સુરત મનપાની ઘોર બેદરકારીએ 2 વર્ષના માસૂમનો લીધો ભોગ!

Surat: વરિયાવ-છાપરાભાઠા રોડ પર બુધવારી બજારમાં માતા વૈશાલીબેન વેગડ સાથે નીકળેલા માસૂમને સુરત મહાનગરપાલિકા (SMC)ની ઘોર બેદકારીના કારણે જીવ ગુમાવવાનો વારો આવ્યો છે. ગઈકાલે ફાયર વિભાગની ટીમે ખૂબ શોધખોળ શરૂ કરી હતી. ફાયર વિભાગ અને એનડીઆરએફ દ્વારા 23 કલાક સુધી આ બાળકની શોધખોળ શરૂ કરવામાં આવી ત્યારે આ માસૂમનો મૃતદેહ વરિયાવ સુએઝ ટ્રીટમેન્ટ પ્લાન્ટના અંદાજે 35-40 ફૂટ ઊંડા કુવામાંથી મળ્યો હતો.

સુરત મહાનગરપાલિકાની બેદરકારીને કારણે એક માસૂમનું મોત થતા લોકોમાં ગુસ્સો જોવા મળી રહ્યો છે. માસુમ કેદારની શોધખોળ ચાલુ હતી અને શહેરમાં અફરાતફરી જેવો માહો હતો ત્યારે મેયર મનપાની ટીમ સાથે ક્રિકેટ ટૂર્નામેન્ટ રમવા ગયા હતા, જેથી તેમની ટીકા થઇ રહી છે. પરિવારનો એક યુવક તો દંડો લઈને મેયરને મારવા દોડ્યો હતો, પરંતુ પોલીસે તેને પકડી લીધો હતો અને અંદર લઇ જવામાં આવ્યો હતો. પરિવારજનોનો આક્રોશ જોઈને મેયર સહિત ભાજપના નેતાઓએ ભાગી જવાનો વારો આવ્યો હતો.

બાળક મળી આવ્યા બાદ આજે સવારે જ પાલિકા કમિશનર દ્વારા 4 અધિકારીઓને શૉકોઝ નોટિસ આપી દેવામાં આવી છે. રાંદેર ઝોનના કાર્યપાલક ઈજનેર, ડેપ્યુટી ઈજનેર, જુનિયર ઈજનેર અને સુપરવાઈઝારને શૉકોઝ નોટિસ આપવામાં આવી છે. અને સુરતમાં આવી ઘટના બીજી વખત ન બને તેની પણ કમિશનર દ્વારા ખાતરી આપવામાં આવી હતી.

#Surat સુરતમાં બે વર્ષના બાળકનો મોતનો મામલો

પાલિકા કમિશનર દ્વારા કરવામાં આવી કાર્યવાહી

પાલિકાના ચાર અધિકારીઓને શો કોઝ નોટિસ આપવામાં આવી

પાલિકા ઝોનના કાર્યપાલક ઈજનેર તેજસ પટેલને શો કોઝ નોટિસ

ઘટના સ્થળે કાર્યપાલક ઈજનેર તેજસ પટેલ તાપણું કરતા નજરે પડ્યા હતા@CP_SuratCity… pic.twitter.com/QgkNf5SZM2

— Benefit News (@BenefitNews24) February 7, 2025

બાળકના મોત બાદ પોલીસે જવાબદાર અધિકારી કે કર્મચારી સામે સઅપરાધ મનુષ્યવધનો ગુનો નોંધ્યો છે. સમગ્ર મામલે પરિવારે પોલીસ ફરિયાદની માગ કરી હતી. પાલિકાના ગટર વિભાગના દેખરેખ રાખતા અજાણ્યા અધિકારી કે કર્મચારી વિરુદ્ધ ગુનો નોંધ્યો છે.