કોણ છે ગમલિયાલ હેમ્બ્રોમ? જેમને હેમંત સોરેન સામે ભાજપે મેદાનમાં ઉતાર્યા છે?

Jharkhand Assembly Election 2024:  ભાજપે ઝારખંડ વિધાનસભાની ચૂંટણી 2024 માટે 2 ઉમેદવારોની બીજી યાદી જાહેર કરી છે. આ અગાઉ પાર્ટીએ 66 ઉમેદવારોની જમ્બો યાદી બહાર પાડી હતી. એવામાં હવે ભાજપે તેના ક્વોટાના તમામ 68 ઉમેદવારોના નામ જાહેર કરી દીધા છે. ભાજપે ટુંડીથી વિકાસ મહતો અને બરહેત સીટથી ગમલિયાલ હેમબ્રોમને મેદાનમાં ઉતાર્યા છે.

તમને જણાવી દઈએ કે ગમલિયાલે બરહેત સીટ પરથી AJSUની ટિકિટ પર 2019ની વિધાનસભા ચૂંટણી પણ લડી હતી. તેમને અહીં કુલ 2573 વોટ મળ્યા હતા. મુખ્યમંત્રી હેમંત સોરેન બરહેટથી ચૂંટણી લડી રહ્યા છે. 2019ની ચૂંટણીમાં હેમંતે ભાજપના ઉમેદવાર સાઇમન માલ્ટોને 25 હજાર કરતા વધુ મતોથી હરાવ્યા હતા. સોરેન 2014માં દુમકાથી ચૂંટણી લડ્યા હતા, ત્યારે તેમને ભાજપના લુઇસ મરાંડીએ હરાવ્યા હતા. આ સીટ પર 20 નવેમ્બરે મતદાન થશે. એવામાં, ચાલો જાણીએ કોણ છે ગમલિયાન હેમ્બ્રોમ, જેમને પાર્ટીએ બરહેટથી ઉમેદવાર બનાવ્યા છે

ગમલિયાલ હેમ્બ્રોમે પેરા ટીચરની નોકરી છોડીને 5 વર્ષ પહેલા 2019માં રાજકારણમાં જોડાયા હતા. તેમને સ્પોર્ટ્સમાં ખૂબ જ શોખ છે. તેઓ પોતાના પ્રદેશમાં મોટા પાયે ફૂટબોલ ટૂર્નામેન્ટનું આયોજન કરવા માટે જાણીતા છે. આ ટૂર્નામેન્ટમાં ભારત અને વિદેશના ખેલાડીઓ પણ ભાગ લે છે. હેમ્બ્રોમની પત્ની વિનીતા ટુડૂ પણ રાજકારણમાં સક્રિય છે. તેઓ સતત 2 વખત રાજ્યની ખૈરવા પંચાયતમાંથી પ્રમુખની ચૂંટણી જીતી રહ્યા છે. તમને જણાવી દઈએ કે ભાજપ રાજ્યમાં 68 સીટો પર ચૂંટણી લડી રહી છે, જ્યારે તેની સહયોગી AJSU 10, LJP 1 અને JDU 2 સીટો પર ચૂંટણી લડી રહી છે. રાજ્યની 43 બેઠકો પર 13 નવેમ્બરે અને 20 નવેમ્બરે 38 બેઠકો પર ચૂંટણી યોજાવાની છે. જ્યારે 23મી નવેમ્બરે પરિણામ જાહેર થશે.