‘મને ઈરાન સાથે વાતચીત કરવાની કોઈ ઈચ્છા નથી, હું..’ ઈરાનને ડોનાલ્ડ ટ્રમ્પની ખુલ્લી ધમકી
ઇઝરાયલ અને ઈરાન વચ્ચે યુદ્ધ ઉગ્ર થતું નજરે પડી રહ્યું છે. એક તરફ, બેન્જામિન નેતન્યાહૂની IDF એટલે કે ઇઝરાયલ ડિફેન્સ ફોર્સ એક બાદ એક તેહરાન સહિત ઈરાનના મુખ્ય શહેરો પર બોમ્બમારો કરી રહી છે. તો બીજી તરફ, ઈરાનના સર્વોચ્ચ નેતા અલી ખામેનેઇ પણ બદલો લેવા માટે તૈયાર છે. યુદ્ધમાં ઈરાનની સ્થિતિ નબળી પડી રહી હોય તેવું લાગે છે. આ દરમિયાન, અમેરિકાના રાષ્ટ્રપતિ ડોનાલ્ડ ટ્રમ્પના તાજેતરના નિવેદને હોબાળો મચી ગયો છે. ટ્રમ્પે ચોખ્ખા શબ્દોમાં કહ્યું છે કે ઈરાને સરેન્ડર કરવું જ પડશે. તેનાથી ઓછા પર મિડલ-ઈસ્ટમાં શાંતિ પર વાત બનવાની નથી.
ટ્રમ્પે કહ્યું છે કે, તેઓ તેહરાન સાથે કોઈપણ પ્રકારની વાતચીત માટે ઇચ્છુક નથી અને તેમને માત્ર સંપૂર્ણ શરણાગતિ જોઈએ છે. તેમનું આ નિવેદન એવા સમયે આવ્યું છે જ્યારે પશ્ચિમ એશિયામાં તણાવ ચરમસીમાએ છે અને વૈશ્વિક કૂટનીતિ સમાધાન શોધી રહ્યા છે. ટ્રમ્પે કહ્યું કે, મને ઈરાન સાથે વાતચીત કરવાની કોઈ ઈચ્છા નથી. હું તેનાથી ઓછું કંઈ ઇચ્છતો નથી. ઈરાને માત્ર પૂરી શરણાગતિ સ્વીકારવી પડશે. જોકે, તે જ શ્વાસમાં, તેમણે એમ પણ કહ્યું કે જો ઈરાની નેતાઓ તેમનો સંપર્ક કરવા માગતા હોય, તો રસ્તો ખુલ્લો છે.
ડોનાલ્ડ ટ્રમ્પે મીડિયા સાથે વાતચીત કરવા દરમિયાન કહ્યું કે જો તેઓ વાત કરવા માગતા હોય, તો તેઓ જાણે છે કે મારો સંપર્ક કેવી રીતે કરવાનો. તેમને એ સમયે જે પ્રસ્તાવ આપવામાં આવ્યો હતો, તેને સ્વીકારી લેવો જોઈતો હતો. તેનાથી ઘણા લોકોના જીવ બચી શક્યા હોત. ટ્રમ્પના બેવડા વલણથી વિશ્વભરના રાજકીય વિશ્લેષકો આશ્ચર્યચકિત થયા છે. એક તરફ, તેઓ પૂરી રીતે ટકરાવની વાત કરે છે. બીજી તરફ, તેઓ વાતચીત માટે દરવાજા પણ ખુલ્લા રાખે છે. આ નિવેદન તેમના એ વલણ સાથે મેળ ખાય છે જે તેમણે પોતાના રાષ્ટ્રપતિ કાર્યકાલ દરમિયાન ઈરાન પરમાણુ ડીલના મામલે અપનાવ્યું હતું. વર્ષ 2018માં, તેમણે અમેરિકા સાથે એ ડીલથી બહાર કરી દીધું હતું, જેને ઓબામા પ્રશાસને ઈરાન સાથે કરી હતી.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp