Gujarat: હાશ મોટી દુર્ઘટના ટળી! મેળામાં રાઇડનો દરવાજો અચાનક ખૂલ્યો અને બાળકો..; જુઓ વીડિયો
Vadodara fair: વડોદરા જિલ્લામાં માંજલપુર વિસ્તારમાં ચાલી રહેલા મેળામાં રાઇડનો દરવાજો અચાનક ખુલી જતા મોટી દુર્ઘટના ટળી હતી. સામે આવેલા વીડિયોમાં જોવા મળે છે કે હેલિકોપ્ટર આકારની રાઇડની ઝડપ વધતા જ તેના એક ડબ્બાનો દરવાજો ખૂલી ગયો અને 2 બાળકો સવારીમાંથી લટકી રહ્યા હતા. જોકે, સદનસીબે રાઇડ સમયસર બંધ થઇ ગઇ હતી, જેના કારણે કોઇ મોટી દુર્ઘટના થઇ નહોતી. ઘટનાની જાણ થતા જ ફાયર વિભાગ અને પોલીસની ટીમ ઘટનાસ્થળે પહોંચી હતી અને પરિસ્થિતિને કાબૂમાં લીધી હતી.
અહેવાલો અનુસાર, હાલમાં મેળામાં તમામ રાઇડ્સને રોકી દેવામાં આવી હતી અને આ મામલે તપાસ કરવામાં આવી રહી છે. પોલીસે જણાવ્યું હતું કે જો મેળા સંચાલકની બેદરકારી જણાશે તો કડક કાર્યવાહી કરવામાં આવશે. વીડિયોમાં જોવા મળી રહ્યું છે કે કેટલાક બાળકો હેલિકોપ્ટર રાઇડ પર બેઠા છે અને ધીમે-ધીમે રાઇડ સ્પીડ પકડે છે.
થોડા રાઉન્ડ પછી, સવારીનો એક ડબ્બો દરવાજો ખુલે છે અને બાળકો તેના પર અટકી જાય છે. જો કે, રાઇડ કોઇ વધુ ઝડપે પહોંચે તે પહેલા તેને રોકી દેવામાં આવે છે અને બાળકોને ઉતારી લેવામાં આવે છે અને બાળકોને લઇ જવામાં આવે છે. એવામાં બાળકો સુરક્ષિત રીતે રાઇડમાંથી ઉતરી જાય છે અને મોટી દુર્ઘટના ટળી જાય છે.
View this post on Instagram A post shared by SidhiKhabar (@sidhikhabar)
A post shared by SidhiKhabar (@sidhikhabar)
ઘટના અંગે માહિતી આપતાં વડોદરા શહેરના એડિશનલ પોલીસ કમિશનર લીના પાટીલે જણાવ્યું હતું કે, 'અવધૂત ગેટ પાસે રૉયલ મેળા નામનો મેળો યોજવામાં આવે છે, જ્યાં બાળકો અને તેમના માતા-પિતા આવતા રહે છે. અહીં એક નાની હેલિકોપ્ટર રાઇડ છે, જેનો દરવાજો ખુલી જવાના કારણે, બાળકો પડી જાય તેવી સ્થિતિ સર્જાઇ હતી. જો કે તેમાં કોઇને ઇજા થઇ નથી, પરંતુ મામલાની ગંભીરતાને ધ્યાનમાં લઇને પોલીસની ટીમ અહીં તૈનાત કરી આગળની કાર્યવાહી હાથ ધરવામાં આવી છે. અત્યારે મેળો બંધ છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp