પુતિન માટેના ખાસ ડીનરમાં શશી થરૂરને બોલાવી રાહુલ ગાંધીને ન બોલાવતા કોંગ્રેસીઓ અકળાયા! જાણો સમગ્ર મામલો
કોંગ્રેસના વરિષ્ઠ નેતા શશી થરૂર ફરી એકવાર વિવાદનું કેન્દ્ર બનીને ઉભરી આવ્યા છે. વાત જાણે એમ છે કે, 5 ડિસેમ્બરના રોજ, રાષ્ટ્રપતિ ભવનમાં રશિયન પ્રમુખ વ્લાદિમીર પુતિન માટે ખાસ ડિનરનું આયોજન કરવામાં આવ્યું હતું. જ્યાં વિપક્ષ તરફથી માત્ર કોંગ્રેસના સાંસદ શશી થરૂરને જ આમંત્રણ આપવામાં આવ્યું હતું અને તેમણે આ આમંત્રણ સ્વીકાર્યું પણ હતું. પરંતુ પાર્ટી અધ્યક્ષ મલ્લિકાર્જુન ખડગે અને લોકસભામાં વિપક્ષના નેતા રાહુલ ગાંધીને આ આમંત્રણ ન મળતા, થરૂર હવે તેમની જ પાર્ટીના નેતાઓના નિશાને આવી ગયા છે.
#WATCH | Delhi | On Congress MP Shashi Tharoor invited to the President’s banquet organised in honour of Russian President Vladimir Putin's visit to India, Congress leader Pawan Khera says, "It's quite surprising that an invitation was sent and the invitation was accepted also.… pic.twitter.com/Zd46l3L1HJ — ANI (@ANI) December 5, 2025
#WATCH | Delhi | On Congress MP Shashi Tharoor invited to the President’s banquet organised in honour of Russian President Vladimir Putin's visit to India, Congress leader Pawan Khera says, "It's quite surprising that an invitation was sent and the invitation was accepted also.… pic.twitter.com/Zd46l3L1HJ
આ મુદ્દે કોંગેસના કેટલાક નેતાઓ પોતાની અકળામણ ઠાલવી સરકાર તેમજ શશી થરૂરને નિશાને લઈ રહ્યા હતા. ત્યારે કોંગ્રેસના નેતા પવન ખેડાએ શશી થરૂરના ડિનરમાં જઈ આવવાના નિર્ણય પર આશ્ચર્ય વ્યક્ત કરતા સવાલ ઉઠાવ્યો હતો કે, શું થરૂરને આ 'રમત' વિશે ખબર નહોતી. જ્યારે મારા નેતાઓને આમંત્રણ આપવામાં આવતું નથી, પરંતુ મને આપવામાં આવે છે, તો આપણે સમજવું જોઈએ કે આ રમત શા માટે રમાઈ રહી છે, કોણ આ રમત રમી રહ્યું છે અને આપણે તેનો ભાગ શા માટે બનવું જોઈએ." પવન ખેડાએ વધુમાં કહ્યું કે, 'આમંત્રણ મોકલવામાં આવ્યું અને તે સ્વીકાર પણ કરવામાં આવ્યું તે આશ્ચર્યજનક છે. દરેકની અંતરાત્માનો એક અવાજ હોય છે.'
Shashi Tharoor should be expelled from Congress.How can you attend a meeting where your leader (LoP) is not invited? Has he forgotten how BJP hounded him for his wife's de@th & Modi taunted him with "50cr ki girlfriend?"What a sh@meless fellow.pic.twitter.com/rJGvOoGQTw — Tarun Gautam (@TARUNspeakss) December 5, 2025
Shashi Tharoor should be expelled from Congress.How can you attend a meeting where your leader (LoP) is not invited? Has he forgotten how BJP hounded him for his wife's de@th & Modi taunted him with "50cr ki girlfriend?"What a sh@meless fellow.pic.twitter.com/rJGvOoGQTw
ત્યારે આ બાબતે શશી થરૂરે પણ ડિનરમાં જોડાતા પહેલા એક નિવેદન આપ્યું હતું કે, 'હું ચોક્કસપણે ડિનરમાં હાજરી આપીશ.' ઉપરાંત તેમણે આ વાતનો સ્વીકાર કર્યો હતો કે, વિપક્ષના નેતાઓને ન બોલાવવા તે યોગ્ય નથી. થરૂરે કહ્યું કે, 'મને ખબર નથી કે આમંત્રણ કયા આધારે મોકલવામાં આવી રહ્યું છે. પરંતુ હું ચોક્કસ જઈશ. પરંતુ તે પણ યોગ્ય નથી કે વિપક્ષના નેતાઓને આમંત્રિત કરવામાં આવ્યા નથી.' ત્યારે જયરામ રમેશે પણ X પર એ વાતની પુષ્ટિ કરી હતી કે, રાહુલ ગાંધી અને મલ્લિકાર્જુન ખડગે બંનેને પુતિન સાથેના ડિનરમાં આમંત્રણ મળ્યું ન હતું.
There has been speculation whether the Leader of the Opposition in the Lok Sabha and the Leader of the Opposition in the Rajya Sabha have been invited for tonight's official dinner in honour of President Putin.The two LoPs have not been invited. — Jairam Ramesh (@Jairam_Ramesh) December 5, 2025
There has been speculation whether the Leader of the Opposition in the Lok Sabha and the Leader of the Opposition in the Rajya Sabha have been invited for tonight's official dinner in honour of President Putin.The two LoPs have not been invited.
આ ઘટના પહેલાં જ 4 ડિસેમ્બરે રાહુલ ગાંધીએ મોદી સરકાર પર વિદેશી ડેલિગેશનોને ન મળવા દેવા બાબતે આરોપ લગાવ્યો હતો. જો કે, સરકારે આ આરોપોને ફગાવી દેતા કહ્યું હતું કે, '9 જૂન, 2024ના રોજ રાહુલ ગાંધી લોકસભામાં વિપક્ષના નેતા બન્યા ત્યારથી તેઓ બાંગ્લાદેશના વડાપ્રધાન શેખ હસીના સહિત ઓછામાં ઓછા ચાર રાષ્ટ્રાધ્યક્ષોને મળી ચૂક્યા છે.'
અને શશી થરૂરની વાત કરીએ તો આ પ્રથમ વખત નથી જ્યારે તેમને પોતાની જ પાર્ટીના સભ્યોની ટીકા સહન કરવી પડી હોય. આ પહેલા પણ 'ઓપરેશન સિંદૂર' બાદ વિદેશમાં ભારતીય ડેલિગેશનનું પ્રતિનિધિત્વ કરવા બદલ તેમની ટીકા થઈ ચુકી છે. અને તાજેતરમાં જ, પીએમ નરેન્દ્ર મોદીની લોર્ડ મેકોલે પરની સ્પીચ વખતે તેમની હાજરી અને ત્યારબાદ કરેલી તેમની પ્રશંસા પર પણ પાર્ટીના સાથીઓએ નારાજગી વ્યક્ત કરી હતી.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp