બ્રિટનમાં સાંપ્રદાયિક ઉન્માદ ફેલાયો, ટોળાએ હિન્દુ મંદિરની બહાર અલ્લાહુ અકબરના નારા લગાવ્યા, જુઓ વીડિયો
બ્રિટનમાં સાંપ્રદાયિક ઉન્માદ ફેલાઈ રહ્યો છે. ભારત અને પાકિસ્તાન વચ્ચે એશિયા કપની મેચ બાદ લંડન નજીક લિસ્ટરમાં હિંદુ-મુસ્લિમ રમખાણ થયા હતા અને હવે સ્મેથવિકમાં અશાંતિના સમાચાર આવ્યા છે. ગઈકાલે સ્મેથવિકમાં એક મંદિરની બહાર 200 થી વધુ લોકોના ટોળાએ અલ્લાહુ અકબરના નારા લગાવ્યા હતા.
મીડિયા રિપોર્ટ્સ અનુસાર, નારાબાજી અને ગડબડની તાજેતરની ઘટના ઈંગ્લેન્ડના સ્મેથવિક શહેર વેસ્ટ મિડલેન્ડ્સમાં દુર્ગા ભવન ખાતે બની હતી. એક વર્ગે અહીં વિરોધ પ્રદર્શન કર્યું હતું. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. આમાં, ભીડને ઉશ્કેરણીજનક નારા લગાવતા સાંભળી શકાય છે. વીડિયોમાં સુરક્ષા કર્મચારીઓ તેમને રોકતા જોવા મળે છે. કેટલાક વિરોધીઓ મંદિરની દિવાલ પર પણ ચઢી જાય છે.
વાયરલ વીડિયોમાં 200થી વધુ લોકોની ભીડ દુર્ગા ભવન હિંદુ મંદિર તરફ કૂચ કરી રહી છે. આ દરમિયાન ભીડ ઉગ્ર સૂત્રોચ્ચાર કરતી સાંભળી હતી. બર્મિંગહામ વર્લ્ડ રિપોર્ટ અનુસાર, આ ઘટના ભારત અને પાકિસ્તાન વચ્ચે એશિયા કપ ક્રિકેટ બાદ લિસ્ટરમાં થયેલા રમખાણો જેવી જ છે. લિસ્ટરમાં ભારે હંગામો થયો હતો અને એક હિન્દુ મંદિરમાં કથિત રીતે તોડફોડ કરવામાં આવી હતી. આ દરમિયાન હિન્દુ-મુસ્લિમ અથડામણ થઈ હતી.
લિસ્ટરની ઘટના બાદ લંડનમાં ભારતીય હાઈ કમિશને ભારતીય સમુદાય સામેની હિંસાની સખત નિંદા કરી હતી. હાઈ કમિશને ઈંગ્લેન્ડના વહીવટીતંત્ર પાસેથી ગુનેગારો સામે કડક કાર્યવાહીની માંગ કરી છે. લિસ્ટર રમખાણોના કેસમાં અત્યાર સુધીમાં 47 લોકોની ધરપકડ કરવામાં આવી છે. દરમિયાન, મંગળવારે સવારે હિંદુ-મુસ્લિમો લિસ્ટરમાં એક મસ્જિદના પગથિયા પર એકઠા થયા હતા અને શાંતિ અને સૌહાર્દની વિનંતી કરતું સંયુક્ત નિવેદન બહાર પાડ્યું હતું. તેમણે ઉશ્કેરણી અને હિંસા બંધ કરવા પણ હાકલ કરી હતી.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp