શું ચીન લાવશે નવી મહામારી? કોરોના બાદ હવે 'લાંગ્યા' નામનો નવો વાયરસ જોવા મળ્યો, જાણો શું છે તેના લક્ષણો
વર્લ્ડ ડેસ્ક : લગભગ ત્રણ વર્ષ પહેલા ચીનમાં કોવિડ-19 વાયરસ જોવા મળ્યો હતો. હવે ચીનમાં વધુ એક નવો વાયરસ જોવા મળ્યો છે, જેના કારણે લગભગ 35 લોકો સંક્રમિત થયા છે. તે હેનિપાવાયરસનો એક નવો પ્રકાર છે, જેને લાંગ્યા વાયરસ તરીકે પણ ઓળખવામાં આવે છે. હેનિપાવાયરસને બાયોસેફ્ટી લેવલ 4 પેથોજેન તરીકે વર્ગીકૃત કરવામાં આવે છે. આ વાયરસ પ્રાણીઓ અને માણસોમાં ગંભીર રોગ પેદા કરી શકે છે. અત્યાર સુધી આ વાયરસની કોઈ દવા કે રસી નથી.
હવે ચાલો જાણીએ કે લાંગ્યા વાયરસ શું છે? ધ ન્યૂ ઈંગ્લેન્ડ જર્નલ ઑફ મેડિસિનમાં પ્રકાશિત થયેલા તાજેતરના અહેવાલમાં જણાવવામાં આવ્યું છે કે ચીનમાં ફાયલોજેનેટિકલી અલગ હેનીપાવાયરસ જોવા મળ્યો છે. તે ઝૂનોટિક (પ્રાણીઓથી મનુષ્યોમાં ફેલાયેલ) હર્નિપાવાયરસ છે. હેનીપાવાયરસમાં હેન્ડ્રા, નિપાહ સહિત ઘાનાયન બેટ વાયરસનો સમાવેશ થાય છે. યુએસ સેન્ટર ફોર ડિસીઝ કંટ્રોલ અનુસાર, હેન્ડ્રા અને નિપાહ મનુષ્યમાં જીવલેણ રોગ પેદા કરી શકે છે. એવું માનવામાં આવે છે કે લાંગ્યા વાયરસ તાવનું કારણ બની શકે છે.
લાંગ્યા વાયરસ પૂર્વી ચીનમાં એવા દર્દીઓમાં જોવા મળ્યો હતો જેઓ બીમાર હતા અને તાજેતરમાં જ પ્રાણીઓના સંપર્કમાં આવ્યા હતા. થ્રોટ સ્વેબ ટેસ્ટ દ્વારા વાયરસની જાણ થઈ હતી. શેનડોંગ અને હેનાન રાજ્યમાં 35 દર્દીઓ આ વાયરસથી સંક્રમિત જોવા મળ્યા હતા. સંક્રમિત લોકોમાં થાક, ઉધરસ અને ઉબકાના લક્ષણો જોવા મળ્યા છે જેમનામાં આ વાયરસ જોવા મળ્યા છે.
એવું માનવામાં આવે છે કે આ વાયરસ કોઈ પ્રાણી દ્વારા માણસો સુધી પહોંચ્યો છે. લાંગ્યા વાયરસનું આરએનએ શૂમાં જોવા મળે છે. જે તેના કુદરતી યજમાનો છે. આ સિવાય, જો આપણે માણસોથી માણસોમાં તેના ફેલાવાની વાત કરીએ, તો અભ્યાસ અનુસાર, તેની સંભાવના ઘણી ઓછી છે. તે જ સમયે, આ પ્રકારનો નિપાહ વાયરસ ખૂબ જ ખતરનાક છે. તે શ્વાસમાં લેવાયેલા ટીપાં દ્વારા પણ ફેલાય છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp