Murder: વર્ષના પહેલા દિવસે ખૂની ખેલ, કૌટુંબિક કલેશના કારણે યુવકે માતા સહિત 4 બહેનોના રામ રમાડી દીધા

Lucknow Murder: ઉત્તર પ્રદેશની રાજધાની લખનૌમાં નવા વર્ષે જ 5 લોકોના મોતના સમાચાર સામે આવ્યા છે. આરોપી અરશદ (ઉંમર 24)એ પોલીસ સ્ટેશન નાકા વિસ્તારમાં આવેલી હૉટલ શરણજીતમાં પરિવારના 5 સભ્યોની હત્યા કરી દીધી. આ હૃદયદ્રાવક ઘટના બાદ પોલીસે તાત્કાલિક આરોપીની ધરપકડ કરી લીધી હતી. નવા વર્ષે આરોપીએ 4 બહેનો અને માતાની હત્યા કરી દીધી હતી.

આરોપીએ પોતાની માતા અસ્મા સહિત બહેન આલિયા (ઉંમર 9 વર્ષ), અલ્શિયા (ઉંમર 19 વર્ષ), અક્સા (ઉંમર 16 વર્ષ) અને રહમીન (ઉંમર 18 વર્ષ)ની હત્યા કરી દીધી છે. આરોપી યુવક અરશદ આગ્રાનો રહેવાસી હોવાનું કહેવાય છે. આ ઘટનાની માહિતી મળતાની સાથે જ વરિષ્ઠ અધિકારીઓ અને સ્થાનિક પોલીસ તાત્કાલિક ઘટનાસ્થળે પહોંચી ગયા હતા અને જરૂરી કાર્યવાહી શરૂ કરી હતી અને ફિલ્ડ યુનિટને પણ બોલાવીને પુરાવા એકત્ર કરવામાં આવી રહ્યા છે. આ કેસમાં આરોપી અરશદની ઘટનાસ્થળેથી ધરપકડ કરી ઝીણવટભરી તપાસ અને આગળની કાયદેસરની કાર્યવાહી હાથ ધરવામાં આવી છે.

આ હત્યા કેસ અંગે લખનૌના DCP રવીના ત્યાગીએ કહ્યું કે આજે બુધવારે (1 જાન્યુઆરી, 2025) પોલીસ સ્ટેશન નાકા વિસ્તારમાંથી એક માહિતી મળી હતી. જેમાં જણાવવામાં આવ્યું હતું કે હૉટલ શરણજીતના રૂમમાંથી 5 લોકોના મૃતદેહ મળી આવ્યા છે, માહિતી મળતાની સાથે જ સ્થાનિક પોલીસ તાત્કાલિક ઘટનાસ્થળે પહોંચી ગઈ હતી. ત્યારબાદ, અરશદ નામના યુવકને કસ્ટડીમાં લેવામાં આવ્યો, જે આગ્રાનો રહેવાસી છે.

DCP રવીના ત્યાગીએ કહ્યું કે આરોપીએ પૂછપરછ દરમિયાન જણાવ્યું કે પારિવારિક કલેશને કારણે તેણે તેની માતા અને 4 બહેનોની હત્યા કરી હતી. વધુ તપાસ પણ ચાલી રહી છે અને મૃતદેહોને પોસ્ટમૉર્ટમ માટે મોકલી દેવામાં આવ્યા છે. ફિલ્ડ યુનિટને બોલાવીને પુરાવા એકત્ર કરવામાં આવી રહ્યા છે અને ટૂંક સમયમાં વધુ માહિતી આપવામાં આવશે.

#WATCH | Lucknow, Uttar Pradesh: 5 people found dead in a hotel in Lucknow

DCP Central Raveena Tyagi says, "Today, The bodies of five people were found in a room of Hotel Sharan Jeet. The local police reached the spot and a person named Arshad, around 24 years old, a resident… pic.twitter.com/xfKg3SdFfW

— ANI (@ANI) January 1, 2025

થોડા દિવસ અગાઉ સુરતમાં રહેતા એક યુવકે પારિવારિક કલેશના કારણે આખા પરિવારને છરીના ઘા કરીને મોતને ઘાટ ઉતારવાનો પ્રયાસ કર્યો હતો, જેમાં તેની પત્ની અને બાળકનું મોત થયું હતું, જ્યારે માતા-પિતા ઈજાગ્રસ્ત થઇ ગયા હતા. યુવકે આ ઘટનાને અંજામ આપ્યા બાદ પોતે પણ જીવન ટૂંકાવવાનો પ્રયાસ કર્યો હતો.