દિલ્હી વિધાનસભાની ચૂંટણી માટે ભાજપની અંતિમ યાદી જાહેર, નીતિશ કુમાર અને ચિરાગ પાસવાનને શું મળ્યું?

BJP Releases Fourth List of Candidates: ભારતીય જનતા પાર્ટી (BJP)એ દિલ્હી વિધાનસભાની ચૂંટણી 2025 માટે ઉમેદવારોની ચોથી યાદી જાહેર કરી છે. આ યાદીમાં કુલ નવ બેઠકો માટે ઉમેદવારોના નામ જાહેર કરવામાં આવ્યા છે. દિલ્હીમાં કુલ 70 વિધાનસભા બેઠકો છે અને ભાજપે અત્યાર સુધીમાં 68બેઠકો માટે ઉમેદવારો નક્કી કરી દીધા છે. એવું માનવામાં આવે છે કે બાકીની 2 વિધાનસભા બેઠકો નીતિશ કુમાર અને ચિરાગ પાસવાનની પાર્ટી માટે બે બેઠકો છોડી દેવામાં આવી છે. JDU બુરાડીથી અને LJP (R) દેવલીથી ચૂંટણી લડી શકે છે.

દિલ્હી વિધાનસભા ચૂંટણી માટે ભાજપે પહેલી યાદીમાં 29 ઉમેદવારોના નામ જાહેર કર્યા હતા. બીજી યાદીમાં 29 બેઠકો માટે ઉમેદવારો પણ નક્કી કરવામાં આવ્યા હતા. ત્રીજી યાદીમાં ફક્ત એક જ નામ હતું. મોહન સિંહ બિષ્ટને મુસ્તફાબાદથી ટિકિટ આપવામાં આવી હતી. હવે ચોથી યાદીમાં 9 બેઠકો પર ઉમેદવારો ઉતારવામાં આવ્યા છે. તેમાં બવાના (SC)થી રવિન્દ્ર કુમાર (ઇન્દ્રરાજ)ને ટિકિટ આપવામાં આવી છે. વજીપુરથી પૂનમ શર્મા, દિલ્હી કેન્ટથી ભુવન તંવરને, સંગમ વિહારથી ચંદન કુમાર ચૌધરીને, ગ્રેટર કૈલાશથી શિખા રાયને, ત્રિલોકપુરી ((SC)થી રવિકાંત ઉજ્જૈન, શાહાદારાથી સંજય ગોયલ, બાબરપુરથી અનિલ વશિષ્ઠ અને ગોકલપુર (SC)થી પ્રવીણ નિમેશને ટિકિટ આપવામાં આવી છે.

દિલ્હીમાં 5 ફેબ્રુઆરીએ મતદાન થવાનું છે અને ચૂંટણીના પરિણામો 8 ફેબ્રુઆરીએ જાહેર કરવામાં આવશે. ઉમેદવારોના નામાંકનની પ્રક્રિયા ચાલી રહી છે અને ઘણા ઉમેદવારોએ તેમના નામાંકન દાખલ કરી દીધા છે. 17 જાન્યુઆરીએ ઉમેદવારી પત્રો ભરવાનો છેલ્લો દિવસ છે.

ભાજપે 4 જાન્યુઆરીએ 29 ઉમેદવારોની પહેલી યાદી જાહેર કરી હતી, જેમાં ઓછામાં ઓછા છ પાર્ટી બદલુ ઉમેદવારોને ટિકિટ આપી હતી જેઓ તાજેતરમાં આમ આદમી પાર્ટી (AAP) અને કોંગ્રેસમાંથી પાર્ટીમાં જોડાયા હતા. નવી દિલ્હી બેઠક પરથી અરવિંદ કેજરીવાલ સામે ભૂતપૂર્વ સાંસદ પરવેશ વર્માને ટિકિટ મળી છે, જ્યારે કાલકાજી બેઠક પરથી મુખ્યમંત્રી આતિશી સામે પાર્ટીના પૂર્વ સાંસદ રમેશ બિધુડીને મેદાનમાં ઉતારવામાં આવ્યા છે.

ભાજપની બીજી યાદી 11 જાન્યુઆરીએ આવી હતી. તેમાં પણ 29 નામ હતા. બીજી યાદીમાં 5 મહિલા ઉમેદવારોના નામ પણ સામેલ હતા. જ્યારે કપિલ મિશ્રાને કરાવલ નગરથી ટિકિટ આપવામાં આવી હતી. રાજ કરણ ખત્રીને નરેલાથી અને સૂર્ય પ્રકાશ ખત્રીને તિમારપુરથી ઉમેદવાર બનાવવામાં આવ્યા હતા. ગજેન્દ્ર દરાલને મુંડકાથી, બજરંગ શુક્લાને કિરાડીથી, કરમ સિંહ કર્માને સુલતાનપુર માઝરાથી, કરનૈલ સિંહ શકૂરને બસ્તી બેઠક પરથી, તિલક રામ ગુપ્તાને ત્રિનગરથી, મનોજ કુમાર જિંદલને સદર બજારથી અને સતીશ જૈનને ચાંદની ચોકથી ટિકિટ આપવામાં આવી હતી.