Video: શશિ થરૂરની નારાજગી બાદ આ દેશના બદલાયા સૂર; અગાઉ પાકિસ્તાનમાં માર્યા ગયેલા આતંકીઓ પર વ્યક્ત કરેલી સંવેદના

ઓપરેશન સિંદૂર પર શશિ થરૂરના નેતૃત્વમાં ભારત દ્વારા મોકલવામાં આવેલા પ્રતિનિધિમંડળને મોટી સફળતા મળી છે. કોલંબિયાએ ઓપરેશન સિંદૂર દરમિયાન પાકિસ્તાનમાં માર્યા ગયેલા આતંકવાદીઓ પર સંવેદના વ્યક્ત કરી હતી, પરંતુ હવે તેણે સત્તાવાર રીતે પોતાનું નિવેદન પાછું ખેંચી લીધું છે.

પ્રતિનિધિમંડળનું નેતૃત્વ કરી રહેલા શશિ થરૂરે ચિંતા વ્યક્ત કરતા કહ્યું હતું કે- અમે (ભારત) કોલંબિયા સરકારની પ્રતિક્રિયાથી થોડા નિરાશ છીએ. ભારતીય પ્રતિનિધિમંડળને મળ્યા બાદ, કોલંબિયાના નાયબ વિદેશ મંત્રી યોલાન્ડા વિલાવિસેન્સિયોએ કહ્યું, 'આજે અમને મળેલી સ્પષ્ટતા પર અમને પૂરો વિશ્વાસ છે. કાશ્મીરમાં જે કઈ થયું તે અંગે અમારી પાસે હવે જે વિગતવાર માહિતી છે તેના આધારે, અમે વાતચીત ચાલુ રાખી શકીએ છીએ.'

Began today with an excellent meeting with the Vice Minister of Foreign Affairs of Colombia, Rosa Yolanda Villavicencio, and her senior colleagues dealing with the Asia-Pacific. I expressed India’s view of recent events and voiced disappointment at Colombia’s statement on 8 May… pic.twitter.com/OdRoUIguJl

— Shashi Tharoor (@ShashiTharoor) May 30, 2025

કોલંબિયાએ તરફથી પોતાનું અગાઉનું નિવેદન પાછું ખેંચવા અંગે, કોંગ્રેસના સાંસદ શશિ થરૂરે કહ્યું કે , ‘કોલંબિયાના નાયબ વિદેશ મંત્રીએ ખૂબ જ નમ્રતાથી અમને કહ્યું કે તેમણે એ નિવેદન પાછું ખેંચી લીધું છે જેના પર અમે ચિંતા વ્યક્ત કરી હતી અને તેઓ આ બાબતે આપણી સ્થિતિને સંપૂર્ણપણે સમજે છે, જે અમારા માટે ખૂબ મૂલ્યવાન છે.’

#WATCH | Colombia officially withdraws its earlier statement that it issued expressing condolences on the loss of lives in Pakistan after the Indian strikes; earlier, Shashi Tharoor, who is leading the all-party delegation, raised concern and said - we (India) were a little… pic.twitter.com/iVFmLUl1yP

— ANI (@ANI) May 30, 2025

22 એપ્રિલે પહેલગામમાં થયેલા હુમલા બાદ આતંકવાદ સામેની લડાઈ પર ભારતના વલણને વ્યક્ત કરવા માટે ભારતીય સાંસદોનું એક સર્વપક્ષીય પ્રતિનિધિમંડળ વિવિધ દેશોની મુલાકાત લઈ રહ્યું છે. સરહદ પારની આતંકવાદી ગતિવિધિઓ માટે પાકિસ્તાનના સમર્થન અને આતંકવાદ પ્રત્યે ભારતના શૂન્ય સહિષ્ણુતાના અભિગમને વ્યક્ત કરવા માટે થરૂર કોલંબિયાના પ્રતિનિધિમંડળનું નેતૃત્વ કરી રહ્યા છે. ગુરુવારે કોલંબિયાની રાજધાનીમાં એક પત્રકાર પરિષદમાં, થરૂરે આતંકવાદ પર ભારતના વલણને વિસ્તૃતથી પ્રકાશ પાડ્યો, ‘ઓપરેશન સિંદૂર’ બાબતે વાત કરી અને પહેલગામ આતંકવાદી હુમલા પર કોલંબિયાના પ્રતિભાવ પર નિરાશા વ્યક્ત કરી હતી.