Gujarat Weather Forecaste: હવામાન વિભાગે જણાવ્યું 7 જુલાઇ સુધી રાજ્યમાં કેવું રહેશે વાતાવરણ, વરસાદ પડશે કે નહીં?

Gujarat Weather Forecaste: રાજ્યમાં ધોધમાર વરસાદ વરસી રહ્યો છે. આજે પણ અનેક જિલ્લામાં મેઘરાજા મહેરબાન થયા છે. રાજ્યમાં 16 જૂનથી થયેલી ચોમાસાની એન્ટ્રી બાદ તમામ જિલ્લામાં મેઘરાજાએ ઉપસ્થિતિ નોંધાવી છે. મેઘરાજા ક્યાંક મુશળધાર, ક્યાંક અમી છાંટણા કરી રહ્યો છે. હાલ દક્ષિણ ગુજરાતમાં પર એર સાઇક્લોનિક સર્ક્યુલેશન સક્રિય હોવાને કારણે વરસાદ વરસી રહ્યો છે. હવામાન વિભાગે રાજ્યમાં 7 જુલાઈ સુધી ભારે વરસાદની આગાહી કરી છે.

હવામાન વિભાગે જુલાઈ મહિનામાં સામાન્ય કરતા વધુ વરસાદ વરસવાની આગાહી વ્યક્ત કરી છે. આજે 6 જિલ્લામાં ઓરેન્જ એલર્ટ અને 12 જિલ્લામાં યલો એલર્ટ આપવામાં આવ્યું છે. તેમજ રાજ્યમાં આગામી સપ્તાહથી ભારેથી અતિભારે વરસાદની સંભાવના વ્યક્ત કરાઈ છે. છેલ્લા 24 કલાકમાં રાજ્યના 89 તાલુકામાં વરસાદ વરસ્યો છે. જેમાં સૌથી વધુ વલસાડના કપરાડામાં 4 ઇંચ વરસાદ વરસ્યો છે.

આજે બનાસકાંઠા, અરવલ્લી, મહિસાગર, દાહોદ, નવસારી, વલસાડ, દમણ, દાદરા અને નગર હવેલી ઓરેન્જ એલર્ટ જાહેર કરવામાં આવ્યું છે, જ્યારે અમરેલી, ભાવનગર, ભરૂચ, સુરત, તાપી, ડાંગ, નર્મદા, છોટા ઉદેપુર, વડોદરા, પંચમહાલ, મહેસાણા, બનાસકાંઠામાં યલો એલર્ટ જાહેર કરવામાં આવ્યું છે.

તો 3 જુલાઈના રોજ બનાસકાંઠા, સાબરકાંઠા જિલ્લામાં ઓરેન્જ એલર્ટ અને કચ્છ, પાટણ, મહેસાણા, ગાંધીનગર, અરવલ્લી, ખેડા, મહિસાગર, દાહોદ, પંચમહાલ, સુરત, તાપી, ડાગ, નવસારી, વલસાડ, દમણ અને દાદરાનગર હવેલી, ગીર સોમનાથ, અમરેલી, ભાવનગર જેવા જિલ્લાઓમાં યલો એલર્ટ જાહેર કરવામાં આવ્યું છે. 4 જુલાઈએ

ગીર સોમનાથ, અમરેલી, ભાવનગર, નવસારી, વલસાડ, દમણ, દાદરા નગર હવેલી, સાબરકાંઠા, અરવલ્લી, મહીસાગર, દાહોદમાં યલો એલર્ટ જાહેર કરવામાં આવ્યું છે.

5 જુલાઈએ અરવલ્લી, મહીસાગર, દાહોદ માટે ઓરેન્જ એલર્ટ અને  ગીર સોમનાથ, અમરેલી, ભાવનગર, કચ્છ, પાટણ, બનાસકાંઠા, સાબરકાંઠ, મહેસાણા, પંચમહાલ, છોટા ઉદેપુર, નવસારી, વલસાડ, દમણ અને દાદર નગર હવેલી માટે યલો એલર્ટ જાહેર કરવામાં આવ્યું છે. 6 જુલાઈએ બનાસકાંઠા, સાબરકાંઠા, અરવલ્લી, નવસારી, વલસાડ, દમણ અને દાદરા નગર હવેલી માટે ઓરેન્જ એલર્ટ તો ગીર સોમનાથ, અમરેલી, ભાવનગર, ભરૂચ, સુરત, તાપી, નર્મદા, ડાંગ, છોટાઉદેપૂર, વડોદરા, આણંદ, ખડા, પંચમહાલ, દાહોદ, મહિસાગર, અમદાવાદ, ગાંધીનગર, મહેસાણા, પાટણ, કચ્છ માટે યલો એલર્ટ જાહેર કરવામાં આવ્યું છે.

7 જુલાઈએ બનાસકાંઠા અને સાબરકાંઠા જિલ્લા માટે ઓરેન્જ એલર્ટ અને   દેવભૂમિ દ્વારકા, જામનગર, પોરબંદર, કચ્છ, પાટણ, મહેસાણા, અરવલ્લી, સુરત, નવસારી, વલસાડ, દમણ અને દાદરા નગર હવેલી માટે યલો એલર્ટ જાહેર કરવામાં આવ્યું છે

જૂન મહિનાના અંત સુધીમાં જ રાજ્યમાં 32.73 ટકા વરસાદ વરસી ગયો છે. હજી બે મહિનામાં વધુ વરસાદ થાય તેવી શક્યતાઓ સેવાઈ રહી છે. આ વખતે ગુજરાતમાં સો ટકાથી વધુ વરસાદ થવાનું અનુમાન લગાવાયું છે. રાજ્યમાં ઝોન પ્રમાણે વરસાદની વાત કરીએ તો, કચ્છમાં 29.45, ઉત્તર ગુજરાતમાં 24.77, પૂર્વ મધ્ય ગુજરાતમાં 34.66, સૌરાષ્ટ્રમાં 32.79 અને દક્ષિણ ગુજરાતમાં 35.75 ટકા વરસાદ નોંધાયો છે.