વારંવાર મોઢામાં ચાંદા પડી જવાની સમસ્યાથી પીડાવ છો, તો અપનાવો આ સરળ ઉપાયો
મોઢામાં ચાંદાની (Sores in the mouth) સમસ્યા દરરોજ લોકોને પરેશાન કરે છે. મોઢામાં ચાંદા પડવા પાછળ ઘણા કારણો છે. મોઢામાં ચાંદા સામાન્ય રીતે ખરાબ પેટ, કબજિયાત (Constipation), ગેસની સમસ્યા, વિટામિન સી અને ડિહાઇડ્રેશનને (Dehydration) કારણે થાય છે. આ મોઢાના ચાંદા ક્યારેક ઝડપથી સાજા થઈ જાય છે. તો ક્યારેક તેને સાજા થવામાં લાંબો સમય લાગે છે. ઘણી વખત એવું જોવામાં આવ્યું છે કે એક મોઢામાં ચાંદા પડ્યા પછી બીજા કે ત્રીજા પણ થાય છે.
લોકો ઘણીવાર આ સમસ્યાથી પરેશાન જોવા મળે છે. ચાલો જાણીએ કે કેટલાક સરળ ઉપાયો અપનાવીને આપણે મોઢાના ચાંદાથી છુટકારો મેળવી શકીએ છીએ.
જો મોઢાના ચાંદા આપણને પરેશાન કરતા હોય તો મીઠાના પાણીથી ગાર્ગલ કરવું જોઈએ. મીઠું પાણી મોઢાના અલ્સરમાં રહેલા બેક્ટેરિયાને મારી નાખે છે અને તેને પાછા આવવા દેતું નથી.
મધ એન્ટી-બેક્ટેરિયલ હોવાથી મોઢાના ચાંદા મટાડવામાં ખૂબ જ અસરકારક છે. તે મોંના અલ્સરને મોઇશ્ચરાઇઝ કરવાનું કામ કરે છે. હળદર અને મધ મિક્સ કરીને મોઢાના ચાંદા પર લગાવવાથી ઘણો ફાયદો થશે.
વિટામિન સીના અભાવે પણ મોઢામાં ચાંદા થાય છે. આવી સ્થિતિમાં નારંગીના રસનું સેવન ખૂબ જ અસરકારક સાબિત થાય છે. નારંગીમાં વિટામીન સી ભરપૂર માત્રામાં જોવા મળે છે. મોંમાં ચાંદાની સમસ્યામાં જો સંતરાનો રસ પીવામાં આવે તો તેનાથી આરામ મળે છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp