અનંત અંબાણી અને રાધિકા મર્ચટનો લગ્ન સમારોહ પ્રી-વેડિંગ કરતાં પણ હશે વધારે ભવ્ય, તૈયારીઓ થઇ ગઈ છે શરૂ જાણો અપડેટ
દેશનો સૌથી ધનાઢ્ય અંબાણી પરિવાર જે તાજેતરમાં જ અનંત અંબાણી અને રાધિકા મર્ચન્ટના જામનગર ખાતે યોજાયેલા પ્રી-વેડિંગ ફંકશનને કારણે ખુબ ચર્ચામાં હતો. આ પ્રી-વેડિંગ ફંક્શને વિશ્વભરમાં હેડલાઈન બનાવી હતી. ભવ્ય સમારોહમાં વિશ્વભરમાંથી પ્રખ્યાત હસ્તીઓ ગુજરાતના જામનગર ખાતે પધારી હતી. અંબાણી પરિવારના આ સેલિબ્રેશનમાં ઘણા મોટા સ્ટાર્સે પરફોર્મ પણ કર્યું હતું. ત્યારે હવે અનંત અંબાણી જુલાઈમાં રાધિકા સાથે લગ્ન કરવાના છે, જેની તૈયારીઓ જોરશોરથી શરૂ થઈ ગઈ છે.
અનંત અંબાણી અને રાધિકા મર્ચન્ટના વેડિંગ ફંક્શન પ્રી-વેડિંગ કરતા પણ ભવ્ય હશે. એક અહેવાલ મુજબ બંનેના લગ્નનું ફંક્શન લંડનના સ્ટોક પાર્ક એસ્ટેટમાં આયોજિત થવા જઈ રહ્યું છે. સમારોહની તૈયારીઓ શરૂ થઈ ગઈ છે. નીતા અંબાણી પોતે આ ફંક્શનની દરેક બાબતો પર નજર રાખી રહ્યા છે. અનંત-રાધિકાના લગ્નની તૈયારીઓ ખુબ જોરશોરથી ચાલી રહી છે. લગ્ન સમારોહ માટે ઘણા બોલિવૂડ સ્ટાર્સને આમંત્રણ મોકલવામાં આવ્યા છે, જેથી તેઓ તેમના ભાવિ શેડ્યૂલ અનુસાર યોજના બનાવી શકે. તે જ સમયે, લગ્નના કાર્ડને લઈને પણ ખાસ માહિતી બહાર આવી રહી છે. જે રીતે પ્રિ-વેડિંગ ફંક્શન માટે 9 પેજનું આમંત્રણ મોકલવામાં આવ્યું હતું, તે જ રીતે લગ્નના ફંક્શન માટે પણ એક વિશેષ આમંત્રણ મોકલવામાં આવશે.
લંડનના સ્ટોક પાર્ક એસ્ટેટમાં યોજાનાર આ વેડિંગ ફંક્શનની થીમ પર હજુ સુધી કોઈ માહિતી સામે આવી નથી. જો લગ્નના ગેસ્ટ લિસ્ટની વાત કરીએ તો તેમાં શાહરૂખ ખાન, સલમાન ખાન, દીપિકા પાદુકોણ-રણવીર સિંહ, અનુષ્કા શર્મા-વિરાટ કોહલી, કેટરીના કૈફ સહિત ઘણા મોટા સ્ટાર્સના નામ સામેલ છે. વેડિંગ ફંક્શન વિશે પ્રાપ્ત માહિતી અનુસાર, લંડનમાં આયોજિત થનાર ફંક્શન પ્રી-વેડિંગ કરતા પણ વધુ ભવ્ય અને મોટા સ્તર પર હશે.
લંડન સ્થિત સ્ટોક પાર્ક એસ્ટેટની વાત કરીએ તો આ એસ્ટેટ 300 એકરમાં પથરાયેલું છે. અહીં સુંદર અને શિલ્પાકૃતિઓ તેમજ તળાવો પણ આવેલા છે. એટલું જ નહીં અહીં ઐતિહાસિક ગાર્ડન પણ છે. આ આ એસ્ટેટને ફાઈવ સ્ટાર હોટલમાં ફેરવ દેવાયું છે. અહીં 49 લક્ઝુરીયસ રૂમ આવેલા છે. તમામ રૂમમાં માર્બલના બાથરૂમ્સ છે. હોટલમાં ત્રણ હાઈ-એન્ડ રેસ્ટોરન્ટ પણ છે. 4000 સ્ક્વેર ફુટમાં પથરાયેલું જીમ અને ફિટનેસ દિગ્ગજ સ્પોર્ટ્સ હસ્તીઓ માટે પણ આકર્ષણનું કેન્દ્ર બનેલું છે. ઇનડોર સ્વિમીગ પૂલ, 13 મલ્ટિ સરફેસ ટેનિસ કોર્ટ તેમ જ 27 હોલ્સ ધરાવતા ગોલ્ફ કોર્સ પણ છે. ઘણા ઓછા લોકો જાણે છે કે 1581માં આ એસ્ટેટ ઇંગ્લેન્ડની રાણીનું નિવાસસ્થાન હતું.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp