Asim Munir on India: ભારત વિરુદ્ધ ઝેર ઓકતા-ઓકતા મુનીર સાચું બોલી ગયો- ‘ભારત ચમચમતી મર્સિડિઝ અને પાકિસ્તાન ભંગાર..’

Asim Munir on India: ઓપરેશન સિંદૂર બાદ બીજી વખત અમેરિકાની મુલાકાતે પહોંચેલો પાકિસ્તાનના આર્મી ચીફ ફિલ્ડ માર્શલ અસીમ મુનીરે ફરી એકવાર ઝેર ઓકતા-ઓકતા સાચું બોલી ગયો. મુનીરે કહ્યું કે, ‘ભારત એક ચમચમતી કાર છે, જ્યારે પાકિસ્તાન ભંગાર લઈ જતું ડમ્પિંગ ટ્રક છે. અસીમ મુનીરે અમેરિકાના ફ્લોરિડાના ટામ્પામાં બ્લેક ટાઈ ડિનર પાર્ટીમાં હાજરી આપી હતી. આ પાર્ટીનું આયોજન પાકિસ્તાની ઉદ્યોગપતિ અદનાન અસદે કર્યું હતું. પાકિસ્તાની આર્મી ચીફે ઓપરેશન સિંદૂર પર અમેરિકામાં પોતાનો ગુસ્સો ઠાલવ્યો હતો. મુનીરે બાલિશ ધમકી આપતા કહ્યું કે, ‘જો ભારતને કારણે પાકિસ્તાનનું અસ્તિત્વ જોખમમાં આવે છે, તો પાકિસ્તાન પોતાની સાથે અડધી દુનિયાને ડૂબાડી દેશે. અસીમ મુનીરનું આ નિવેદન અમેરિકાથી ભારત સામે પાકિસ્તાનની પહેલી ધમકી છે.

અસીમ મુનીરે સિંધુ જળ સંધિ સ્થગિત કરવા બદલ ભારતને ધમકી આપી હતી. અંગ્રેજી વેબસાઇટ ધ પ્રિન્ટે, ત્યાં હાજર સૂત્રોના આધારે જણાવ્યુ કે અસીમ મુનીરે કહ્યું કે, ‘અમે ભારત ડેમ બનાવે તેની રાહ જોઈશું અને જ્યારે ભારત આવું કરશે, ત્યારે અમે 10 મિસાઇલો છોડીશું. સિંધુ નદી ભારતની પારિવારિક મિલકત નથી, અમારી પાસે મિસાઇલોની અછત નથી.’

પાકિસ્તાન ભારતને કેવી રીતે નુકસાન પહોંચાડી શકે છે તે સમજાવવા માટે, મુનીરે એક ઉદાહરણ આપતા કહ્યું કે, ‘હું પરિસ્થિતિ સમજાવવા માટે એક સરળ ઉદાહરણનો ઉપયોગ કરીશ. ભારત ફેરારીની જેમ હાઇવે પર આવતી ચમકતી મર્સિડીઝ છે, પરંતુ આપણે ભંડાર, ઇંટો-પથ્થરોથી ભરેલો ડમ્પ ટ્રક છીએ. જો આ ટ્રક તે કારને ટક્કર મારે છે, તો કોને નુકસાન થશે?"

પાકિસ્તાની આર્મી ચીફ મુનીરે કહ્યું કે, "અમે ભારતના પૂર્વથી શરૂઆત કરીશું, જ્યાં તેમણે પોતાના સૌથી મૂલ્યવાન સંસાધનો સ્થાપિત કર્યા છે અને પછી પશ્ચિમ તરફ આગળ વધીશું. ફિલ્ડ માર્શલ અસીમ મુનીરની છબી ધાર્મિક રીતે કટ્ટરપંથી જનરલની છે. મુનીર પાકિસ્તાનનો પહેલો આર્મી ચીફ છે જેણે મદરેસામાં અભ્યાસ કર્યો છે. અસીમ મુનીર ઘણીવાર તેના દલીલોને સમર્થન આપવા માટે ધાર્મિક ઉદાહરણોનો ઉપયોગ કરે છે.

હવે ડોનાલ્ડ ટ્રમ્પને થોડું ભાન તો આવવું જ જોઇએ તેઓ કેમ કે પાકિસ્તાન આર્મી ચીફ પોતે પાકિસ્તાનને ડંપિંગ ટ્રક કહી રહ્યા છે. ટ્રંપ જેની તરફ તેઓ તરફ ઝુકાવ રાખી રહ્યા છે, તે ભંગાર લઈ જતું ડંપિંગ ટ્રક સિવાય કઈ જ નથી, તેની પાસેથી શું મળશે? ભંગાર પાકિસ્તાન, અને આતંકવાદી રૂપી ઈંટ-પથ્થર. જ્યારે ભારત એક ચમકતી મર્સિડિઝ કાર છે. ભારત પર વધારે ટેરિફ અને પાકિસ્તાન માટે ઓછો ટેરિફ જોતા તો એવું જ લાગે છે ટ્રમ્પને મર્સિડિઝ કરતા ભંગારવાળું ડંપિંગ ટ્રક વધારે પસંદ છે. હવે ટ્રમ્પે નક્કી કરવાનું છે કે તેણે મર્સિડિઝ પર સવાર થવાનું છે કે ભંગાર લઈ જતા ડંપિંગ ટ્રક પર.