Ahmedabad: ‘..નહિતર પ્રેમ અધૂરો રહી જશે.’, અમદાવાદ ટ્રાફિક પોલીસનો ફિલ્મ ‘સૈયરા’ના માધ્યમથી શાનદાર મેસેજ
Ahmedabad Traffic Police: બોલિવુડ ફિલ્મ ‘સૈય્યારા’એ બોક્સ ઓફિસ પર ધમાલ મચાવી દીધી છે. આ ફિલ્મ રીલિઝ થયા બાદ, પહેલા જ અઠવાડિયામાં 200 કરોડથી વધુનું કલેક્શન કર્યું છે. સિનેમા હોલ અને મલ્ટિપ્લેક્સમાંથી લોકો રડતા હોય તેવા વીડિયો સોશિયલ મીડિયા પર આવી રહ્યા છે. આ વીડિયોએ ફિલ્મને ચર્ચામાં લાવી દીધી છે. આ જ કારણ છે કે ફિલ્મની ચર્ચા ઠેર-ઠેર થઈ રહી છે. અમદાવાદ ટ્રાફિક પોલીસે સૈય્યારા ફિલ્મના માધ્યમથી લોકોને એક શાનદાર સંદેશ આપ્યો છે. અમદાવાદ ટ્રાફિક પોલીસે ઇન્સ્ટાગ્રામ પર સૈય્યારા ફિલ્મના ગીતનું એક સીન પોસ્ટ કર્યું છે. આ સીન કુલ 20 સેકન્ડનું છે.
સૈય્યારા ફિલ્મ પર અમદાવાદ ટ્રાફિક પોલીસની પોસ્ટ ખૂબ પસંદ કરવામાં આવી રહી છે. આ પોસ્ટમાં લખ્યું છે કે, ‘શું તમે સૈય્યારા સાથે ડ્રાઇવ પર જઈ રહ્યા છો? તો હેલમેટને પણ સાથી બનાવો... નહિતર પ્રેમ અધૂરો રહી જશે.’ વીડિયો પર ચાલે છે અને ઉપર અમદાવાદ ટ્રેફિક પોલીસનો મેસેજ લખાય છે કે, ‘જ્યારે સૈય્યારા હેલમેટ પહેર્યા વિના આવવા કહે છે. એવામાં થોડી ક્ષણો લાંબી કરવા માટે, હેલમેટ જરૂર પહેરો અને સૈય્યારાને પહેરાવો. એકલા હોવ કે સૈયરા સાથે હેલમેટ જરૂર પહેરો.’
सैयारा के साथ ड्राइव पर जा रहे हो?तो हेलमेट को भी साथी बनाओ…वरना प्यार अधूरा रह जाएगा ।#saiyaarawithhelmet #helmethaizaroori #saiyaara #saiyaaramovie2025 @GujaratPolice pic.twitter.com/tsPSX5qumS — AHMEDABAD TRAFFIC POLICE (@PoliceAhmedabad) July 24, 2025
सैयारा के साथ ड्राइव पर जा रहे हो?तो हेलमेट को भी साथी बनाओ…वरना प्यार अधूरा रह जाएगा ।#saiyaarawithhelmet #helmethaizaroori #saiyaara #saiyaaramovie2025 @GujaratPolice pic.twitter.com/tsPSX5qumS
અમદાવાદ ટ્રાફિક પોલીસે યુવાઓ વચ્ચે ધૂમ મચાવી રહેલી સૈયારા ફિલ્મના માધ્યમથી ખૂબ જ સારી રીતે માર્ગ સુરક્ષાનો સંદેશ આપ્યો છે. અત્યાર સુધી આ પોસ્ટના 15 હજારથી વધુ વ્યૂઝ આવ્યા છે. ‘સૈયારા’ મોહિત સુરી દ્વારા દિગ્દર્શિત ફિલ્મ છે. મોહિત સુરીની આ ફિલ્મ યશ રાજ ફિલ્મ્સ દ્વારા બનાવવામાં આવી છે.
ફિલ્મનું સંગીત, ‘આશિકી 2’ જેવી રોમેન્ટિક લાગણી આપી રહ્યું છે. સૈયારાની સફળતાએ અહાન અને અનિતને રાતોરાત સ્ટાર બનાવી દીધા છે. આ ફિલ્મથી બોલિવુડમાં નવી પ્રતિભાની તાકાત સામે આવી છે. સૈયારાની કહાની ઉભરતા સંગીતકાર ક્રિશ કપૂર (અહાન પાંડે) અને શાંત લેખિકા વાણી બત્રા (અનિત પડ્ડા)ની પ્રેમ કહાની છે, જે પ્રેમ, દુ:ખ અને ડ્રામાથી ભરેલી છે. આજ કારણ છે કે દર્શકો થિયેટરોમાં ભાવુક થવા અને નાચવાના વીડિયો શેર કરી રહ્યા છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp