Gujarat: ટ્રાફિકના નિયમોનું ઉલ્લંઘન કરવાનું મોંઘુ પડી શકે છે, ગૃહ રાજ્ય મંત્રીએ આપ્યો કડક આદેશ
Harsh Sanghvi: રાજ્યમાં વધી રહેલા માર્ગ અકસ્માતોને રોકવા અને લોકોમાં ટ્રાફિક જાગૃતિ કેળવવા લઘુ ફિલ્મ સ્પર્ધા સ્વાગત કાર્યક્રમનું આયોજન કરવામાં આવ્યું હતું. જેમાં ગૃહ રાજ્ય મંત્રી હર્ષ સંઘવીએ વિજેતાઓને પ્રોત્સાહિત કર્યા હતા અને ટ્રાફિક વિભાગને અભિનંદન પાઠવ્યા હતા. આ દરમિયાન તેમણે અમદાવાદના CP અને GDPને કડક આદેશો આપતા કહ્યું હતું કે તેઓ ટ્રાફિકના નિયમોનું ઉલ્લંઘન કરનારાઓ સામે FIR દાખલ ન કરે અને તેમને સીધા જેલમાં મોકલો.
દરમિયાન ગૃહમંત્રી હર્ષ સંઘવીએ કડક આદેશ આપતા કહ્યું કે, જે વધુ સ્પીડમાં અને રોંગ સાઇડમાં વાહન ચલાવે છે તેમની સામે FIR નોંધવામાં આવશે. સિગ્નલનો ભંગ કરનાર અને ખોટી દિશામાં વાહન ચલાવનારાઓને દંડ ન ફટકારો. અમદાવાદના CP અને DGPને આદેશ કરવામાં આવ્યો કે, ટ્રાફિકનો ભંગ કરનાર સાથે ચલણ અને સ્લેટ સાથે ફોટોગ્રાફ ખેચાવવાને બદલે તેમને જેલ મોકલવામાં કડકાઇ રાખો.
ટ્રાફિક જાગૃતિને સમર્થન કરનાર મહાનુભાવોનું સન્માન !🚦 અમદાવાદ શહેર ટ્રાફિક પોલીસ અને અમદાવાદ ટ્રાફિક ટ્રસ્ટના સંયુક્ત ઉપક્રમે આયોજિત શોર્ટ ફિલ્મ પ્રતિયોગીતાના વિજેતાઓના સત્કાર સમારંભમાં ઉપસ્થિત રહીને વિજેતાઓને સન્માનિત કરીને અભિનંદન પાઠવ્યા.🚦 લોકોમાં ટ્રાફિક જાગૃતિ આવે અને… pic.twitter.com/yE5EH0znqy — Harsh Sanghavi (@sanghaviharsh) December 17, 2024
ટ્રાફિક જાગૃતિને સમર્થન કરનાર મહાનુભાવોનું સન્માન !🚦 અમદાવાદ શહેર ટ્રાફિક પોલીસ અને અમદાવાદ ટ્રાફિક ટ્રસ્ટના સંયુક્ત ઉપક્રમે આયોજિત શોર્ટ ફિલ્મ પ્રતિયોગીતાના વિજેતાઓના સત્કાર સમારંભમાં ઉપસ્થિત રહીને વિજેતાઓને સન્માનિત કરીને અભિનંદન પાઠવ્યા.🚦 લોકોમાં ટ્રાફિક જાગૃતિ આવે અને… pic.twitter.com/yE5EH0znqy
એટલે કે હવે ટ્રાફિકના નિયમોનું ઉલ્લંઘન કરવાથી જેલ થઈ શકે છે. વડોદરામાં છેલ્લા કેટલાક દિવસોથી રોંગ સાઈડમાં વાહન ચલાવવાની ઘટનાઓ પ્રકાશમાં આવી છે. વડોદરાના અનેક વિસ્તારોમાં ટ્રાફિકના નિયમોનો ભંગ કરી પુરપાટ ઝડપે વાહનો ચલાવવામાં આવી રહ્યા છે. હવે ઓવરસ્પીડ અને ટ્રાફિકના નિયમોનું ઉલ્લંઘન કરનારાઓ મોટી મુશ્કેલીમાં મુકાઈ શકે છે.
આ સ્પર્ધામાં ભાગ લેનાર સ્પર્ધકોની પ્રથમ 10 શૉર્ટ ફિલ્મો દર્શાવવામાં આવી હતી. પ્રદીપભાઈ વાઘેલાએ પ્રથમ, શૈલેષ બોઘાણીએ દ્વિતીય અને વિપુલ શાહે તૃતીય સ્થાન મેળવ્યું છે. તેમને 2 લાખ, 1.5 લાખ અને 1 લાખના ઈનામો અને પ્રમાણપત્રો અને ટ્રોફી એનાયત કરવામાં આવી હતી. તેમજ 10 રેન્ક સુધીની ફિલ્મોને 10,000 રૂપિયાનું ઇનામ અને પ્રમાણપત્ર આપવામાં આવ્યું હતું.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp