સર્જિકલ સ્ટ્રાઈકની તૈયારી! કઠુઆમાં પેરા કમાન્ડો તૈનાત, જાણો શા માટે સ્પેશિયલ પેરા ફોર્સની જરૂર પડી?
Kathua Terror Attack: જમ્મુ-કાશ્મીરના કઠુઆ જિલ્લામાં તાજેતરની આતંકવાદી ઘટના બાદ ભારતીય સેનાએ આતંકવાદીઓ સામે ખૂબ જ કડક કાર્યવાહી કરવાની તૈયારી કરી છે, આ માટે સેનાનું એક વિશેષ પેરા યુનિટ પણ ત્યાં તૈનાત કરવામાં આવ્યું છે, જે સર્જિકલ સ્ટ્રાઈકને અંજામ દઈ શકે.
સોમવારે કઠુઆ જિલ્લાના માચેડી-બિલાવર વિસ્તારમાં આતંકવાદીઓએ સુરક્ષા દળો પર હુમલો કર્યો હતો, જેમાં એક JCO સહિત પાંચ જવાન શહીદ થયા હતા. તમામ સૈનિકો ઉત્તરાખંડના રહેવાસી હતા.
આ હુમલામાં અન્ય પાંચ જવાનો ઘાયલ થયા હતા, જેમની પઠાણકોટની સૈન્ય હોસ્પિટલમાં સારવાર ચાલી રહી છે. સરકાર આ આતંકવાદી ઘટનાનો બદલો લેવા માટે તમામ વિકલ્પો પર વિચાર કરી રહી છે. એક સત્તાવાર સૂત્રએ જણાવ્યું કે, 'વિશિષ્ટ વિસ્તારોમાં આતંકવાદીઓ વિરુદ્ધ સર્જિકલ સ્ટ્રાઈક કરવા માટે સેનાના વિશેષ પેરા યુનિટને તૈનાત કરવામાં આવ્યા છે.'
ખરેખર, જે વિસ્તારમાં આતંકવાદીઓ છુપાયા હોવાની આશંકા છે તે ખૂબ જ દુર્ગમ અને ગાઢ જંગલ વિસ્તાર છે. તેથી, સર્ચ ટીમને મદદ કરવા માટે ગીલી સૂટ પહેરેલા સ્નાઈપર્સ સાથે હેલિકોપ્ટર, ડ્રોન અને લશ્કરી કૂતરાઓ પણ તૈનાત કરવામાં આવ્યા છે. એવી આશંકા છે કે સુરક્ષા દળોથી બચવા માટે આતંકવાદીઓએ IED(એન્ટીટેન માઈન્સ) પણ બિછાવી રાખ્યા છે, જેથી સર્ચ ઓપરેશનમાં અડચણ આવી શકે. તેથી સર્ચ ટીમે મેટલ ડિટેક્ટરનો પણ ઉપયોગ કરવો પડશે. શોધનો વ્યાપ ઉધમપુર અને કઠુઆ જિલ્લાના મોટા વિસ્તાર સુધી લંબાવવામાં આવ્યો છે. ત્રણથી ચાર આતંકવાદીઓની સંડોવણી હોવાની આશંકા છે. એવી પણ આશંકા છે કે આ એ જ આતંકવાદીઓ હોઈ શકે છે જેમણે 28 એપ્રિલે ઉધમપુરના પનારા ગામના ગ્રામરક્ષકની હત્યા કરી હતી. આ હુમલો સોમવારે બપોરે લગભગ 3.30 વાગે લશ્કરની બે ટ્રકો પર થયો જ્યારે કાફલો માચેડી-કિંડલી-મલ્હાર રોડ પર વળાંક પર હતો.
છેલ્લા કેટલાક મહિનામાં જમ્મુ ક્ષેત્રમાં આતંકવાદી ઘટનાઓના કેસમાં વધારો થયો છે અને દૂરના વિસ્તારમાં જ્યાં સોમવારે હુમલો થયો હતો ત્યાં લાંબા સમયથી કોઈ આતંકવાદી ઘટનાનો રેકોર્ડ નથી. જમ્મુ વિસ્તારમાં વિદેશી આતંકવાદીઓની હાજરી સુરક્ષા દળો માટે મોટી ચિંતાનું કારણ બની ગઈ છે.
આશંકા છે કે આ વિસ્તારમાં ઓછામાં ઓછા સાત આતંકી મોડ્યુલ સક્રિય છે. આ સિવાય એવું માનવામાં આવે છે કે નિયંત્રણ રેખા પાર આતંકવાદી લોન્ચ પેડ પર 70 થી વધુ આતંકવાદીઓ તૈયાર બેઠા છે. એટલા માટે આતંકવાદીઓને સીધા લોન્ચ પેડ પર મારવા અને ઈન્ટેલિજન્સ ઈનપુટના આધારે ઓપરેશન પાર પાડવાના વિકલ્પો ખુલ્લા રાખવામાં આવ્યા છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp