કાબુલમાં ભારતીય દૂતાવાસ પાસે વિસ્ફોટ, ચાર ઘાયલ
કાબુલ પોલીસ કમાન્ડોના પ્રવક્તા ખાલિદ ઝદરાને જણાવ્યું હતું કે કાબુલ એરપોર્ટના રસ્તા પર અને શેખ જાયદ હોસ્પિટલ પાસે વિસ્ફોટ થયો હતો, જેમાં ચાર લોકો ઘાયલ થયા હતા.
અફઘાનિસ્તાનની રાજધાની કાબુલ આજે સવારે લગભગ 10 વાગ્યે વિસ્ફોટથી હચમચી ઉઠ્યું હતું. કાબુલ પોલીસ કમાન્ડોના પ્રવક્તા ખાલિદ ઝદરાને જણાવ્યું હતું કે વિસ્ફોટ કાબુલ એરપોર્ટના રસ્તા પર અને શેખ જાયદ હોસ્પિટલ પાસે થયો હતો, જેમાં ચાર લોકો ઘાયલ થયા હતા. આ હોસ્પિટલ કાબુલમાં ભારતીય દૂતાવાસની નજીક છે. જોકે, કોઈ ભારતીય ઘાયલ થયાના સમાચાર નથી.
તાલિબાન અધિકારીઓના જણાવ્યા અનુસાર હુમલા પાછળનો હેતુ હજુ સ્પષ્ટ થયો નથી. તાલિબાનના અધિકારીઓએ હુમલાની તપાસ શરૂ કરી છે અને ઘાયલોને સારવાર માટે મોકલવામાં આવ્યા છે. ભારતીય દૂતાવાસની નજીક હુમલો થવાની આ પહેલી ઘટના નથી, આ પહેલા પણ આવા કિસ્સા સામે આવ્યા છે. ભારતીય દૂતાવાસ 2020 થી સંપૂર્ણ રીતે કાર્યરત નથી, કારણ કે તાલિબાનના કબજાને કારણે ભારત સરકારે મોટાભાગે તેની કામગીરી બંધ કરી દીધી છે.
હાલમાં જ મંગળવારે અફઘાનિસ્તાનના જલાલાબાદમાં ભારતીય દૂતાવાસના સ્થાનિક સ્ટાફ પર હુમલો થયો હતો. ભારતીય દૂતાવાસ કાર્યરત ન હોવાને કારણે ત્યાં માત્ર સ્થાનિક સ્ટાફ જ કામ કરે છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp