ધોની, અશ્નીર ગ્રોવરથી લઈને દીપિકા જેવા દિગ્ગજોએ લગાવેલા આ કંપનીમાં પૈસા, હવે સંકટમાં
ઇલેક્ટ્રિક રાઇડ હેલિંગ સ્ટાર્ટઅપ બ્લુસ્માર્ટના સહ-સ્થાપક પર નાણાકીય ગેરરીતિનો આરોપ બાદ બંધ થવાની આરે છે અને SEBI દ્વારા તેની તપાસ ચાલી રહી છે. તેણે દિલ્હી-NCR, મુંબઈ અને અન્ય સ્થળોએ પોતાની કેબ સેવા અસ્થાયી રૂપે બંધ કરી દીધી છે. કંપની નાણાકીય કટોકટીનો સામનો કરી રહી છે.
આ કંપની એક સમયે તેના ઓલ-ઇલેક્ટ્રિક ફ્લીટ અને ગ્રીન બિઝનેસ મોડેલ માટે પ્રખ્યાત હતી. જેના કારણે મોટા મોટા દિગ્ગજોએ તેમાં પૈસા રોકાણ કર્યું. ભારતીય ક્રિકેટ ટીમના ભૂતપૂર્વ કેપ્ટન મહેન્દ્ર સિંહ ધોની થી લઈને બોલિવૂડ અભિનેત્રી દીપિકા પાદુકોણ, બજાજ કેપિટલના સંજીવ બજાજ અને શાર્ક ટેન્ક ઈન્ડિયાના ભૂતપૂર્વ જજ અશ્નીર ગ્રોવરે પણ તેમાં પૈસા લગાવ્યા છે.
હકીકતમાં, આ કંપનીના સહ-સ્થાપક, અનમોલ સિંહ જગ્ગી અને તેમના ભાઈ પુનિત સિંહ જગગી, જે ગેન્સોલ એન્જિનિયરિંગ કંપનીના પ્રમોટર છે, તેમણે ગેન્સોલ કંપનીના નામે લીધેલા લોનના પૈસાનો દુરુપયોગ કર્યો અને તે પૈસામાંથી 262 કરોડ રૂપિયાથી વધુનો ખર્ચ ફ્લેટ, ગોલ્ફ કિટ્સ, મુસાફરી વગેરે જેવી લક્ઝરી વસ્તુઓ પર કર્યો. SEBI તેનો હિસાબ પોતાની તપાસમાં ન મળ્યો. આવી સ્થિતિમાં, SEBIએ તેના પ્રમોટર્સને કોઈપણ કંપનીનું સંચાલન કરતા અટકાવ્યા અને બજારમાં તેમના પ્રવેશ પર પણ પ્રતિબંધ મૂક્યો.
જેના કારણે હવે બ્લૂસ્માર્ટની કામગીરી પણ જોખમમાં મુકાઈ ગઈ છે અને તેના રોકાણકારોમાં ચિંતા ઉભી થઈ છે. બ્લુસ્માર્ટે શરૂઆતના રોકાણકારોની મોટી સંખ્યાને આકર્ષિત કરી. વર્ષ 2019માં, દીપિકા પાદુકોણના પરિવારિક કાર્યાલયોએ બજાજ, JITO એન્જલ નેટવર્ક અને રજત ગુપ્તા સાથે 3 મિલિયન ડોલરના એન્જલ ફંડિંગ રાઉન્ડમાં ભાગ લીધો હતો. NDTV પ્રોફિટના અહેવાલ મુજબ, ધોની અને દીપિકાના પારિવારિક કાર્યાલયોએ બ્લુસ્માર્ટના નાણાકીય ગ્રોથને આગળ વધારવામાં મુખ્ય ભૂમિકા ભજવી છે, જેમાં જુલાઈ 2024માં એક મોટો રોકાણનો સમાવેશ થાય છે.
પ્રાઇવેટ સર્કલના ડેટા અનુસાર, જગ્ગી બ્રધર્સ બ્લુસ્માર્ટમાં લગભગ 33 ટકા હિસ્સો ધરાવે છે. સીરિઝ A રાઉન્ડમાં રોકાણકાર બીપી વેન્ચર્સ પાસે 14.3 ટકા હિસ્સો રાખ્યો હતો. જેના સંદર્ભમાં, બ્લુસ્માર્ટે 25 મિલિયન ડોલરના સિરીઝ A રાઉન્ડને વૈશ્વિક સ્તરે મોબિલિટી સેકટરમાં સૌથી મોટું રોકાણ ગણાવ્યું હતું.
કંપનીએ 2024 માં પ્રી-સિરીઝ B રાઉન્ડમાં 24 મિલિયન ડોલર એકત્ર કર્યા, જેમાં ધોનીના પરિવારના કાર્યાલય, રીન્યુ પાવરના CEO સુમંત સિંહા અને સ્વિસ એસેટ મેનેજર રિસ્પોન્સએબિલિટી ઇન્વેસ્ટમેન્ટ્સ તરફથી રોકાણનો સમાવેશ થાય છે. આ રાઉન્ડમાં 200 કરોડ રૂપિયા એકત્ર કરવામાં આવ્યા હતા, જેમાં સ્વિસ ઇમ્પેક્ટ ઇન્વેસ્ટર રિસ્પોન્સએબિલિટી અને રીન્યુના ચેરમેન સુમંત સિંહાએ પણ ભાગ લીધો હતો. આ રોકાણ બ્લુસ્માર્ટના ભાવિ માર્ગમાં હાઇ-પ્રોફાઇલ રોકાણકારોના વિશ્વાસ રહ્યો હતો.
કટોકટી પર પ્રતિક્રિયા આપતા, અશ્નીર ગ્રોવરે x પર પોસ્ટ કરી કે તેમણે બ્લુસ્માર્ટમાં રૂ. 1.5 કરોડ અને મેટ્રિક્સમાં 25 લાખ રૂપિયાનું રોકાણ કર્યું છે. તેમણે લખ્યું કે હું વર્તમાન પરિસ્થિતિથી 'પીડિત' છું. મને આશા છે કે વ્યવસાય તેના હિતાધારકોના હિત માટે વર્તમાન કટોકટીમાંથી બહાર નીકળી શકશે.
બ્લૂસ્માર્ટ ગેન્સોલની ઔપચારિક પેટાકંપની નથી, પરંતુ તેના નાણાકીય સંબંધો ખૂબ જ ઊંડા છે. ગેન્સોલ અને બ્લુસ્માર્ટની પેટાકંપનીઓ વચ્ચે 148 કરોડ રૂપિયાથી વધુના વ્યવહારો થયા હતા, જે બંને વચ્ચે મજબૂત જોડાણ દર્શાવે છે, જે હવે સઘન તપાસ હેઠળ છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp