'તારક મહેતાના સોઢીની તબિયત વધુ બગડી, 19 દિવસથી ખાવાનું-પિવાનું છોડ્યું, મિત્રએ બતાવી દર્દનાક કહાની

Gurucharan Singh Is Critical: 'તારક મહેતા કા ઉલ્ટા ચશ્મા'માં સોઢીના પાત્ર માટે દરેક ઘરમાં પ્રખ્યાત ગુરચરણ સિંહની હાલત ખૂબ જ ગંભીર છે. અભિનેતાને હૉસ્પિટલમાં દાખલ કરવામાં આવ્યા છે. મંગળવારે, અભિનેતાએ તેના હૉસ્પિટલના બેડ પરથી એક વીડિયો શેર કર્યો, જેમાં તેના ચાહકોને જાણ કરી કે તેની તબિયત બગડી ગઈ છે. તેની હાલત જોઈને તેના ચાહકો ખૂબ જ પરેશાન થયા અને તેને શું થયું તેની ચિંતા કરવા લાગ્યા હતા. ચાહકોએ પણ તે ઝડપથી સ્વસ્થ થાય તેવી પ્રાર્થના કરી હતી. હવે ગુરચરણ સિંહના નજીકના મિત્ર સોનીએ તેમની તબિયત અંગે અપડેટ શેર કર્યું છે અને જણાવ્યું છે કે તેની તબિયત સારી નથી અને પહેલા કરતા વધુ બગડી ગઈ છે.

અત્યંત લોકપ્રિય શૉ 'તારક મહેતા કા ઉલ્ટા ચશ્મા' ના ગુરુચરણ સિંહ ઉર્ફે સોઢીની હાલત ખૂબ જ ખરાબ છે. સરળ શબ્દોમાં કહીએ તો, તેની હાલત ખરેખર, ખૂબ જ ગંભીર છે. આ વાતનો ખુલાસો તેની મિત્ર સોનીએ ધ વિકી લાલવાણી શૉને આપેલા ઇન્ટરવ્યૂમાં કર્યો હતો. સોનીએ કહ્યું કે તે માનસિક શાંતિ ગુમાવી ચૂકી છે. ગુરુચરણની માતાની હાલત ખૂબ જ ખરાબ છે. ગુરુચરણે 19 દિવસથી ખાવા-પીવાનું છોડી દીધું છે. તેણે ચિંતા વ્યક્ત કરતા કહ્યું કે, પરિવારના સભ્યોએ ગઈકાલ રાતથી પોતાના ફોન બંધ કરી રાખ્યા છે. બે દિવસથી તે તેમના સંપર્કમાં નથી, જેના કારણે તેની ચિંતા વધુ વધી ગઈ છે. સોનીએ વધુમાં જણાવ્યું કે પહેલા તે તેની માતાના સંપર્કમાં હતી અને તેના સ્વાસ્થ્ય વિશે પૂછતી હતી.

View this post on Instagram

A post shared by Viral Bhayani (@viralbhayani)

સોનીએ કહ્યું કે, જ્યારે તેની તબિયત બગડી ત્યારે તેને હૉસ્પિટલમાં લઈ જવામાં આવ્યો અને પછી તે ઘરે આવ્યો, પરંતુ ઘરે આવ્યા બાદ તેની તબિયત ફરી બગડી અને તેને ફરીથી હૉસ્પિટલમાં લઈ જવો પડ્યો. અભિનેતાની સરકારી હૉસ્પિટલમાં સારવાર ચાલી રહી છે. ગુરચરણ સિંહની આર્થિક સ્થિતિ સારી નથી. અભિનેતાએ પોતે થોડા દિવસો અગાઉ ખુલાસો કર્યો હતો કે તે કામ શોધી રહ્યો છે અને તેના પર ઘણું દેવું પણ છે.

ડિસેમ્બર મહિનામાં જ, અભિનેતાએ તેના પિતાનો એક વીડિયો પોસ્ટ કર્યો હતો, જેમાં તે હૉસ્પિટલના પલંગ પર સૂતો જોવા મળ્યો હતો અને તેને લોહી ચઢાવવામાં આવી રહ્યું હતું. અભિનેતાએ કહ્યું હતું કે તેના પિતાની હાલત ગંભીર છે. તેણે કેપ્શનમાં લખ્યું હતું કે, 'પપ્પા માટે પ્રાર્થના કરો.' 5.6 હિમોગ્લોબિન- ફરીથી આટલું ઓછું થઇ ગયું. ઓછામાં ઓછું 13-17 હોવું જોઈએ. અમે દિલ્હીમાં દીનદયાળ ઉપાધ્યાય હૉસ્પિટલમાં છીએ. ડૉ. સમીર કપૂર અને આખી ટીમનો આભાર, વાહેગુરુ જી, બધાનો આભાર અને આશીર્વાદ, રાજા, શ્રેષ્ઠ મિત્ર, આભાર. હવે, તેના થોડા દિવસો બાદ, અભિનેતા પોતે બીમાર પડી ગયો છે.