રાજસ્થાન વિધાનસભામાં મુખ્યમંત્રીએ જૂનું ભાષણ વાંચી નાખ્યું, વિપક્ષે કર્યો હંગામો
રાજસ્થાનનું બજેટ રજૂ કરી રહેલા મુખ્યમંત્રી અશોક ગેહલોતને શુક્રવારે ખૂબ જ અસ્વસ્થ પરિસ્થિતિનો સામનો કરવો પડ્યો હતો. તેમણે બજેટ ભાષણ દરમિયાન ગત વર્ષનું બજેટ વાંચ્યું હતું. અગાઉના બજેટમાં ઈન્દિરા ગાંધી શહેરી રોજગાર ગેરંટી યોજના અમલમાં મુકાઈ હોવા છતાં આ બજેટ ભાષણમાં ફરીવાર વાંચવામાં આવ્યું હતું. સભ્યોને આ વાતની જાણ થતાં મુખ્યમંત્રીને તેની જાણ કરવામાં આવી હતી. આ પછી મુખ્યમંત્રી ગેહલોતે બજેટ ભાષણ અટકાવી દીધું હતું.
બીજી તરફ મુખ્યમંત્રીની આ ભૂલને બેદરકારીનો મુદ્દો બનાવીને વિપક્ષે ગૃહમાં ભારે હોબાળો શરૂ કર્યો હતો. જ્યારે મુખ્યમંત્રીને પોતાની ભૂલનો અહેસાસ થયો ત્યારે તેમણે આખા ગૃહમાં પોતાની ભૂલ માટે માફી માંગી. જો કે આ પછી પણ વિપક્ષ શાંત થયા નથી. વિપક્ષના હંગામાને જોઈને સ્પીકરે સૌને શાંતિ જાળવવા અપીલ કરી હતી. વિપક્ષે વાત ન સાંભળવા પર સ્પીકરે ગુસ્સામાં ગૃહને અડધા કલાક માટે સ્થગિત કરી દીધું અને બહાર નીકળી ગયા
બજેટ દરમિયાન પ્રથમ વખત ગૃહ સ્થગિત કરવામાં આવ્યું. રાજસ્થાનમાં બજેટ દરમિયાન ગૃહની કાર્યવાહી સ્થગિત કરવાની આ પ્રથમ ઘટના છે. વાસ્તવમાં અશોક ગેહલોતની ભૂલ બાદ વિપક્ષે ગૃહમાં ભારે હોબાળો મચાવ્યો હતો. સ્પીકરના વારંવારના અનુરોધ બાદ પણ વિપક્ષના નેતા સંમત ન થતા સ્પીકરે ગૃહની કાર્યવાહી અડધા કલાક માટે સ્થગિત કરી દીધી હતી.
આ સમગ્ર ઘટનાક્રમ પર રાજસ્થાનના વિપક્ષના નેતા ગુલાબચંદ કટારિયાએ કહ્યું છે કે આ બજેટ રજૂ કરી શકાય તેમ નથી, કારણ કે આ બજેટ તેની રજૂઆત પહેલા જ લીક થઈ ગયું છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp