વાહ સુરત પોલીસ વાહ, ઉત્તમ કામગીરી! રિહર્સલ દરમિયાન ભૂલથી પસાર થતા બાળકને PSIએ વાળ ખેંચીને માર્યો

Surat: આજે સુરતમાં વડાપ્રધાન આવી રહ્યા છે, અને તેના માટે તંત્રએ પુરજોશથી કામ કર્યું છે અને જોરદાર બંદોબસ્ત પણ ગોઠવાયો છે. સુરતમાં વડાપ્રધાન નરેન્દ્ર મોદીના કાર્યક્રમ માટે રિહર્સલ કરવામાં આવી રહ્યું હતું. જે દરમિયાન પોલીસની બર્બરતાની ઘટના સામે આવી છે. જેનો વીડિયો પણ વાયરલ થયો છે.

મીડિયા રિપોર્ટ મુજબ, આજે સુરતમાં વડાપ્રધાન લિંબાયત વિસ્તારમાં ભવ્ય રેલી કરવાના છે. ત્યારે વડાપ્રધાનના કાર્યક્રમ માટે રિહર્સલ કરવામાં આવી રહ્યું હતું. આ દરમિયાન રિહર્સલ વચ્ચેથી એક બાળક ભૂલમાં પસાર થઇ ગયો. જેથી PSI બી.એ. ગઢવીને એટલો ગુસ્સો આવ્યો કે તેમણે બાળકને વાળ પકડીને મારી માર્યો.

View this post on Instagram

A post shared by SidhiKhabar (@sidhikhabar)

સાહેબ! બીજાનો ગુસ્સો બીજા પર ઉતારવાનો? આ બાળકના મનમાં પોલીસ પ્રત્યે કેવી લાગણી અનુભવી હશે? તેના મનમાં પોલીસની સારી છબી ઉભરી હશે? નહીં! કેટલાક એવા લોકો હોય છે, જે લાતોના ભૂત હોય છે, વાતોથી નથી માનતા. પણ સાહેબ આ તો બાળક છે એને પ્રેમથી સમજાવો તો પણ સમજી જશે. ખેર ઉપલા અધિકારી સુધી વીડિયો પહોંચતા, PSIને કંટ્રોલ રૂમમાં ખસેડવામાં આવ્યા છે.