સોનિયા ગાંધીએ રાષ્ટ્રપતિ મુર્મૂને Poor Lady ગણાવ્યા, BJPની પ્રતિક્રિયા પણ આવી સામે

Sonia Gandhi on President Droupadi Murmu's speech: સંસદમાં રાષ્ટ્રપતિના ભાષણ પર કોંગ્રેસ નેતાઓ સોનિયા ગાંધી અને રાહુલ ગાંધીની પ્રતિક્રિયાઓ સામે આવી છે. રાષ્ટ્રપતિના સંબોધન બાદ સોનિયા ગાંધીએ કહ્યું કે, "તેઓ એક ગરીબ મહિલા છે અને સંબોધન બાદ થાકી ગયા હતા. આ દરમિયાન, લોકસભામાં વિપક્ષના નેતા રાહુલ ગાંધીએ રાષ્ટ્રપતિ મુર્મૂના ભાષણને કંટાળાજનક ગણાવ્યું. હવે આ અંગે રાજકારણ ગરમાયું છે. ભાજપે કહ્યું કે સોનિયા ગાંધીએ રાષ્ટ્રપતિનું અપમાન કર્યું છે.

ભાજપના રાષ્ટ્રીય અધ્યક્ષ જે.પી. નડ્ડાએ સોનિયા ગાંધીના નિવેદનનો ઉલ્લેખ કરતા કોંગ્રેસને આદિવાસી વિરોધી ગણાવી. X પર પોસ્ટ કરતા તેમણે કહ્યું કે, "ભાજપના કાર્યકરો દ્વારા ભારતના રાષ્ટ્રપતિ દ્રૌપદી મુર્મૂ માટે 'Poor' શબ્દના ઉપયોગની અમે નિંદા કરીએ છીએ. કોંગ્રેસ જાણી જોઈને આમ કરે છે, જે તેની ગરીબ વિરોધી અને આદિવાસી વિરોધી વિચારસરણી દર્શાવે છે. કોંગ્રેસ પાર્ટી રાષ્ટ્રપતિ અને ભારતના આદિવાસી સમુદાયોની બિનશરતી માફી માગે."

કોંગ્રેસના નેતા સોનિયા ગાંધીના નિવેદન પર ભાજપના સાંસદ સંબિત પાત્રાએ પણ પ્રતિક્રિયા આપી છે. તેમણે કહ્યું કે, "ભાષણ અંગે સોનિયા ગાંધી દ્વારા આપવામાં આવેલું નિવેદન સાચું નથી. રાષ્ટ્રપતિએ હિંમતભેર પોતાના વિચારો રજૂ કર્યા છે. સોનિયા ગાંધીએ તેમની ટિપ્પણી બદલ માફી માગવી જોઈએ. રાહુલ ગાંધી પર કટાક્ષ કરતા, ભાજપના સાંસદે કહ્યું કે તેઓ વારંવાર પોતાને લોન્ચ કરી શકતા નથી.

ભાજપના નેતા અને કેન્દ્રીય મંત્રી એસ.પી. સિંહ બઘેલે સોનિયા ગાંધી અને રાહુલ ગાંધીના નિવેદનો પર પ્રતિક્રિયા આપી છે. તેમણે કહ્યું કે, "સોનિયા ગાંધીનું નિવેદન સર્વોચ્ચ પદ પર બેઠા આદિવાસી મહિલાનું અપમાન છે. રાષ્ટ્રપતિનું સંબોધન ગયા વર્ષમાં વડાપ્રધાન નરેન્દ્ર મોદી દ્વારા કરવામાં આવેલા કાર્યોનો હિસાબ હતો. પાછલા બજેટ અને સરકારની કાર્ય યોજનાઓથી સમાજના દરેક વર્ગને ફાયદો થયો છે. તે એક એવો હિસાબ હતો જે ખૂબ શાનદાર હતો.

શુક્રવારે (૩૧ જાન્યુઆરી 2025) ના રોજ સંસદના બજેટ સત્રના પહેલા દિવસે લોકસભામાં નાણાં પ્રધાન નિર્મલા સીતારમણે આર્થિક સર્વે 2024-25 રજૂ કર્યો. ત્યારબાદ, લોકસભાની કાર્યવાહી 1 ફેબ્રુઆરી, 2025 ના રોજ સવારે 11 વાગ્યા સુધી સ્થગિત કરવામાં આવી. રાષ્ટ્રપતિ દ્રૌપદી મુર્મુએ શુક્રવારે સરકારની સિદ્ધિઓ પર પ્રકાશ પાડ્યો અને કહ્યું કે એક રાષ્ટ્ર, એક ચૂંટણી અને વક્ફ (સુધારા) બિલ જેવા કાયદાઓ ઝડપી ગતિએ પસાર કરવામાં આવ્યા છે.

સંસદના બંને ગૃહોના સંયુક્ત સત્રને સંબોધિત કરતારાષ્ટ્રપતિએ એમ પણ કહ્યું કે સરકાર અભૂતપૂર્વ સિદ્ધિઓ દ્વારા ભારતની વિકાસ યાત્રાના આ અમૃત કાળને નવી ઉર્જા આપી રહી છે. તેમણે કહ્યું કે સરકારના પ્રયાસોને કારણે દેશના 25 કરોડ લોકો ગરીબી રેખામાંથી બહાર આવ્યા છે.