'મને પણ તમને જોવાનું ગમતું નથી', રાજ્યસભામાં ભાજપના સાંસદોને જોયા બાદ મલ્લિકાર્જૂન ખડગેએ એમ શા માટે કહ્યું?

Mallikarjun Kharge: રાજ્યસભામાં વિપક્ષના નેતા મલ્લિકાર્જૂન ખડગેએ સોમવારે રાજ્યસભામાં સંબોધન કર્યું, આ દરમિયાન કેટલીક મજેદાર અને સામાન્ય પળ પણ જોવા મળ્યા, જેમાં કોંગ્રેસ નેતાએ નાણામંત્રી નિર્મલા સીતારમણ સહિત ભાજપના સાંસદો અને વડાપ્રધાન મોદી પર  પ્રહાર કર્યા. કેવી રીતે જનસંઘ ઈચ્છે છે કે ભારતીય સંવિધાન મનુસ્મૃતિ પર આધારિત હોય’ ખરગે તેના પર બોલી રહ્યા હતા. આ વાતો ભાજપના સાંસદો તરફ જોઈને બોલી રહ્યા હતા, ત્યારે જ બીજી તરફથી સાંસદોએ કહ્યું કે, તેમની જગ્યાએ આસનને સંબોધિત કરે, તેના પર ખરગેએ તરત જ જવાબ આપતા કહ્યું કે, ‘મને પણ તમને જોવાનું સારું લાગતું નથી.’

તેમણે કહ્યું, ‘માત્ર એક-બીજા પર આંગળી ઉઠાવવાથી કામ નહીં ચાલે. જનસંઘે એક વખત મનુસ્મૃતિના કાયદાના આધાર પર સંવિધાનની રચના કરવાનું લક્ષ્ય રાખ્યું હતું. એજ RSSની મંશા હતી. તિરંગા, અશોક ચક્ર અને સંવિધાનનો તિરસ્કાર કરનારા હવે અમને ઉપદેશ આપી રહ્યા છે. જે દિવસે સંવિધાન લાગૂ થયું, એ દિવસે આ લોકોએ રામલીલા મેદાનમાં આંબેડકર, મહાત્મા ગાંધી અને જવાહરલાલ નેહરુના પૂતળા સળગાવ્યા. તેઓ શરમ વિના નેહરુ-ગાંધી પરિવારનું અપમાન કરે છે.’

તેમણે કહ્યું કે, ‘આજે પણ મનુસ્મૃતિની ભાવના તેમાં સમાહિત છે અને તેમની જગ્યાએ તેઓ અમારા પર આરોપ લગાવે છે. તેમણે ન તો તિરંગાનું અપમાન કર્યું અને ન તો સંવિધાનનું, આજ કારણ છે કે તેમણે 26 જાન્યુઆરી 2002ના રોજ એક કોર્ટનો આદેશ રજૂ કર્યો, જેથી RSS હેડક્વાર્ટરને તિરંગો ફરકાવવા માટે મજબૂર કરી શકાય.’

ખરગેએ નિર્મલા સીતારમણ પર કટાક્ષ કર્યો કેમ કે તેમણે જવાહરાલાલ નેહરુ યુનિવર્સિટી (JNU)માં તેના શિક્ષણ પર સવાલ ઉઠાવ્યો હતો, અને પરિસર પોતાના પ્રગતિશીલ મૂલ્યો માટે ઓળખાય છે. તેમણે કહ્યું કે, ‘તેમણે JNUમાં અભ્યાસ કર્યો, પરંતુ મને ખબર નથી કે તેમણે શું અભ્યાસ કર્યો કેમ કે ત્યાં ભણનારા વિદ્યાર્થી ખૂબ પ્રગતિશીલ છે અને દેશના નિર્માણમાં તેમનો ખૂબ મોટો હાથ છે. પછી તે અર્થશાસ્ત્ર, રાજનીતિ વિજ્ઞાન કે ઇતિહાસમાં હોય, પરંતુ ત્યાં વાત એ બાબતે છે કે લોકતાંત્રિક વસ્તુઓને ખતમ કરવાની છે. સંવિધાન પર ચર્ચા કરવા દરમિયાન ખરગેએ વડાપ્રધાન મોદી પર પણ પ્રહાર કર્યો.’

ઈન્દિરા ગાંધી 42મો સુધારો લાવ્યા અને પ્રસ્તાવનામાં બિનસાંપ્રદાયિકતા અને સમાજવાદનો ઉમેરો કર્યો. 51A ઉમેરીને કર્તવ્ય પણ નિભાવ્યું. જો ક્યારેક મોદી સાહેબ તમને મળે તો તેમને કહેજો કે બંધારણનું થોડું પાલન કરો. રાજ્યસભામાં લોકો બોલી રહ્યા છે, અમને જવાબ આપવામાં ભારે મુશ્કેલીનો સામનો કરવો પડે છે. મોદી સાહેબે નામ રાખ્યું છે કર્તવ્યપથ અને કર્તવ્યને જ ભૂલી ગયા છે. આજે રાજનીતિ કરવા ખાતર વડાપ્રધાન કોસવાની એક પણ તક છોડતા નથી.

તેમણે કહ્યું કે, તેઓ દેશ માટે શહીદ થયેલા લોકોના નામ લઇને કોસવાનું કામ કરે છે. વારંવાર કટોકટીની વાત. જે ભૂલ થઈ છે, તે થઈ છે. આપણે તેમાં સુધારો કરવાનો છે. લોકોએ ટિપ્પણીઓ કરી અને તેમને સદનથી કાઢ્યા અને 2 વર્ષ બાદ તેઓ પ્રચંડ બહુમતી સાથે જીતીને પાછા આવ્યા. જનતા જ નિર્ણય લે છે. આપણા ઘણા લોકો ત્યાં ગયા છે, બહારના લોકો પણ ગયા છે, આ સંગમ છે સાહેબ.

બંધારણ પર ચર્ચા દરમિયાન કોંગ્રેસના નેતા મલ્લિકાર્જૂન ખડગેએ સરકાર પર જોરદાર પ્રહાર કર્યો. તેમણે જાતિ ગણતરીને લઈને ભાજપની ટીકા કરી અને તેને અનામત વિરોધી ગણાવી. રાજ્યસભામાં ચાલી રહેલી બંધારણની ચર્ચા દરમિયાન વિપક્ષના નેતાએ કહ્યું કે વડાપ્રધાન વર્તમાનમાં નહીં ભૂતકાળમાં જીવે છે, જો તેઓ લોકશાહીને મજબૂત કરતી વર્તમાન ઉપલબ્ધિઓની યાદી આપતા હોત તો સારું થાત. ભાજપ દેશની જનતાને મૂર્ખ બનાવવા માટે જુમલો આપી રહી છે અને અમારા પર આરોપ લગાવી રહી છે.