બીબીસીની દિલ્હી-મુંબઇ ઓફિસ પર આવકવેરા વિભાગના દરોડા, કોંગ્રેસે કહ્યું અઘોષિત ઇમરજન્સી
આવકવેરા વિભાગ દિલ્હી અને મુંબઈમાં બીબીસીની ઓફિસો પર દરોડા પાડી રહ્યું છે. સૂત્રો પાસેથી માહિતી મળી છે કે આવકવેરા વિભાગની ટીમ હજુ પણ બીબીસી ઓફિસમાં છે અને દરોડાની પ્રક્રિયા ચાલી રહી છે. આઈટી વિભાગના અધિકારીઓ બીબીસી ઓફિસમાં પેપરો તપાસી રહ્યા છે. સૂત્રોએ જણાવ્યું કે ઓફિસમાં હાજર તમામ કર્મચારીઓને ફોનનો ઉપયોગ ન કરવા માટે કહેવામાં આવ્યું છે. તમામ કર્મચારીઓને એક જ રૂમમાં રાખવામાં આવ્યા છે. મુંબઈમાં બીબીસી ઓફિસમાં કોઈનો સંપર્ક થઈ શકતો નથી. જો કે, હજુ સુધી આ દરોડાને લઈને કોઈ સત્તાવાર પુષ્ટિ થઈ નથી.
બીબીસીના દરોડા પર પણ રાજનીતિ શરૂ થઈ ગઈ છે. કોંગ્રેસ પાર્ટીએ ટ્વિટ કરીને કેન્દ્ર સરકાર પર નિશાન સાધ્યું છે. કોંગ્રેસે ટ્વિટ કર્યું, પહેલા બીબીસી ડોક્યુમેન્ટરી આવી, તેના પર પ્રતિબંધ મુકાયો... હવે બીબીસી પર આઈટીના દરોડા. અઘોષિત ઈમરજન્સી.
તાજેતરમાં જ બીબીસી તેની એક વિવાદાસ્પદ ડોક્યુમેન્ટ્રીને લઈને ઘણી ચર્ચામાં હતી. બીબીસી એ લંડન સ્થિત મીડિયા આઉટલેટ છે જે ભારતમાં ઘણા વર્ષોથી પત્રકારત્વ કરે છે. તાજેતરમાં બીબીસીએ વડાપ્રધાન નરેન્દ્ર મોદી અને ગુજરાતના રમખાણો (2002) પર એક ડોક્યુમેન્ટ્રી રજૂ કરી, જેના પર ભારત સરકારે સખત વાંધો ઉઠાવ્યો.
બીબીસી ડોક્યુમેન્ટ્રીને લઈને સમગ્ર દેશમાં હોબાળો થયો હતો. કેન્દ્ર સરકારે આ ડોક્યુમેન્ટ્રીને પ્રોપગેન્ડા પીસ ગણાવી હતી. ભારત સરકારે એક નિવેદનમાં કહ્યું કે આ ડોક્યુમેન્ટરી એકતરફી પરિપ્રેક્ષ્ય દર્શાવે છે, જેના કારણે સ્ક્રીનિંગ પર પ્રતિબંધ મૂકવામાં આવ્યો હતો. જો કે, સરકારના પ્રતિબંધ છતાં, ઘણી યુનિવર્સિટીઓ અને કોલેજોમાં તેનું સ્ક્રીનિંગ કરવામાં આવ્યું હતું. આને લઈને દિલ્હીની જેએનયુમાં ભારે હોબાળો થયો હતો.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp