Gujarat : પંચમહાલમાં દર્દનાક બનાવ; 8 વર્ષનો છોકરો 10 ફૂટ ઊંડા ખાડામાં પડ્યો, ઘણી મહેનત બાદ લાશ મળી આવી
ગુજરાત ડેસ્ક : પંચમહાલમાંથી મોટી દુર્ઘટનાના સમાચાર આવી રહ્યા છે. પંચમહાલ શહેરમાં બિલ્ડરની બેદરકારીના કારણે એક માસૂમનું મોત થયું છે. 8 વર્ષનો બાળક 10 ફૂટ ઊંડા ખાડામાં પડ્યો હતો. કમનસીબે પાણી ભરેલા ખાડામાં કલાકોની જહેમત બાદ બાળકનો મૃતદેહ બહાર કાઢવામાં આવ્યો હતો.
આ અંગે મળતી માહિતી મુજબ પંચમહાલ શહેરમાં 8 વર્ષનો બાળક ખાડામાં પડી ગયો હતો. બાળક 10 ફૂટથી વધુ ઊંડા ખાડામાં પડી ગયું હતું. જેના કારણે બાળકની શોધખોળ હાથ ધરવામાં આવી હતી. અણીયાદ ચોકડી પાસે નિર્માણાધીન બિલ્ડીંગ પાછળ પાણી ભરેલા ખાડામાં એક બાળક ફસાઈ ગયું હતું. જોકે કલાકોની જહેમત બાદ બાળકનો મૃતદેહ બહાર કાઢવામાં આવ્યો હતો. સ્થાનિક લોકો અને ખાનગી એકેડમીની ડિઝાસ્ટર ટીમે બાળકનો મૃતદેહ બહાર કાઢ્યો હતો.
બાળકને બચાવવા માટે, રેસ્ક્યુ ટીમે તરત જ ખાડામાંથી પાણી બહાર કાઢ્યું, પરંતુ ત્યાં સુધીમાં ઘણું મોડું થઈ ગયું હતું અને 8 વર્ષના બાળકનો મૃતદેહ મળી આવ્યો હતો. પાણી ભરેલા ખાડાના તળિયે કાદવ હતો, જેના કારણે બાળક કાદવમાં ફસાઈ ગયું હોવાનું પ્રાથમિક તારણ બહાર આવ્યું હતું અને પરિણામે તેનું મોત થયું હતું. જાણવા મળી રહ્યું છે કે 8 વર્ષનો બાળક રમતા રમતા ખાડામાં પડી ગયો હતો. પરંતુ બિલ્ડરની બેદરકારીના કારણે ખાડાની આસપાસ બેરીકેટ ન લગાવવામાં આવતા આ દુર્ઘટના બની હતી.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp