રીલ, 40 હજાર ફોલોઅર્સ અને અફેર..’, 5 બાળકોની મા પ્રેમી સાથે ભાગીને ગુજરાત આવી, બોલી-પતિથી..
તમે પાકિસ્તાનની સીમા હૈદર અને સચિન મીણાની લવસ્ટોરી તો સાંભળી જ હશે. હવે એવી જ લવ સ્ટોરી રાજસ્થનાના જેસલમેરથી પણ સામે આવી છે. અહી મહિલા અને તેના પ્રેમીએ દેશની સરહદ તો નહીં, પરંતુ પ્રેમની હદો જરૂર પાર કરી દીધી. મહિલાને એક યુવક સાથે ઓનલાઇન લવ થઈ ગયો હતો. યુવકના પ્રેમમાં એટલી ડૂબી ગઈ કે તેણે પોતાના 5 બાળકો અને પતિને છોડી દીધા અને પ્રેમી સાથે ગુજરાતના પાલનપુર આવીને લિવ ઇનમાં રહેવા લાગી. હવે મામલો પોલીસ સ્ટેશન સુધી પહોંચ્યો તો મહિલા બોલી તે પ્રેમી સાથે જ રહેવા માગે છે, પતિથી તંગ આવી ચૂકી હતી.
અંતરિયાળ વિસ્તારના ગામમાં રહેનારી 32 વર્ષીય મહિલા ઇન્સ્ટાગ્રામ પર રીલ બનાવતી હતી. ધીરે ધીરે તેના હજારો ફોલોઅર્સ થઈ ગયા. ઇન્સ્ટાગ્રામ પર એક યુવક સાથે મહિલાની મિત્રતા થઈ ગઈ. મહિલાના 5 બાળકો છે. ઇન્સ્ટાગ્રામ પર મળેલા યુવકના પ્રેમમાં મહિલાએ પોતાના બાળકો અને પતિને છોડી દીધા અને પ્રેમી સાથે પાલનપુર આવીને રહેવા લાગી. પોલીસના જણાવ્યા મુજબ જેસલમેરના કીતા ગામની રાહવાસી નેમી દેવીના લગ્ન 15 વર્ષ અગાઉ જિલ્લાના ઝિનઝિનિયાલી પોલીસ સ્ટેશન વિસ્તારના ઢાણીના રહેવાસી નારણા રામ ભીલ સાથે થયા હતા. નેમી દેવી 32 વર્ષની છે અને તે ક્યારેય શાળાએ ગઈ નથી.
નેમી દેવી ઇન્સ્ટાગ્રામ પર ડાન્સની રીલ બનાવીને પોસ્ટ કરતી હતી. તેના લગભગ 40 હજારથી પણ વધારે ફોલોઅર્સ થઈ ગયા હતા. આ દરમિયાન ઇન્સ્ટાગ્રામ પર તેની મુલાકાત લોક ગાયક ભીમારામ સાથે થઈ. બંને સંપર્કમાં આવીને વાત કરવા લાગ્યા અને એક બીજાને પસંદ કરવા લાગ્યા અને પછી અફેર ચાલવા લાગ્યું. આ દરમિયાન બંનેએ એક સાથે રહેવાનો નિર્ણય લીધો. નેમી દેવી બહાનું બનાવીને સસરામાંથી નીકળીને પ્રેમી સાથે જતી રહી. અચાનક ગાયબ થવા પર જેસલમેર પોલીસ સ્ટેશનમાં પત્ની ગુમ થયાનો કેસ નોંધાવ્યો. પોલીસે નેમી દેવીની શોધ શરૂ કરી. સોમવારે બાડમેર જિલ્લાના મુખ્યાલયના મહિલા પોલીસ સ્ટેશનમાં નેમી દેવી પોતાના પ્રેમી સાથે હાજર થઈ. મહિલા પોલીસ સ્ટેશને સદર પોલીસ સ્ટેશન જેસલમેરને તેની જાણકારી આપી.
નેમી દેવીએ કહ્યું કે, તેના 5 બાળકો છે, પરંતુ તેનો પતિ તેની સાથે મારામારી કરતો હતો. શંકાની નજરે જોતો હતો, તેનાથી તે તંગ આવી ચૂકી હતી. આ દરમિયાન ઇન્સ્ટાગ્રામ પર તેની ઓળખ લોક ગાયક ભીમારામ સાથે થઈ. બંનેએ સાથે રહેવાનો નિર્ણય લીધો અને હવે લગ્ન કરીને પ્રેમી સાથે રહેવા માગે છે. પ્રેમી ભીમારામે કહ્યું કે, ઇન્સ્ટા પર ચેટિંગ કરીને નંબર એક્સચેન્જ કર્યો હતો. પ્રેમ થઈ ગયો. અમે બંને ગુજરાતના પાલનપુરમાં લિવ ઇન રિલેશનશીપમાં રહેવા લાગ્યા. બંનેના પરિવારજનોએ ગુમ થયાનો રિપોર્ટ નોંધાવ્યો હતો, ત્યારબાદ બંનેએ હાજર થવાનું ઉચિત સમજ્યું. હવે લગ્ન કરીને સાથે રહેવા માગે છે. જેસલમેર સદર પોલીસ સ્ટેશનના હેડ કોન્સ્ટેબલ જગદીશ દાને કહ્યું કે, બંનેના નિવેદન લઈને તેમને જવા દીધા છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp