હૃદય કંપાવનારી ઘટના : બીજેપી નેતાએ ચાંદીના વેપારીને મારી ગોળી, ત્યારબાદ માથું ધડથી અલગ કરી આખા શહેરમાં ફર્યા
નેશનલ ડેસ્ક : ઉત્તર પ્રદેશના આગ્રા જિલ્લામાં બીજેપીના એક કાર્યકર્તાએ હૃદયદ્રાવક ઘટનાને અંજામ આપ્યો છે. તેણે પહેલા તેના જ મિત્રને માથામાં ગોળી મારીને હત્યા કરી હતી. આ પછી તેનું માથું શરીરથી અલગ કરી દેવામાં આવ્યું હતું. ધડ ફેંકી અને માથું કારમાં રાખીને અહીં-તહીં ફરતો રહ્યો અને તેને સંતાડવાની કોશિશ કરતો રહ્યો. દરમિયાન પોલીસે તેને પકડી લીધો હતો.
આ જઘન્ય હત્યામાં તેનો અન્ય એક સાથીદાર પણ સામેલ હતો. પોલીસે હત્યાના આરોપસર બંનેની ધરપકડ કરી છે. પોલીસ હત્યા પાછળનું કારણ જાણવા પ્રયાસ કરી રહી છે. હત્યારો અને મૃતક બંને ભાજપના કાર્યકર્તાઓ જણાવવામાં આવી રહ્યા છે.
ઘટના સિકંદરા પોલીસ સ્ટેશન વિસ્તારના આર્સેના ગામની છે. પોલીસ અધિકારીઓએ જણાવ્યું કે શુક્રવારે સવારે 3.30 વાગ્યાની આસપાસ પોલીસ પેટ્રોલિંગ કરી રહી હતી ત્યારે તેમણે જંગલમાં એક કાર પાર્ક કરેલી જોઈ. કારની બહાર એક યુવક ઊભો હતો. પોલીસ જ્યારે કાર પાસે પહોંચી તો ત્યાં એક યુવકનું માથું વિનાનું શરીર પડેલું હતું. કારની અંદર અન્ય એક માણસ બેઠો હતો. પાછળની સીટ પર જોયું તો પોલીસકર્મીઓના હોશ ઉડી ગયા હતા. સીટ પર એક યુવકનું માથું પડેલું હતું. પોલીસે બંને આરોપીઓને કસ્ટડીમાં લીધા હતા. પૂછપરછ દરમિયાન જાણવા મળ્યું હતું કે મૃતક ચાંદીનો વેપારી નીતિન વર્મા છે. તેના ભાઈ પ્રવીણ અને પરિવારના અન્ય સભ્યોએ મૃતકની ઓળખ કરી છે. તે ગુરુવારે સાંજે બેલગંજના રહેવાસી ટિંકુ ભાર્ગવ સાથે ગયો હતો. ત્યાર બાદ પરત ફર્યા નથી.
પોલીસે જણાવ્યું કે લોહામંડી તરકરી ગલીના રહેવાસી ચાંદીના વેપારી નીતિન વર્માની ઘરના બહારના ભાગમાં પોતાની દુકાન હતી. નીતિન વર્મા ભાજપના ગોપેશ્વર મંડળના ઉપાધ્યક્ષ હતા. નીતિનની પત્નીએ જણાવ્યું કે સાંજે જ્યારે તેણે નીતિનને ફોન કર્યો તો તેણે કહ્યું કે તે બેલનગંજના રહેવાસી ટિંકુ સાથે છે અને થોડીવારમાં ઘરે આવશે, પણ રાત્રે ફરી ફોન કર્યો તો ફોન સ્વીચ ઓફ આવ્યો. ટીંકુને ફોન કર્યો, તે પણ બંધ આવી રહ્યો હતો. ટીંકુ ભાજપના અનુસૂચિત મોરચામાં જિલ્લા પ્રમુખ તરીકે જણાવવામાં આવી રહ્યા છે.
પોલીસ સ્ટેશન સિકંદરાએ જણાવ્યું કે આ હત્યા કેસમાં તેની સાથે ટિંકુ ભાર્ગવ અને અનિલની ધરપકડ કરવામાં આવી છે. બંનેએ પહેલા નીતિન સાથે દારૂ પીધો હતો. જે બાદ તેની ગોળી મારીને હત્યા કરવામાં આવી હતી. ત્યારબાદ બંનેએ તિક્ષ્ણ હથિયાર વડે માથું કાપી નાખ્યું. પોલીસે એ પણ જણાવ્યું કે ટીંકુ એક પરિચિતની કાર લાવ્યો હતો. સીસીટીવીમાં તેનો નંબર ટ્રેસ ન થઈ શકે તે માટે તેની નંબર પ્લેટ પણ બદલી દેવામાં આવી હતી.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp