Breaking News : બોલીવૂડ જગતના દિગ્ગજ કોમેડિયન રાજુ શ્રીવાસ્તવનું નિધન; હસતા હસતા બધાને રડાવી ગયા
ગ્લેમર ડેસ્ક : દિગ્ગજ કોમેડિયન રાજુ શ્રીવાસ્તવનું બુધવારે સવારે નિધન થયું. રાજુ શ્રીવાસ્તવને 10 ઓગસ્ટના રોજ હાર્ટ એટેક આવ્યા બાદ દિલ્હીની ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સ (AIIMS)માં દાખલ કરવામાં આવ્યા હતા, જ્યાં તેમણે 58 વર્ષની વયે અંતિમ શ્વાસ લીધા હતા.
તમને જણાવી દઈએ કે, 10 ઓગસ્ટના રોજ રાજુ શ્રીવાસ્તવ વર્કઆઉટ દરમિયાન બેભાન થઈ ગયા હતા, ત્યારબાદ તેમને દિલ્હીના ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સ (AIIMS)માં દાખલ કરવામાં આવ્યા હતા. AIIMSમાં દાખલ થયા બાદ રાજુ શ્રીવાસ્તવની એન્જિયોપ્લાસ્ટી કરવામાં આવી હતી, પરંતુ તે પછી પણ તેમની સ્થિતિમાં કોઈ સુધારો થયો ન હતો. રાજુ શ્રીવાસ્તવનું મગજ કામ કરતું બંધ થઈ ગયું અને તેને સતત લાઈફ સપોર્ટ પર રાખવામાં આવ્યો. જોકે, થોડા દિવસો પહેલા રાજુ શ્રીવાસ્તવના હાથ-પગમાં હલચલ જોવા મળી હતી, પરંતુ અંતે તે જીવનની લડાઈ હારી ગયો હતો.
હૃદયમાં અનેક બ્લોકેજના અહેવાલો સામે આવ્યા બાદ, દિલ્હી એઈમ્સના ડોકટરોની ટીમે રાજુની એન્જીયોગ્રાફી કરવાનો નિર્ણય કર્યો. જો કે તેની સ્થિતિમાં ખાસ સુધારો જોવા મળ્યો ન હતો. છેવટે, છેલ્લા સમયથી વેન્ટિલેટર પર મૃત્યુ સામે લડી રહેલા રાજુ શ્રીવાસ્તવે આજે પોતાનો જીવ આપી દીધો. જ્યારથી રાજુ શ્રીવાસ્તવના મૃત્યુના સમાચાર સામે આવ્યા છે ત્યારથી સમગ્ર દેશમાં શોકનું મોજુ ફરી વળ્યું છે. દરેક જણ ભીની આંખે રાજુને શ્રદ્ધાંજલિ આપી રહ્યા છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp