અમેરિકામાં આ રીતે આપ્યો આરોપીને મૃત્યુ દંડ, જેનાથી મારનારને નહી થાય....,'હત્યાના ગુનેગાર સાથે આવું પહેલીવાર....! જાણો સમગ્ર વાત
અમેરિકાના અલાબામામાં ગુરૂવારે (25 જાન્યુઆરી) સાંજે નાઈટ્રોજન ગેસ સુંઘાડીને હત્યાના દોષિતને મૃત્યુદંડ આપવામાં આવ્યો હતો. આ પ્રકારનો આ પ્રથમ કેસ છે. એવું કહેવામાં આવ્યું છે કે, 58 વર્ષના દોષિતને ફેસ માસ્ક દ્વારા નાઇટ્રોજન ગેસ શ્વાસમાં આપવામાં આવ્યો હતો. નાઈટ્રોજન ગેસને કારણે તેના શરીરમાં ઓક્સિજનની ઉણપ થઇ અને ત્યારબાદ તેનું મૃત્યુ થયું હતું.
માહિતી અનુસાર, અલાબામાના ગવર્નર કે. આઇવેએ જણાવ્યું હતું કે, આ પ્રથમ વખત નાઇટ્રોજન ગેસ દ્વારા મૃત્યુદંડ આપવામાં આવ્યો છે. રાજ્ય હવે તેને ઘાતક ઈન્જેક્શનના સરળ વિકલ્પ તરીકે આગળ ધપાવી રહ્યું છે. તેના નવા પ્રોટોકોલમાં, રાજ્યએ આ રીતે અપાતા મૃત્યુદંડને અમલમાં મૂકવાની સૌથી પીડારહિત અને માનવીય રીત ગણાવી છે.
કેનેથ સ્મિથને 1988માં ભાડેથી હત્યા માટે દોષિત ઠેરવવામાં આવ્યો હતો. તે એક દુર્લભ કેદી હતો, જે એક વખત મૃત્યુથી બચી ગયો હતો. કારણ કે તેને નવેમ્બર 2022 માં ફાંસી આપવામાં આવી હતી, પરંતુ અલાબામાના અધિકારીઓને તેના શરીરની નસમાં સોય દાખલ કરવા માટે કલાકો સુધી સંઘર્ષ કરવો પડ્યો હતો.જેના પરિણામે તેની સજા રદ થઇ હતી. આ વખતે સ્મિથને એક પ્રશિક્ષકની પત્ની એલિઝાબેથ સેનેટની હત્યા કરવા માટે દોષિત ઠેરવવામાં આવ્યો હતો. તેણે અને તેના સાથીદારે મહિલાની હત્યા કરવા માટે તેના પતિ પાસેથી $1,000 ની ફી સ્વીકારી હતી.
જેલના અધિકારીઓએ જણાવ્યું હતું કે, ગુરુવારે સાંજે 7:53 વાગ્યે ફાંસીનો અમલ શરૂ થયો હતો અને સ્મિથને 8:25 વાગ્યે મૃત જાહેર કરવામાં આવ્યો હતો. નાઇટ્રોજન સક્રિય થયા પછી સ્મિથ ઘણી મિનિટો સુધી સભાન રહ્યો હતો. મીડિયાના સાક્ષી તરીકે પાંચ પત્રકારોને કાચમાંથી જોવાની મંજૂરી આપવામાં આવી હતી. પ્રત્યક્ષદર્શીઓએ જણાવ્યું કે, આખી પ્રક્રિયા જોયા પછી તેઓ ધ્રૂજવા લાગ્યા હતા અને લગભગ બે મિનિટ સુધી સ્તબ્ધ રહી ગયા હતા. જ્યારે દોશીએ વિદાય લેતા પહેલા લખ્યું હતું કે, "હું પ્રેમ, શાંતિ અને પ્રકાશ સાથે વિદાય લઈ રહ્યો છું. તમારા બધાને મારો પ્રેમ."
યુએનના માનવાધિકાર નિષ્ણાતો અને સ્મિથના વકીલે સુપ્રીમ કોર્ટમાં અપીલ કરી હતી, જેમાં ફાંસીની સજા રોકવાની માંગ કરવામાં આવી હતી. યુએસ સુપ્રીમ કોર્ટે ગુરુવારે સાંજે આ અરજીને ફગાવી દીધી હતી અને તેના પછી તરત જ તેને સજા આપવાનું કામ શરૂ થયું હતું.
અમેરિકામાં મૃત્યુ દંડ આપવા માટે ઇન્જેક્શનનો ઉપયોગ કરવામાં આવે છે. જો કે છેલ્લા કેટલાક વર્ષોથી તેમાં સમસ્યાનો સામનો થઇ રહ્યો છે. ઇન્જેક્શન દ્વારા જે દવા આપવામાં આવતી હતી, તેને મેળવવાનું મુશ્કેલ બની રહ્યું છે. ફાર્માસ્યુટિકલ કંપનીઓ ત્રાસ કે ફાંસીની સજામાં વપરાતી સામગ્રી જેલોમાં સપ્લાય કરવાનો ઇનકાર કરે છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp