટ્સ સાથે કામ કરી રહી છે.
વિનેશે પોતાની ગેરલાયકાત સામે રમતગમતની સર્વોચ્ચ અદાલત કોર્ટ ઓફ આર્બિટ્રેશન ફોર સ્પોર્ટ્સ (CAS)માં અપીલ કરી છે. ફોગાટે અગાઉ ફાઈનલ મેચ રમવાની માંગ કરી હતી, પરંતુ તેમની અપીલ પર CAS એ કહ્યું કે તે મેચને રોકી શકે નહીં, જેના પછી ફોગાટે સંયુક્ત સિલ્વર મેડલની માંગ કરી. આ મામલામાં સુનાવણી પૂર્ણ થઈ ગઈ છે અને 13 ઓગસ્ટની સાંજ સુધીમાં આ મામલે નિર્ણય લેવામાં આવી શકે છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp